Fetela kwa tshedimosetsong

Fetela go diteng

Basupi ba ga Jehofa

Tlhopha puo Setswana

Jobe 1:1-22

1  Go ne go na le monna mongwe mo lefatsheng la Use+ yo leina la gagwe e neng e le Jobe;+ mme monna yoo o ne a itshupa a se na molato+ e bile a thokgame,+ a boifa Modimo+ e bile a fapoga bosula.+  O ne a tsholelwa+ bana ba le supa ba basimane le bana ba le bararo ba basetsana.  Mme diruiwa+ tsa gagwe e ne e le dinku di le dikete di le supa le dikamela di le dikete di le tharo le dipane tsa dikgomo di le makgolo a matlhano le diesele tse di namagadi di le makgolo a matlhano, mmogo le setlhopha se segolo thata sa batlhanka; mme monna yoo o ne a nna mogolo go feta batho botlhe ba Botlhaba.+  Mme bomorwawe ba tsamaya mme ba dira mokete+ kwa ntlong ya mongwe le mongwe wa bone ka letsatsi la gagwe; mme ba roma gore go lalediwe bokgaitsadiabone ba bararo gore ba tle go ja le go nwa le bone.  Go ne go diragala gore fa malatsi a mokete a fetile, Jobe a rome gore a ba itshepise;+ o ne a tsoga go sa le phakela a bo a isa ditlhabelo tse di fisiwang+ go ya ka palo ya bone botlhe; gonne Jobe o ne a re, “gongwe bomorwaake ba leofile le go tlhapatsa+ Modimo mo pelong ya bone.”+ Eo ke tsela e Jobe a neng a dira ka yone ka metlha.+  Jaanong ya nna letsatsi le bomorwa Modimo wa boammaaruri+ ba neng ba tsena ba tla go ema fa pele ga ga Jehofa+ ka lone, mme Satane+ le ene a tsena mo gare ga bone.+  Foo Jehofa a raya Satane a re: “O tswa kae?” Foo Satane a araba Jehofa a re: “Ke tswa go kgarakgatshega mo lefatsheng+ le go tsamayatsamaya mo go lone.”+  Mme Jehofa a raya Satane a re: “A o tlhomile pelo ya gago mo motlhankeng wa me Jobe, ka go se na ope yo o tshwanang le ene mo lefatsheng,+ monna yo o se nang molato+ e bile a thokgame,+ a tshaba Modimo+ e bile a fapoga bosula?”+  Foo Satane a araba Jehofa mme a re: “A Jobe o boifa Modimo+ lefela? 10  A wena ka bowena ga wa tlhoma legora go mo dikologa+ le go dikologa ntlo ya gagwe le go dikologa sengwe le sengwe se a nang le sone gotlhe fela? O segofaditse+ tiro ya diatla tsa gagwe, le diruiwa tsa gagwe di anametse kgakala mo lefatsheng. 11  Mme, go na le moo, ntsha seatla sa gago, tsweetswee, o ame sengwe le sengwe se a nang le sone mme o bone gore a ga a na go go tlhapatsa fa pele ga gago.”+ 12  Ka jalo Jehofa a raya Satane a re: “Bona! Sengwe le sengwe se a nang le sone se mo seatleng sa gago. Fela o se ka wa mo ntshetsa seatla sa gago!” Ka jalo Satane a tswa fa pele ga sefatlhego sa ga Jehofa.+ 13  Jaanong ya nna letsatsi le bomorwawe le bomorwadie ba neng ba ja e bile ba nwa beine mo ntlong ya ga morwarraabone wa leitibolo.+ 14  Mme ga tla morongwa+ mongwe kwa go Jobe, a re: “Dikgomo di ne di lema+ mme diesele tse di namagadi di ne di fula fa thoko ga tsone 15  fa Baseba+ ba ne ba tla go di tlhasela mme ba di tsaya, ba bo ba kgemetha batlhokomedi ka bogale jwa tšhaka; ke ne ka falola, nna fela ke le nosi, go tla go go bolelela.”+ 16  Fa yono a sa ntse a bua yo mongwe yole a tla mme a re: “Molelo wa Modimo o ne wa wa kwa magodimong+ mme wa tuka mo dinkung le mo batlhokomeding wa ba laila; mme ke ne ka falola, nna fela ke le nosi, go tla go go bolelela.” 17  Fa yoo a sa ntse a bua yo mongwe a tla mme a re: “Bakaladia+ ba ne ba dira mephato e le meraro mme ba betsegela kwa dikameleng ba di tsaya, mme ba kgemetha batlhokomedi ka bogale jwa tšhaka; mme ke ne ka falola, nna ke le nosi, go tla go go bolelela.” 18  Fa yo mongwe yono a sa ntse a bua, ga tla yo mongwe gape mme a re: “Bomorwao le bomorwadio ba ne ba ja e bile ba nwa beine+ mo ntlong ya ga morwarraabone wa leitibolo. 19  Mme, bona! ga tla phefo e kgolo+ go tswa nageng, ya itaya dikhutlo tse nnè tsa ntlo, ya wela basha mme ba swa. Ke ne ka falola, nna fela ke le nosi, go tla go go bolelela.” 20  Mme Jobe a nanoga a gagoganya+ seaparo sa gagwe se se se nang mabogo a ba a kgaola moriri+ wa tlhogo ya gagwe mme a wela fa fatshe+ a ikoba+ 21  mme a re:“Ke dule mo sebopelong+ sa ga mmè ke sa ikatega,Mme ke tla boela gone ke sa ikatega.+Jehofa ka boene o neile,+ mme Jehofa ka boene o tsere.+A leina la ga Jehofa le nne le bakwe.”+ 22  Mo go seno sotlhe Jobe ga a ka a leofa kgotsa a kaya fa Modimo+ a dirile sepe se se sa tshwanelang.

Dintlha Tse di Kwa Tlase