Jona 3:1-10

3  Go tswa foo lefoko la ga Jehofa la tla kwa go Jona lekgetlo la bobedi, le re:+  “Nanoga, ya kwa Ninife motse o mogolo, mme o o bolelele polelo+ e ke e buang le wena.”  Morago ga moo, Jona a nanoga mme a ya kwa Ninife tumalanong le lefoko la ga Jehofa.+ Jaanong Ninife e ne e le motse o mogolo mo Modimong,+ o na le sekgala sa go ka tsamaiwa malatsi a mararo.  La bofelo Jona a simolola go tsena mo motseng sekgala sa go ka tsamaiwa letsatsi le le lengwe, mme a nna a bolela a re: “Go setse malatsi a le masome a manè fela, mme Ninife o tla ribegediwa.”+  Mme banna ba Ninife ba simolola go dumela mo Modimong,+ mme ba bolela gore go itingwe dijo ba bo ba apara letsela la kgetsi,+ go simolola ka yo mogolo thata mo go bone go ya go yo mmotlana thata mo go bone.  E rile lefoko le fitlha kwa kgosing ya Ninife,+ ya ema mo setulong sa yone sa bogosi ya apola seaparo sa yone se se e tlhaolang mme ya ipipa ka letsela la kgetsi e bo e nna fa fatshe mo meloreng.+  Go feta moo, e ne ya dira gore go tlhajwe mokgosi, mme ya dira gore go buiwe mo Ninife, ka molao wa kgosi le ba bagolo ba yone, go twe: “Go se nne le motho ope le seruiwa sepe, le motlhape ope le letsomane lepe, le le latswang sengwe gotlhelele. Go se nne le sepe se se jang dijo. Le fa e le metsi di se ka tsa a nwa.+  Mme a ba ipipe ka letsela la kgetsi, motho le seruiwa; mme a ba tlhaeletse kwa Modimong ka nonofo mme ba boe,+ mongwe le mongwe mo tseleng ya gagwe e e bosula le mo tshiamololong e e neng e le mo diatleng tsa bone.  Ke mang yo o itseng gore a Modimo wa boammaaruri a ka nna a boela morago mme a ikwatlhaya+ a bo a boela morago mo bogaleng jwa gagwe jo bo tukang, gore re se ka ra nyelela?”+ 10  Mme Modimo wa boammaaruri a bona ditiro tsa bone,+ gore ba ne ba boetse morago ba dule mo tseleng ya bone e e bosula;+ ka jalo Modimo wa boammaaruri a ikwatlhaela+ masetlapelo a a neng a buile gore o tla a ba tlisetsa; mme a se ka a a tlisa.+

Dintlha Tse di Kwa Tlase