Jeremia 52:1-34

52  Sedekia+ o ne a na le dingwaga di le masome a mabedi le bongwe fa a simolola go busa,+ mme o busitse dingwaga di le lesome le bongwe mo Jerusalema.+ Leina la ga mmaagwe e ne e le Hamutale+ morwadia Jeremia go tswa Libena.+  Mme a tswelela go dira se se bosula mo matlhong a ga Jehofa,+ go ya ka sotlhe se Jehoiakime+ a neng a se dirile.  Gonne go ne ga diragala jalo mo Jerusalema le mo Juda ka ntlha ya bogale jwa ga Jehofa, go fitlha a ba tlositse fa pele ga sefatlhego sa gagwe.+ Mme Sedekia a tsuologela kgosi ya Babelona.+  La bofelo ga diragala mo ngwageng wa borobongwe wa go nna kgosi ga gagwe,+ mo kgweding ya bolesome, mo letsatsing la bolesome la kgwedi, gore Nebukaderesare kgosi ya Babelona a tle, ene le mophato otlhe wa gagwe wa sesole, a tsogologela Jerusalema,+ mme ba thibelela kgatlhanong le ene le go aga lobota lo lo dikanyetsang go mo dikologa.+  Jalo motse wa dikanyediwa go fitlha ka ngwaga wa bolesome le bongwe wa ga Kgosi Sedekia.+  Mo kgweding ya bonè, mo letsatsing la borobongwe la kgwedi,+ leuba la nna botlhoko mo motseng mme batho ba bo ba tlhoka senkgwe mo lefatsheng leo.+  La bofelo motse o ne wa phunyelediwa;+ mme fa e le banna botlhe ba ntwa, ba ne ba simolola go tshaba+ mme ba tswa mo motseng bosigo ka tsela ya kgoro e e fa gare ga lobota lo lo gabedi lo lo fa tshingwaneng ya kgosi,+ fa Bakaladia ba ne ba dikologile motse otlhe; mme ba nna ba tsamaya ka tsela ya Areba.+  Mme mophato wa sesole wa Bakaladia wa lelekisa kgosi,+ wa tshwara Sedekia+ fa mabaleng a a sekaka a Jeriko; mme mophato wa gagwe otlhe wa sesole o ne o gasame o dule kafa letlhakoreng la gagwe.+  Go tswa foo wa tshwara kgosi mme wa e tlisa kwa kgosing ya Babelona+ kwa Ribela+ mo lefatsheng la Hamathe,+ gore a tle a bolele ditshwetso tsa boatlhodi ka yone.+ 10  Mme kgosi ya Babelona ya bolaya bomorwa Sedekia fa pele ga matlho a gagwe,+ mme gape o ne a bolaya dikgosana tsotlhe tsa Juda kwa Ribela.+ 11  Mme a foufatsa matlho a ga Sedekia,+ morago ga moo kgosi ya Babelona ya mmofa ka mehiri ya kgotlho mme ya mo tlisa mo Babelona+ ya mo tsenya mo ntlong ya kgolegelo go fitlha ka letsatsi la loso lwa gagwe. 12  Mme mo kgweding ya botlhano, mo letsatsing la bolesome, ke gore, mo ngwageng wa bolesome le borobongwe wa ga Kgosi Nebukaderesare,+ kgosi ya Babelona, Nebusaradane+ molaodi wa bafemedi, yo o neng a ema fa pele ga kgosi ya Babelona, a tla mo Jerusalema. 13  Mme a fisa ntlo ya ga Jehofa+ le ntlo ya kgosi le matlo otlhe a Jerusalema;+ a fisa ntlo nngwe le nngwe e kgolo ka molelo.+ 14  Mme dipota tsotlhe tsa Jerusalema, mo tikologong yotlhe, di ne tsa rutliwa ke mephato ya sesole yotlhe ya Bakaladia e e neng e na le molaodi wa bafemedi.+ 15  Mme bangwe ba batho ba maemo a a kwa tlase le batho ba bangwe botlhe ba ba neng ba setse mo motseng+ le ba ba neng ba ngwegetse kwa kgosing ya Babelona le badiri ba bangwe botlhe ba ba ditswerere, Nebusaradane molaodi wa bafemedi a ba isa botshwarwa.+ 16  Mme Nebusaradane molaodi wa bafemedi o ne a tlogela ba bangwe ba maemo a a kwa tlase ba lefatshe leo gore ba nne babaakanyi ba mofine le badiri ba ba patelediwang go dira tiro e e boima.+ 17  Dipilara tsa kgotlho+ tse e neng e le tsa ntlo ya ga Jehofa le dikolotsana+ le lewatle la kgotlho+ le le neng le le mo ntlong ya ga Jehofa Bakaladia ba ne ba di thubaganya mme ba tsaya kgotlho yotlhe ya tsone ba e isa Babelona.+ 18  Ba tsaya dikane le digarawe+ le ditimamolelo+ le megopo+ le dinwelo le dilwana tsotlhe tsa kgotlho tse ba neng ba na le go direla ka tsone.