Jeremia 20:1-18

20  Jaanong Pashure morwa Imere,+ moperesiti, yo le ene e neng e le molaodi yo o eteletseng pele mo ntlong ya ga Jehofa,+ a nna a reetsa Jeremia a porofeta mafoko ano.  Go tswa foo Pashure a itaya moporofeti Jeremia+ mme a mo tsenya mo disaneng+ tse di neng di le mo Kgorong e e kwa Godimo ya Benjamine, e e neng e le mo ntlong ya ga Jehofa.  Mme ga diragala mo letsatsing le le latelang gore Pashure a ntshe Jeremia mo disaneng,+ mme Jeremia jaanong a mo raya a re: “Jehofa o biditse leina la gago,+ e seng Pashure, mme Letshogo gotlhe fela.+  Gonne Jehofa o buile jaana, ‘Bona, ke go dira letshogo mo go wena le mo barating botlhe ba gago, mme eleruri ba tla wa ka tšhaka ya baba ba bone matlho+ a gago a ntse a lebile;+ ke tla tsenya Juda yotlhe mo seatleng sa kgosi ya Babelona, mme ruri o tla ba isa botshwarwa kwa Babelona le go ba kgemetha ka tšhaka.+  Ke tla tsenya dilo tsotlhe tse di bolokilweng tsa motse ono le kungwa yotlhe ya one le dilo tsotlhe tsa one tse di tlhwatlhwakgolo; le matlotlo otlhe a dikgosi tsa Juda ke tlile go a tsenya mo seatleng sa baba ba bone.+ Mme ruri ba tla di gapa mme ba di tseye ba di tlise mo Babelona.+  Mme fa e le wena Pashure, le banni botlhe ba ntlo ya gago, lo tla ya botshwarwa;+ lo tla tla mo Babelona e bile lo tla swela teng mme wena o tla fitlhelwa teng le barati ba gago botlhe,+ ka gonne o ba porofetetse maaka.’”+  O ntsieditse, wena Jehofa, ka bo ka tsietsega. O dirisitse nonofo ya gago kgatlhanong le nna, wa ba wa fenya.+ Ke ne ka nna setshego letsatsi lotlhe; mongwe le mongwe o a ntshotla.+  Nako le nako fa ke bua ke a goa. Ke tlhaeletsa tshiamololo le thopo.+ Gonne lefoko la ga Jehofa mo go nna le ne la nna lebaka la kgobo le la tshotlo letsatsi lotlhe.+  Ke ne ka re: “Ga ke na go mo umaka, e bile ga ke na go tlhola ke bua mo leineng la gagwe.”+ Mme mo pelong ya me go ne ga nna jaaka molelo o o tukang o tswaletswe mo marapong a me; ke ne ka lapa go o tshola, mme ke ne ke sa kgone go o itshokela.+ 10  Gonne ke utlwile pego e e bosula ya ba bantsi.+ Go ne go na le letshogo gotlhe fela. “Bolelang, gore re tle re bolele ka ene.”+ Motho mongwe le mongwe yo o nang le go swa yo o nthayang a re “Kagiso!”—ba lebeletse go kwetsepela ga me:+ “Gongwe o tla tsiediwa,+ gore re tle re mo fenye mme re ipusolosetse mo go ene.” 11  Mme Jehofa o ne a na le nna+ jaaka yo o thata yo o boifisang.+ Ke ka lone lebaka le ba ba mpogisang ba tla kgotšwang mme ba sa fenye.+ Eleruri ba tla tlhabisiwa ditlhong thata, ka gonne ba tla bo ba sa tlhogonolofala. Go tlhabisiwa ditlhong ga bone mo go nnang ka bosakhutleng ke mo go se kitlang go lebalwa.+ 12  Mme wena, Jehofa wa masomosomo, o tlhatlhoba yo o siameng;+ o bona diphilo le pelo.+ E kete nka bona pusoloso ya gago mo go bone,+ gonne ke go senoletse kgetsi ya me ya molao.+ 13  Opelelang Jehofa, lona batho! Bakang Jehofa! Gonne o golotse moya wa mohumanegi mo seatleng sa badirabosula.+ 14  A go hutsege letsatsi le ke tsetsweng ka lone! E kete letsatsi le mmè a mpelegeng ka lone le ka se segofale!+ 15  A go hutsege monna yo o tlisitseng dikgang tse di molemo kwa go rre, a re: “O tsaletswe ngwana wa mosimane, ke ngwana wa mosimane!” Eleruri o ne a dira gore a ipele.+ 16  Mme monna yoo o tshwanetse go nna jaaka metse e Jehofa a e ribegeditseng A bo a sa ikwatlhaye.+ Mme o tla utlwa selelo mo mosong le mokgosi wa tlhagiso ka nako ya sethoboloko.+ 17  Ke ka ntlhaya yang fa a ne a sa mpolaele ruri mo sebopelong, gore mmè a nne lefelo la me la go fitlhela le sebopelo sa gagwe se nne se imile ka bosakhutleng?+ 18  Ke ka ntlha yang fa ke dule mo sebopelong seo+ gore ke tle ke bone tiro ya bonatla le khutsafalo+ le gore malatsi a me a khutle ka matlhabisa ditlhong fela?+

Dintlha Tse di Kwa Tlase