Jobe 12:1-25

12  Mme Jobe a araba a re:   “Eleruri lo batho,Mme botlhale bo tla swa le lona!+   Le nna ke na le pelo+ fela jaaka lona.Ga ke wa maemo a a kwa tlase mo go lona,+Mme ke mang yo o se nang dilo tse di tshwanang le tseno?   Ke nna yo o jewang setshego ke mongwe ka ene,+Yo o bitsang Modimo gore a mo arabe.+Yo o jewang setshego ke yo o siameng, yo o ka se kang a pegwa molato.   Mo kakanyong ya gagwe, yo o se nang matshwenyego o nyatsa go fela ga dilo;+Go baakanyeditswe ba ba dinao di kgwetlhang.+   Megope ya bathopi ga e tshwenyege,+Mme ba ba galefisang Modimo ba na le polokegoYa yo o tshotseng modimo mo seatleng sa gagwe.+   Le fa go ntse jalo, tsweetswee, botsa diruiwa mme di tla go ruta;+Le dibopiwa tse di nang le diphuka tsa magodimo, mme di tla go bolelela.+   Kgotsa bontsha lefatshe go tshwenyega ga gago, mme le tla go ruta;+Le ditlhapi tsa lewatle+ di tla go bolelela.   Ke sefe gareng ga dilo tseno tsotlhe se se sa itseng sentleGore seatla sa ga Jehofa ka bosone se dirile seno,+ 10  Yo mo seatleng sa gagwe go nang le moya+ wa mongwe le mongwe yo o tshelangLe moya wa nama yotlhe ya motho?+ 11  A tsebe ka boyone ga e leke mafoko+Jaaka magalapa+ a utlwa dijo? 12  A ga go na botlhale mo go ba ba tsofetseng+Le tlhaloganyo mo boleeleng jwa malatsi? 13  O na le botlhale le thata;+O na le kgakololo le tlhaloganyo.+ 14  Bona! O a rutlolola, gore go se ka ga agiwa;+O tswalela motho, gore go se ka ga bulwa.+ 15  Bona! o thibela metsi mme a kgale;+O a a romela, mme a fetola lefatshe.+ 16  O na le nonofo le botlhale jo bo mosola;+Yo o dirang phoso le yo o timetsang ke ba gagwe;+ 17  O dira gore bagakolodi ba tsamaye ka dinao tse di sa rwalang,+Mme o dira gore baatlhodi ba tsenwe. 18  O bofolola+ dikgole tsa dikgosi,Mme o bofa moitlamo mo dinōkeng tsa bone. 19  O dira gore baperesiti ba tsamaye ka dinao tse di sa rwalang,+Mme o phetsola ba ba nnetseng ruri;+ 20  O tlosa puo mo go ba ba ikanyegang,Le tlhaloganyo ya bannabagolo o a e tlosa; 21  O tshela lenyatso mo godimo ga batlotlegi,+Le moitlamo wa ba ba maatla o a o koafatsa; 22  O bipolola dilo tse di boteng mo lefifing,+Mme o tlisa moriti o montsho kwa leseding; 23  O dira gore ditšhaba di gole di nne dikgolo, gore a tle a di senye;+O tsharolola ditšhaba, gore a tle a di tsamaise; 24  O tlosa pelo ya ditlhogo tsa batho ba lefatshe,Gore a tle a dire gore ba kgarakgatshege mo lefelong le le se nang sepe,+ kwa go se nang tsela teng. 25  Ba apaapa mo lefifing,+ kwa go se nang lesedi teng,Gore a tle a dire gore ba kgarakgatshege jaaka motho yo o tagilweng.+

Dintlha Tse di Kwa Tlase