Johane 2:1-25

2  Jaanong mo letsatsing la boraro ga nna mokete wa lenyalo kwa Kana+ wa Galalea, mme mmaagwe+ Jesu o ne a le gone koo.  Jesu le barutwa ba gagwe le bone ba ne ba laleditswe kwa moketeng wa lenyalo.  E rile beine e tlhaela, mmaagwe+ Jesu a mo raya a re: “Ga ba na beine.”  Jesu a mo raya a re: “Ke dirang ka wena, mosadi?+ Nako ya me ga e ise e tle.”+  Mmaagwe a raya ba ba direlang a re: “Le fa e le eng se a se lo bolelelang, lo se dire.”+  Kafa go neng go ntse ka gone, go ne go na le dinkgo tsa metsi tsa leje di le thataro di le foo jaaka go tlhokega+ go ya ka melao ya Bajuda ya go itshekisa, nngwe le nngwe e kgona go tshola dilekanyo tsa seedi di le pedi kgotsa di le tharo.  Jesu a ba raya a re: “Tlatsang dinkgo tsa metsi ka metsi.” Mme ba di tlatsa go fitlha fa losing.  Mme a ba raya a re: “Gelelang mangwe jaanong mme lo a ise kwa mokaeding wa mokete.” Jalo ba a isa.  Jaanong, e rile mokaedi wa mokete a utlwa metsi a a fetotsweng beine+ mme a sa itse gore e ne e tswa kae, le mororo ba ba direlang ba ba neng ba gile metsi ba ne ba itse, mokaedi wa mokete a bitsa monyadi 10  mme a mo raya a re: “Batho ba bangwe botlhe ba ntsha beine e e monate pele,+ mme fa batho ba tlhapetswe, ba ntshe ya maemo a a kwa tlase. Wena o beile beine e e monate go fitlha jaanong.” 11  Jesu o ne a dira seno kwa Kana wa Galalea e le tshimologo ya ditshupo tsa gagwe, mme a bonatsha kgalalelo ya gagwe;+ mme barutwa ba gagwe ba dumela mo go ene. 12  Morago ga seno ene le mmaagwe le bomorwarraagwe+ le barutwa ba gagwe ba fologela kwa Kaperenama,+ mme ba se ka ba nna koo malatsi a le mantsi. 13  Jaanong tlolaganyo+ ya Bajuda e ne e le gaufi, mme Jesu a tlhatlogela kwa Jerusalema.+ 14  Mme a fitlhela mo tempeleng ba ba rekisang dikgomo le dinku le maphoi+ le baananyi ba madi mo ditulong tsa bone. 15  Jalo, ya re a sena go loga seme sa megala, a kobela botlhe ba ba tshotseng dinku le dikgomo kwa ntle ga tempele, mme a tsholola madi a tshipi a baananyi ba madi a ba a pitikolola ditafole tsa bone.+ 16  Mme a raya ba ba rekisang maphoi a re: “Tlosang dilo tse fano! Tlogelang go dira ntlo+ ya ga Rre ntlo ya thekisetso!”+ 17  Barutwa ba gagwe ba gakologelwa gore go kwadilwe jaana: “Tlhoafalo ya ntlo ya gago e tla nja e mphetsa.”+ 18  Jalo, fa Bajuda ba araba, ba mo raya ba re: “O na le sesupo+ sefe se o ka se re bontshang, e re ka o dira dilo tseno?” 19  Fa Jesu a araba a ba raya a re: “Thubang tempele eno,+ mme mo malatsing a le mararo ke tla e tsosa.” 20  Jalo Bajuda ba re: “Tempele eno e ne ya agiwa mo dingwageng di le masome a manè le borataro, mme a o tla e tsosa mo malatsing a le mararo?” 21  Mme ene o ne a bua ka ga tempele+ ya mmele wa gagwe. 22  Le fa go ntse jalo, e rile a tsosiwa mo baswing, barutwa ba gagwe ba gakologelwa+ gore o ne a tle a bue seno; mme ba dumela Lokwalo le lefoko le Jesu a neng a le bua. 23  Le fa go ntse jalo, e rile a le kwa Jerusalema kwa tlolaganyong, kwa moletlong wa yone,+ batho ba le bantsi ba dumela mo leineng la gagwe,+ ba lebile ditshupo tsa gagwe tse a neng a di dira.+ 24  Mme Jesu ka boene o ne a se ka a ba ineela+ ka ntlha ya go bo a ba itse botlhe 25  le ka gonne a ne a sa tlhoke gore ope a neele bosupi ka ga motho, gonne ene ka boene o ne a itse se se neng se le mo mothong.+

Dintlha Tse di Kwa Tlase