Jobe 8:1-22

8  Mme Biledade wa Moshuha+ a araba a re:   “O tla nna o bua dilo+ tse ka lobaka lo lokae,Fa mafoko a molomo wa gago e le phefo+ fela e e maatla?   A Modimo ka boene o tla sokamisa katlholo,+Kgotsa a Mothatayotlhe ka boene o tla sokamisa tshiamo?+   Fa bomorwao ba mo leofetse,Mo a ba lesang gore ba tsene mo seatleng sa go tlhanoga ga bone,   Fa o ka batla Modimo,+Mme fa o ka rapelela go amogelwa ke Mothatayotlhe,   Fa o itshekile e bile o thokgame,+Gone jaanong o ne a tla tsoga ka ntlha ya gagoMme ruri o ne a tla tsosolosa lefelo la gago la bonno le le siameng.   Gape, tshimologo ya gago e ka tswa e ne e le selo se se botlana,Mme bokhutlo jwa gago morago ga moo bo ne bo tla gola bo nna bogolo thata.+   Botsa kokomana+ ya pele tsweetswee,Mme o tlhome mogopolo wa gago mo dilong tse di neng tsa senkwa ke borraabone.+   Gonne re tlile maabane+ fela jaana, mme ga re itse sepe,Ka gonne malatsi a rona mo lefatsheng ke moriti.+ 10  A bone ba ka se go rute, ba go bolelele,Mme a ga ba kitla ba ntsha mafoko mo pelong ya bone? 11  A semela sa koma+ se ka golela kwa godimo go se na lefelo le le loraga?A lotlhaka lo ka gola lwa nna logolo go se na metsi? 12  Fa lo sa ntse lo kukunya, lo ise lo kgetlwe,Lo tla omelela+ pele ga majang a mangwe otlhe. 13  Di ntse fela jalo ditselana tsa botlhe ba ba lebalang Modimo,+Mme tsholofelo ya motlhanogi e tla nyelela,+ 14  Yo tshepo ya gagwe e fedisitsweng,Le yo o ikantseng ntlo ya segokgo.+ 15  O tla ikaega ka ntlo ya gagwe, mme ga e na go tswelela e eme;O tla e tshwara, mme ga e kitla e nnela ruri. 16  O tletse matute fa pele ga letsatsi,Mme kalana ya gagwe e a tlhoga+ mo tshingwaneng ya gagwe. 17  Medi ya gagwe e logagana mo thoteng ya maje,O bona ntlo ya maje. 18  Fa mongwe a mo kometsa mo lefelong la gagwe,+Ruri le lone le tla mo itatola, le re, ‘Ga ke a go bona.’+ 19  Bona! tsela ya gagwe+ e nyelela jalo;Mme mo loroleng go tlhaga ba bangwe. 20  Bona! Modimo o ka se gane ope yo o se nang molato,Le fa e le go tshwara seatla sa badirabosula, 21  Go fitlha a tlatsa molomo wa gago ka setshego,Le dipounama tsa gago ka go goa ka boipelo. 22  Bone ba ba go tlhoileng ba tla apesiwa ditlhong,+Mme mogope wa baikepi o ka se nne teng.”

Dintlha Tse di Kwa Tlase