Jobe 35:1-16

35  Elihu a tswelela go araba a re:   “A seno ke se o se tsereng e le tshiamiso?O rile, ‘Tshiamo ya me e feta ya Modimo.’+   Gonne wa re, ‘E na le thuso efe mo go wena?+Ke eng se se ka ntswelang mosola go feta go leofa ga me?+   Nna ka bonna ke tla go fetolaMmogo le balekane ba gago.+   Lelalela kwa legodimong+ mme o bone,O lebe maru,+ gore ruri a kwa godimo go go feta.   Fa tota o leofa, ke eng se o se fitlhelelang kgatlhanong le ene?+Mme fa go tlhanoga ga gago go oketsega, o mo dirang?   Fa ruri o se na molato, o mo nayang eng,Kgotsa ke eng se a se amogelang mo seatleng sa gago?+   Boikepo jwa gago bo ka tswa bo le kgatlhanong le motho yo o tshwanang le wena,+Le tshiamo ya gago kgatlhanong le morwa motho wa mo lefatsheng.+   Ba nna ba ikuela gore ba thusiwe ka ntlha ya dikgatelelo tse dintsi;+Ba nna ba goa ba kopa thuso ka ntlha ya lebogo la ba bagolo.+ 10  Le fa go ntse jalo ga go na ope yo o neng a re, ‘O kae Modimo Modiri wa me yo Mogolo,+Ene yo o ntshang melodi ya pina bosigo?’+ 11  Ke Ene yo o re rutang+ go feta diphologolo tsa lefatshe,+E bile o re dira botlhale go feta dibopiwa tse di fofang tsa magodimo. 12  Ba nna ba goa ba le koo, mme ga a arabe,+Ka ntlha ya boikgogomoso+ jwa ba ba bosula. 13  Ke se se seng boammaauri fela se Modimo a sa se utlweng,+Mme Mothatayotlhe ka boene ga a go bone.+ 14  Go tweng he, fa o re ga o mmone!+Kgetsi ya molao e fa pele ga gagwe, mme jaanong o tshwanetse go mo leta ka tlhobaelo.+ 15  Mme jaanong ka gonne bogale jwa gagwe ga bo a batla gore go ikarabelwe,+Gape ga a tsaya tsia mafega a a feteletseng.+ 16  Mme Jobe o bula molomo wa gagwe thata a o bulela lefela;O ntsifatsa mafoko+ a se na kitso.”

Dintlha Tse di Kwa Tlase