+ 19  Mme megotšwana+ le ditsholamolelo le megopo+ le dikane le ditlhomo tsa dipone+ le dinwelo le megopo tse e neng e le tsa gouta ya mmatota,+ le tse e neng e le tsa selefera ya mmatota,+ molaodi wa bafemedi a di tsaya.+ 20  Le dipilara tse pedi,+ lewatle le le lengwe,+ le dipoo tsa kgotlho+ di le lesome le bobedi tse di neng di le kafa tlase ga lewatle, dikolotsana, tse Kgosi Solomone a neng a di diretse ntlo ya ga Jehofa.+ Bokete jwa kgotlho ya dilwana tseno tsotlhe bo ne bo ka se ka jwa lekanngwa.+ 21  Mme fa e le dipilara tsone, pilara nngwe le nngwe e ne e le bogodimo jwa dikubita di le lesome le borobedi,+ mme tlhale ya dikubita di le lesome le bobedi e ne e tsamaya go e dikologa;+ mme bokima jwa yone e ne e le boatlhamo jwa menwana e le menè, e le logapa. 22  Mme tlhogo ya pilara e e neng e le mo godimo ga yone e ne e le ya kgotlho,+ mme bogodimo jwa tlhogo ya pilara e le nngwe e ne e le dikubita di le tlhano;+ mme fa e le letlowa le digaranata mo tlhogong ya pilara, go e dikologa,+ tsotlhe fela e ne e le tsa kgotlho; mme pilara ya bobedi e ne e na le tse di tshwanang fela le tseno, le tsone digaranata.+ 23  Mme digaranata di ne di le masome a le robongwe le borataro, mo ditlhakoreng, digaranata tsotlhe di le lekgolo mo letloweng go dikologa.+ 24  Go feta moo, molaodi wa bafemedi o ne a tsaya Seraia+ moperesiti yo mogolo le Sefania+ moperesiti wa bobedi le balebedi ba kgoro ba bararo,+ 25  mme mo motseng a tsaya modiredi a le mongwe wa ntlo ya kgosi yo e neng e le molaodi wa banna ba ntwa, le banna ba le supa ba ba kgonang go tsena kwa kgosing,+ ba ba neng ba fitlhelwa mo motseng, le mokwaledi wa molaodi wa masole, yo o phuthang batho ba lefatshe, le banna ba le masome a marataro ba batho ba lefatshe leo, ba ba neng ba fitlhelwa mo gare ga motse.+ 26  Jalo Nebusaradane+ molaodi wa bafemedi o ne a tsaya bano a ba isa kwa kgosing ya Babelona kwa Ribela.+ 27  Mme bano kgosi ya Babelona ya ba kgemetha+ ya ba bolaela kwa Ribela+ kwa lefatsheng la Hamathe.+ Ka jalo Juda a ya botshwarwa a tswa mo lefatsheng la gagwe.+ 28  Bano ke batho ba Nebukaderesare a neng a ba isa botshwarwa: mo ngwageng wa bosupa, Bajuda ba le dikete di le tharo le masome a mabedi le boraro.+ 29  Mo ngwageng wa bolesome le borobedi wa ga Nebukaderesare,+ meya e e neng e tswa Jerusalema e ne e le makgolo a le robedi le masome a mararo le bobedi. 30  Mo ngwageng wa bomasome a mabedi le boraro wa ga Nebukaderesare, Nebusaradane molaodi wa bafemedi a isa Bajuda botshwarwa, meya e le makgolo a supa le masome a manè le botlhano.+ Meya yotlhe e ne e le dikete di le nnè le makgolo a marataro. 31  Kgabagare ga diragala mo ngwageng wa bomasome a mararo le bosupa Jehoiakine+ kgosi ya Juda a le kwa botshwarwa, mo kgweding ya bolesome le bobedi, mo letsatsing la bomasome a mabedi le botlhano la kgwedi, gore Efile-merodake kgosi ya Babelona, mo ngwageng wa gagwe wa go nna kgosi, a tsholetse tlhogo+ ya ga Jehoiakine kgosi ya Juda mme a mo ntsha mo ntlong ya kgolegelo. 32  Mme a simolola go bua dilo tse di molemo le ene le go baya setulo sa gagwe sa bogosi kwa godimo go feta ditulo tsa bogosi tsa dikgosi tse dingwe tse di neng di na le ene kwa Babelona.+ 33  Mme a mo apola diaparo tsa gagwe tsa kgolegelo,+ a ja senkgwe+ fa pele ga gagwe ka metlha malatsi otlhe a botshelo jwa gagwe.+ 34  Fa e le kabelo ya gagwe yone, o ne a newa kabelo ka metlha e tswa kwa kgosing ya Babelona, letsatsi le letsatsi e le tshwanelo, go fitlha letsatsi la loso lwa gagwe,+ malatsi otlhe a botshelo jwa gagwe.

Dintlha Tse di Kwa Tlase