Jeremia 30:1-24

30  Lefoko le le neng la tla mo go Jeremia le tswa kwa go Jehofa, le re:  “Jehofa Modimo wa Iseraele o buile jaana, ‘Ikwalele mafoko otlhe a ke tla a buang le wena mo bukeng.+  Gonne, “bona! metlha e etla,” go bua Jehofa, “mme ke tla phutha batshwarwa ba batho ba me, Iseraele le Juda,”+ Jehofa o buile jalo, “mme ke tla ba busetsa kwa lefatsheng le ke neng ka le naya borraabonemogologolwane, mme ruri le tla boa gape e nna la bone.”’”+  Jehofa o buile mafoko ano le Iseraele le Juda.  Gonne Jehofa o buile jaana: “Re utlwile modumo wa thoromo, poifo,+ mme ga go na kagiso.  Botsang, tsweetswee, lona banna, mme lo bone gore a monna o a belega. Ke ka ntlha yang fa ke bone monna mongwe le mongwe yo o nonofileng a beile diatla tsa gagwe mo lothekeng lwa gagwe jaaka mosadi yo o belegang,+ mme difatlhego tsotlhe di setlhafetse?+  Ijoo! Gonne letsatsi leo ke le legolo,+ mo eleng gore ga go na le lengwe le le tshwanang le lone,+ mme ke nako ya matshwenyego mo go Jakobe.+ Mme o tla bolokwa mo go lone.”  “Go tla diragala mo letsatsing leo,” go bua Jehofa wa masomosomo, “gore ke robaganye jokwe ya mongwe mo molaleng wa gago, le dibofo tsa gago ke di kgaoganye sebedi,+ mme batswakwa ga ba ka ke ba tlhola ba mo dirisa ka bopelotshetlha jaaka motlhanka.  Mme eleruri ba tla direla Jehofa Modimo wa bone le Dafide kgosi ya bone,+ yo ke tla mo ba tsosetsang.”+ 10  “Mme fa e le wena, o se ka wa boifa, wena motlhanka wa me Jakobe,” go bua Jehofa, “o se ka wa welwa ke poifo, wena Iseraele.+ Gonne ke go boloka go tswa kgakala le bana ba gago go tswa kwa lefatsheng la bone la botshwarwa.+ Ruri Jakobe o tla boa mme a nne a se na matshwenyego a iketlile, mme go tla bo go se na ope yo o bakang poifo.”+ 11  “Gonne ke na le wena,” go bua Jehofa, “go go boloka;+ mme ke tla fedisa ditšhaba tsotlhe tse ke go gasamiseditseng kwa go tsone.+ Le fa go ntse jalo, wena ga ke na go go fedisa.+ Ke tla go siamisa ka selekanyo se se tshwanetseng, e re ka nka se go tlogele o sa otlhaiwa.”+ 12  Gonne Jehofa o buile jaana: “Ga go na kalafi ya go robega ga gago.+ Titeo ya gago ke e e tla nnelang ruri.+ 13  Ga go na ope yo o rapelelang kgang ya gago, a rapelela tlhagala ya gago.+ Ga go na tsela e o ka fodisiwang ka yone, le fa e le go mamatlelwa.+ 14  Botlhe ba ba go ratang thata ke bone ba ba go lebetseng.+ Ga se wena yo ba nnang ba mmatla. Gonne ke go iteile ka titeo ya mmaba,+ ka go kgwathisa ga mongwe yo o setlhogo,+ ka ntlha ya bogolo jwa tlolo ya gago;+ maleo a gago a ntsifetse.+ 15  Ke ka ntlha yang fa o goa ka ntlha ya tshenyego ya gago?+ Setlhabi sa gago ga se alafege ka ntlha ya bogolo jwa tlolo ya gago; maleo a gago a ntsifetse.+ Ke go dirile dilo tseno. 16  Ka jalo botlhe ba ba go kometsang ba tla komediwa;+ mme fa e le baba ba gago botlhe, ba tla ya botshwarwa botlhe.+ Mme botlhe ba ba go thopang eleruri ba tla thopiwa, le botlhe ba ba go gapang, ke tla ba neela gore ba gapiwe.”+ 17  “Gonne ke tla dira gore o fole, mme ke tla go fodisa mo dititeong tsa gago,”+ go bua Jehofa. “Gonne ba go biditse mosadi yo o lelekilweng:+ ‘Ke Siona, yo go se nang ope yo o mmatlang.’”+ 18  Jehofa o buile jaana: “Bona, ke phutha batshwarwa ba megope ya ga Jakobe,+ mme ke tla tlhomogela metlaagana ya gagwe pelo. Motse o tla agiwa sesha mo thotaneng ya gagwe;+ mme tora ya bonno e tla nna mo lefelong la yone le le tshwanetseng.+ 19  Go tla tswa ditebogo mo go bone, le modumo wa ba ba tshegang.+ Ke tla ba ntsifatsa, mme ga ba na go ngotlega;+ ke tla ba dira bantsi ka palo, mme ga ba na go nna ba e seng ba sepe.+ 20  Barwa ba gagwe ba tla nna jaaka mo metlheng ya pele, mme phuthego ya gagwe e tla tlhomamisiwa thata fa pele ga me.+ Ke tla lebisa tlhokomelo ya me mo bagateleding ba gagwe botlhe.+ 21  Yo o tlotlometseng wa gagwe ruri o tla bo a tswa mo go ene,+ mme mmusi wa gagwe o tla tswa mo gare ga gagwe;+ ke tla dira gore a atamele, mme o tla nkatamela.”+ “Gonne, jaanong, ke mang yono, yo o neetseng pelo ya gagwe jaaka sebeelo gore a nkatamele?”+ go bua Jehofa. 22  “Mme eleruri lo tla nna batho ba me,+ mme nna ke tla nna Modimo wa lona.”+ 23  Bonang! Setsuatsue sa ga Jehofa, tšararego ka boyone, e dule, setsuatsue se se tsamayang se feela.+ Se tla itshokeletsa mo tlhogong ya baikepi.+ 24  Bogale jo bo tukang jwa ga Jehofa ga bo na go boela morago go fitlha a tla bo a diragaditse le go fitlha a diragatsa dikgopolo tsa pelo ya gagwe.+ Lo tla go akanyetsa mo bokhutlong jwa metlha.+

Dintlha Tse di Kwa Tlase