Jeremia 47:1-7

47  Seno se ne sa itshupa e le lefoko la ga Jehofa le le yang kwa go moporofeti Jeremia ka ga Bafilisitia+ pele ga Faro a kgemetha Gasa.+  Jehofa o buile jaana: “Bonang! Metsi a tlhatloga+ a tswa kwa bokone+ mme a fetogile molatswana o o rwalelelang. Mme a tla rwalelela lefatshe le se se le tladitseng, motse le ba ba nnang mo go one.+ Mme banna eleruri ba tla goa, le mongwe le mongwe yo o nnang mo lefatsheng leo o tla bokolela.+  Fa go utlwala modumo wa go tiba ga ditlhakwana tsa dipheke tsa gagwe,+ le go tlharakana ga dikara tsa gagwe tsa ntwa,+ le pheretlhego ya maotwana a gagwe,+ borre eleruri ga ba na go retologela mo go bomorwaabone, ka ntlha ya go repa ga diatla tsa bone,  ka ntlha ya letsatsi le le tlang go thopa Bafilisitia+ botlhe, go fedisa mo Ture+ le mo Sidona+ mofalodi mongwe le mongwe yo o neng a thusa.+ Gonne Jehofa o thopa Bafilisitia,+ ba eleng ba ba setseng go tswa kwa setlhaketlhakeng sa Kafetore.+  Gasa+ o tla nna lefatla.+ Ashekelone+ o didimaditswe. Lona masalela a lebala la bone le le kwa tlase, lo tla nna lo itshegaka ka lobaka lo lo kae?+  “Aha, tšhaka ya ga Jehofa!+ O tla nna o sa didimala ka lobaka lo lo kae? Sotlhomediwa mo kgatleng ya gago.+ Ikhutse mme o didimale.  “E ka nna e didimetse jang, fa Jehofa ka boene a e laetse? E lebane Ashekelona le losi lwa lewatle.+ Ke teng kwa a e tlhaoletseng go nna teng.”

Dintlha Tse di Kwa Tlase