Jobe 32:1-22

32  Jalo banna ba bararo bano ba kgaotsa go araba Jobe, gonne o ne a siame mo matlhong a bone.+  Mme bogale jwa ga Elihu morwa Barakele wa Mobuse+ wa losika lwa ga Rame jwa tuka. Bogale jwa gagwe bo ne jwa tukela Jobe gonne a ne a bolela fa moya wa gagwe o siame go na le Modimo.+  Gape, bogale jwa gagwe bo ne jwa tukela balekane ba gagwe ba bararo ka ntlha ya gore ba ne ba se ka ba bona karabo mme ba nna ba bolela fa Modimo a le boikepo.+  Mme Elihu o ne a letetse gore Jobe a fetse mafoko a gagwe, ka gonne ba ne ba le bagolo mo go ene ka malatsi.+  Mme kgabagare Elihu a bona gore go ne go se na karabo mo molomong+ wa banna ba bararo bano, mme bogale jwa gagwe jwa tuka go ya pele.  Mme Elihu morwa Barakele wa Mobuse a araba a re:“Ke mmotlana ka malatsiMme lona lo tsofetse.+Ke gone ka moo ke neng ka ikgogona mme ka boifaGo lo bolelela kitso ya me.   Ke ne ka re, ‘Malatsi ka boone a tshwanetse go bua,Le bontsintsi jwa dingwaga ke jone jo bo tshwanetseng go itsise botlhale.’+   Eleruri ke moya mo bathong ba ba nang le go swaLe mohemo wa Mothatayotlhe o o ba nayang tlhaloganyo.+   Ba ba botlhale+ ga se fela ba ba nang le malatsi a le mantsi,Le gone ba ba tlhaloganyang katlholo+ ga se fela ba ba tsofetseng. 10  Ka jalo ke ne ka re, ‘Ntheetsang.Nna ke tla bolela kitso ya me.’ 11  Bonang! Ke ne ka leta mafoko a lona banna,Ke ne ka nna ka sekegela dikakanyo tsa lona+ tsebe,Go fitlha lo batla mafoko a lo ka a buang. 12  Ke ne ka nna ke lebisitse tlhokomelo ya me kwa go lona,Mme ga go na ope yo o kgalemelang Jobe,Ga go na ope wa lona yo o arabang mafoko a gagwe, 13  Gore lo se ka lwa re, ‘Re bone botlhale;+Modimo ke ene a mo lelekang, e seng motho.’ 14  E re ka a sa rulaganya mafoko kgatlhanong le nna,Ka jalo nka se mo fetole ka mafoko a lona. 15  Ba ne ba tshogile, ba ne ba se ka ba tlhola ba araba;Ga ba tlhole ba na le mafoko. 16  Mme ke letile, gonne ga ba tswelele ba bua;Ba ne ba ema ba sa tshikinyege, ba se ka ba tlhola ba araba. 17  Nna ke tla araba;Ke tla bolela kitso ya me; 18  Gonne ke tletse ka mafoko;Moya o mpateletse+ mo mpeng. 19  Bonang! Mpa ya me e tshwana le beine e e se nang phatla ya go tswa;E batla go phanyega+ jaaka medutwana e mesha. 20  Mma ke bue gore ke tle ke gololesege.Ke tla bula dipounama tsa me gore ke tle ke arabe.+ 21  Tsweetswee, mma ke se ka ka bontsha tlhaolele mo mothong;+E bile ga nkitla ke naya motho wa mo lefatsheng sereto;+ 22  Gonne ruri ga ke itse gore nka naya sereto jang;Modiri wa me+ o ne a ka ntsaya motlhofo fela.

Dintlha Tse di Kwa Tlase