Jeremia 43:1-13

43  Mme ga diragala ya re fela fa Jeremia a fetsa go bua le batho botlhe mafoko otlhe a ga Jehofa Modimo wa bone a Jehofa Modimo wa bone a neng a mo romile ka one kwa go bone, e leng mafoko ano otlhe,+  Asaria morwa Hoshaia+ le Johanane+ morwa Karea le banna botlhe ba ba boikgodiso+ ba raya Jeremia ba re: “O bua maaka.+ Jehofa Modimo wa rona ga a go roma, a re, ‘Lo se ka lwa tsena mo Egepeto gore lo age teng lo le baeng.’+  Mme Baruke+ morwa Neria o go tlhotlheletsa kgatlhanong le rona ka boikaelelo jwa gore a re tsenye mo seatleng sa Bakaladia, gore ba re bolaye kgotsa ba re ise botshwarwa kwa Babelona.”+  Mme Johanane morwa Karea le balaodi botlhe ba mephato ya sesole le batho botlhe ba se ka ba utlwa lentswe la ga Jehofa,+ gore ba tswelele ba nna mo lefatsheng la Juda.+  Ka jalo Johanane morwa Karea le balaodi botlhe ba mephato ya sesole ba tsaya masalela otlhe a Juda a a neng a boile kwa ditšhabeng tsotlhe tse a neng a phatlalaleditswe kwa go tsone, gore a tle a nne nakonyana mo lefatsheng la Juda,+  le banna ba ba nonofileng le basadi le bana ba bannye le bomorwadia kgosi+ le moya mongwe le mongwe o Nebusaradane+ molaodi wa bafemedi a neng a o letla gore o nne le Gedalia+ morwa Ahikame+ morwa Shafane,+ le moporofeti Jeremia le Baruke+ morwa Neria.  Mme la bofelo ba tsena mo lefatsheng la Egepeto,+ ka gonne ba ne ba se ka ba utlwa lentswe la ga Jehofa; mme ba goroga kwa Tapanese+ ka monokela.  Go tswa foo lefoko la ga Jehofa la tla kwa go Jeremia kwa Tapanese, le re:  “Tsaya maje a magolo mo seatleng sa gago, mme o a fitlhe mo seretseng mo serepoding sa ditena se se fa botsenong jwa ntlo ya ga Faro kwa Tapanese fa pele ga matlho a banna ba Bajuda.+ 10  Mme o ba reye o re, ‘Jehofa wa masomosomo, Modimo wa Iseraele, o buile jaana: “Bonang, ke a roma mme ke tla tsaya Nebukaderesare kgosi ya Babelona,+ motlhanka wa me,+ ke tla baya setulo sa gagwe sa bogosi kwa godimo ga maje ano a ke a fitlhileng, mme ruri o tla tsharolola mogope wa gagwe o montle mo godimo ga one. 11  Mme o tla tsena a iteye lefatshe la Egepeto.+ Le fa e le mang yo o tshwanelwang ke sebetso se se bolayang o tla bona sebetso se se bolayang, le fa e le mang yo o tshwanelwang ke botshwarwa o tla ya botshwarwa, le fa e le mang yo o tshwanelwang ke tšhaka o tla bona tšhaka.+ 12  Mme ke tla tshuba molelo mo matlong a medimo ya Egepeto;+ mme ene o tla a tshuba le go isa medimo botshwarwa a bo a iphutha mo lefatsheng la Egepeto, fela jaaka modisa a iphutha ka seaparo sa gagwe,+ mme ruri o tla tswa koo ka kagiso. 13  Eleruri o tla thubabaganya dipilara tsa Bethe-shemeshe, tse di mo lefatsheng la Egepeto; mme matlo a medimo ya Egepeto o tla a tshuba ka molelo.”’”

Dintlha Tse di Kwa Tlase