Joele 1:1-20

1  Lefoko la ga Jehofa le le neng la tla+ mo go Joele morwa Pethuele:  “Utlwang seno, lona banna ba bagolwane, lo bo lo sekege tsebe, lona lotlhe banni ba lefatshe.+ A seno se diragetse mo malatsing a lona, kgotsa le mo malatsing a borraalonamogologolwane?+  Nayang bomorwaalona pego ka ga sone, le bomorwaalona ba e neye bomorwaabone, le bomorwaabone ba e neye kokomana e e latelang.+  Se mogokong o neng o se sadisitse, tsie e se jele;+ le se tsie e neng e se sadisitse, tsie e e gagabang e e se nang diphuka e se jele; mme se tsie e e gagabang e e se nang diphuka e se sadisitseng, lefele le se jele.+  “Tsogang, lona matagwa,+ lo lele; bokolelang,+ lona lotlhe banwi ba beine, ka ntlha ya beine e e botshe,+ gonne e fedisitswe mo melomong ya lona.+  Gonne go na le setšhaba sengwe se se tlileng mo lefatsheng la me, se se thata se se se nang palo.+ Meno a sone ke meno a tau,+ e bile se na le ditlhaa tsa tau.  Se dirile mofine wa me selo sa go akabalelwa,+ le setlhare sa me sa mofeige sesana.+ Ruri se se tlhotlhorile sa se latlha.+ Dikalana tsa sone di setse di le ditshweu.  Kuruetsang, jaaka kgarebane e e ikgatlhileng ka letsela la kgetsi+ e kurueletsa mong wa bosha jwa yone.  “Tshupelo ya dijo tsa ditlhaka+ le tshupelo ya senō+ di kgaotswe mo ntlong ya ga Jehofa; baperesiti, badiredi+ ba ga Jehofa, ba hutsafetse.+ 10  Tshimo e thopilwe,+ mmu o hutsafetse;+ gonne mabele a thopilwe, beine e ntšha e kgadisitswe,+ leokwane le nyeletse.+ 11  Balemirui ba tlhabilwe ke ditlhong;+ babaakanyi ba mofine ba bokoletse, ka ntlha ya korong le ka ntlha ya barele; gonne thobo ya tshimo e nyeletse.+ 12  Mofine ka boone o omeletse, mme le setlhare sa mofeige tota se nyeletse. Fa e le setlhare sa garanata, le setlhare sa mokolane le setlhare sa diapole, ditlhare tsotlhe tsa tshimo, di omeletse;+ ka gonne boitumelo bo tsamaile ka ditlhong go tlogela bomorwa batho.+ 13  “Ikgatlheng, lo ipetse dihuba,+ lona baperesiti. Bokolelang, lona badiredi ba sebeso.+ Tsenang, lalang bosigo jotlhe mo letseleng la kgetsi, lona badiredi ba Modimo wa me; gonne tshupelo ya dijo tsa ditlhaka+ le tshupelo ya senō di thibetswe mo ntlong ya Modimo wa lona.+ 14  Itshepiseng nako ya go itima dijo.+ Phuthang kopano e e masisi.+ Phuthelang bagolwane, banni botlhe ba lefatshe, kwa ntlong ya ga Jehofa Modimo wa lona,+ mme lo goele kwa go Jehofa lo kope thuso.+ 15  “Ijoo, matlhotlhapelo mo letsatsing leo;+ ka gonne letsatsi la ga Jehofa le gaufi,+ mme le tla tla jaaka thopo e e tswang go Yo e leng Mothatayotlhe! 16  A dijo ka botsone ga di a fedisiwa fa pele ga matlho a rona; go itumela le boipelo ga fedisiwa mo ntlong ya Modimo wa rona?+ 17  Difeige tse di omisitsweng di swabile kafa tlase ga digarawe tsa bone. Matlo a polokelo a kgakgabaditswe. Mabolokelo a rutlolotswe, gonne mabele a omeletse. 18  A bo seruiwa se fegetswe jang ne! A bo metlhape ya dikgomo e ne e kgarakgatshega e tlhakatlhakane jang ne! Gonne ga e na mafulo.+ Gape, matsomane a dinku ke one a ileng a pegwa molato. 19  “Ke tla biletsa kwa go wena Jehofa;+ gonne molelo o laitse mafulo a kwa nageng, le kgabo ya molelo e jele ditlhare tsotlhe tsa naga.+ 20  Diphologolo tsa naga le tsone di nna di go tlhologelelwa,+ ka gonne meedi ya metsi e kgadile,+ le molelo o laitse mafulo a kwa nageng.”

Dintlha Tse di Kwa Tlase