Jobe 17:1-16

17  “Moya wa me o utlwile botlhoko,+ malatsi a me a timilwe;Ke lebanwe ke diphupu.+   Eleruri ke a sotlwa,+Mme leitlho la me le nna mo gare ga boitshwaro jwa bone jwa botsuolodi.   Tsweetswee, nna moemedi wa me.+Ke mang gape yo nna le ene re tla tshwaranang ka diatla+ ka tiisetso?   Gonne o tswetse pelo ya bone gore e se ka ya bona botlhale.+Ke sone se o sa ba godiseng.   A ka nna a bolelela balekane gore ba tseye dikabelo tsa bone,Mme matlho a bomorwawe a tla koafala.+   Mme o ntirile polelo ya seane+ ya ditšhaba,Mo ke nnang mongwe yo go kgwelwang mathe+ mo sefatlhegong sa gagwe.   Leitlho la me le nna letobo+ ka ntlha ya go tshwenyegaMme ditokololo tsa me tsotlhe di tshwana le moriti.   Bathokgami ba rotolela seno matlho ba gakgametse,Le e leng yo o se nang molato o galefela motlhanogi.   Mosiami o nna a ngangatletse tsela+ ya gagwe,Mme yo o diatla di phepa+ nonofo+ ya gagwe e nna e ntse e oketsega. 10  Le fa go ntse jalo, lo ka nna lwa simolola gape lotlhe. Dirang jalo tsweetswee,E re ka ke sa bone ope yo o botlhale mo go lona.+ 11  Malatsi a me a fetile,+ dithulaganyo tsa me di phatlakantswe,+Dikeletso tsa pelo ya me. 12  Ba nna ba baya bosigo mo boemong jwa motshegare:+‘Lesedi le gaufi ka ntlha ya lefifi.’ 13  Fa ke nna ke letile, Sheole ke ntlo ya me;+Ke tla tshwanelwa ke go tsharolola bolao jwa me mo lefifing.+ 14  Ke tla tshwanelwa ke go tlhaeletsa kgatampi+ ke re, ‘O rre!’Le seboko+ ke re, ‘Mmè le morwadiarre!’ 15  Ka jalo, tsholofelo+ ya me e kae he?Le tsholofelo ya me—ke mang yo o e bonang? 16  Di tla fologela kwa mephakalegong ya Sheole,Fa rona, rotlhe fela, re fologela kwa loroleng+ gotlhelele.”

Dintlha Tse di Kwa Tlase