Jeremia 24:1-10

24  Mme Jehofa a mpontsha, mme bona! diroto tse pedi tsa difeige di beilwe fa pele ga tempele ya ga Jehofa, morago ga Nebukaderesare kgosi ya Babelona a sena go isa Jekonia+ morwa Jehoiakime,+ kgosi ya Juda botshwarwa le dikgosana tsa Juda le badiri ba ba ditswerere+ le baagi ba dithako tsa phemelo, go tswa kwa Jerusalema gore a tle a ba tlise mo Babelona.+  Fa e le seroto se sengwe, difeige tsa sone di ne di le molemo thata, jaaka difeige tsa mabutswapele;+ mme seroto se sengwe sone, difeige tsa sone di ne di le bosula thata, mo di neng di ka se jewe ka ntlha ya bosula jwa tsone.  Mme Jehofa a nthaya a re: “O bona eng Jeremia?” Mme ka re: “Difeige, difeige tse di molemo, tse di molemo thata, le tse di bosula, tse di bosula thata, mo eleng gore di ka se jewe ka ntlha ya bosula jwa tsone.”+  Mme lefoko la ga Jehofa la tla mo go nna, le re:  “Jehofa Modimo wa Iseraele o buile jaana, ‘Jaaka difeige tse di molemo tseno, ke tla leba batshwarwa ba Juda jalo, ba ke tla ba tsamaisang go tswa mo lefelong leno go ya kwa lefatsheng la Bakaladia,+ ka tsela e e molemo.+  Mme ke tla baya leitlho la me mo go bone ka tsela e e molemo,+ mme ruri ke tla ba dira gore ba boele mo lefatsheng leno.+ Ke tla ba aga, ga ke na go rutlolola; gape ke tla ba jala, mme ga ke na go kumola.+  Ke tla ba naya pelo ya go nkitse,+ gore ke nna Jehofa; mme ba tla nna batho ba me,+ mme nna ke tla nna Modimo wa bone, gonne ba tla boela mo go nna ka pelo yotlhe ya bone.+  “‘Mme jaaka difeige tse di bosula tse di ka se jeweng ka ntlha ya bosula jwa tsone,+ tota Jehofa o buile jaana: “Jalo ke tla naya Sedekia+ kgosi ya Juda le dikgosana tsa gagwe le masalela a Jerusalema a a setseng mo lefatsheng leno+ le ba ba nnang mo lefatsheng la Egepeto+  mme ke tla ba neelela thoromo, masetlapelo, mo magosing otlhe a lefatshe,+ kgobo le polelo ya seane, tshotlo+ le phutso+ mo mafelong otlhe a ke tla ba phatlalaletsang kwa go one.+ 10  Mme ke tla ba romelela tšhaka,+ leuba+ le bolwetse jwa leroborobo+ go fitlha ba fela mo lefatsheng le ke le neileng bone le borraabonemogologolwane.”’”+

Dintlha Tse di Kwa Tlase