Jobe 19:1-29

19  Mme Jobe a araba a re:   “Lo tla nna lo sera moya+ wa me ka lobaka lo lokaeLe go nna lo nthubaganya ka mafoko?+   Lo nkgalemetse ka makgetlo ano a le lesome;Ga lo tlhabiwe ke ditlhong go bo lo ntshotla+ thata jaana.   Mme, fa e le gore ke dirile phoso,+Phoso ya me e tla nna le nna.   Fa e le gore ruri lo a inkgodisetsa,+Mme lo supa fa kgobo ya me e le e e ntshwanetseng,+   Itseng jaanong, gore Modimo ka boene o ntimeditse,Mme o ntswaletse ka letloa la gagwe la go tsoma.+   Bona! Ke nna ke goa ke re, ‘Thubakanyo!’ mme ga ke arabiwe;+Ke nna ke goa ke kopa thuso, mme ga go na tshiamiso.+   O thibile tselana ya me ka lobota lwa leje,+ mme ga ke kgone go feta;E bile o baya lefifi mo ditseleng tsa me.+   O nkapotse kgalalelo ya me,+E bile o tlosa serwalo sa tlhogo ya me. 10  O nthutla mo matlhakoreng otlhe, mme ke tsamaye;O kumula tsholofelo ya me fela jaaka setlhare. 11  Gape bogale jwa gagwe bo a ntukela,+O nna a ntsaya jaaka mmaba wa gagwe. 12  Mephato ya gagwe ya sesole e tla e le seoposengwe mme e tlhoma tsela ya yone kgatlhanong le nna,+E thibelela go dikologa mogope wa me. 13  Bomorwarre o ba beile kgakala le nna,+Le bone ba ba nkitseng ba mphapogile. 14  Ba ke tlwaelaneng le bone thata ga ba tlhole ba le teng,+Le bone ba ke ba itseng ba ntebetse, 15  Ba ba agileng e le baeng mo ntlong ya me;+ le malata a me ba ntsaya ke le motswakwa;Ke fetogile moeng wa mmatota mo matlhong a bone. 16  Ke biditse motlhanka wa me, mme ga a arabe.Ke nna ke mo kopa bopelotlhomogi ka molomo wa me. 17  Mohemo wa me ka boone o a ilega mo mosading wa me,+E bile ke fetogile yo o nkgang maswe mo go bomorwa sebopelo sa ga mmè. 18  Le basimanyana ba nkganne;+Fa ke ema, ba simolola go bua kgatlhanong le nna. 19  Banna botlhe ba setlhopha se ke atamalaneng thata le sone ba ntlhoile,+Le ba ke neng ke ba rata ba mphetogetse.+ 20  Marapo a me a ngaparetse+ letlalo la me le nama ya me,Mme ke falola ka letlalo la meno a me. 21  Nkutlweleng botlhoko, nkutlweleng botlhoko, lona balekane ba me,+Gonne seatla sa Modimo se nkamile.+ 22  Ke ka ntlha yang fa lo nnela go mpogisa fela jaaka Modimo a dira,+Mme lo sa kgotsofalele nama ya me? 23  E kete mafoko a me a ka bo a kwadilwe!E kete a ka bo a kwadilwe ka go ralwa mo bukeng! 24  Ka pene e e setang ya tshipi+ le ka lloto,E kete a ka bo a gabilwe mo lefikeng ka bosaengkae! 25  Mme ke itse sentle gore mogolodi+ wa me o a tshela,E tla re fa a tla morago ga me, o tla okamela+ lorole. 26  Mme morago ga gore ba manolole letlalo la me,—go nna jaana!Le fa gone ke fokotsegile mo nameng ke tla bona Modimo, 27  Yo le nna ke tla mo iponelang,+Le yo ruri matlho a me a tla mmonang, mme e seng motswakwa mongwe.Diphilo tsa me di koafetse kwa tengteng ga me. 28  Gonne lwa re, ‘Ke ka ntlha yang fa re nnela go mmogisa?’+Fa modi wa kgang o fitlhelwa mo go nna. 29  Itshogeleng ka ntlha ya tšhaka,+Gonne tšhaka e raya tšararego kgatlhanong le ditlolo,Gore lo tle lo itse gore go na le moatlhodi.”+

Dintlha Tse di Kwa Tlase