Jeremia 19:1-15

19  Jehofa o buile jaana: “Tsamaya, mme o tle le kurwana ya sejana sa letsopa ya mmopi wa letsopa+ le bangwe ba banna ba bagolwane ba batho le bangwe ba banna ba bagolwane ba baperesiti.  Mme o tswele kwa mokgatšheng wa ga morwa Hinoma,+ o o kwa botsenong jwa Kgoro ya Dikgapetla tsa Letsopa. Mme fa o le koo o bolele mafoko a ke tla a go bolelelang.+  Mme o re, ‘Utlwang lefoko la ga Jehofa, lona dikgosi tsa Juda le lona banni ba Jerusalema.+ Jehofa wa masomosomo,+ Modimo wa Iseraele, o buile jaana: “‘“Bonang, ke tlisa masetlapelo mo lefelong leno, a e tla reng fa motho mongwe a utlwa ka one, ditsebe tsa gagwe di bo di baba;+  ka lebaka la gore ba ntlogetse+ mme ba dirile lefelo leno go nna le le sa lemotshegeng+ le go kuisetsa medimo e mengwe e ba neng ba sa e itse mosi wa setlhabelo mo go lone,+ bone le borraabonemogologolwane le dikgosi tsa Juda; mme ba tladitse lefelo leno ka madi a ba ba se nang molato.+  Mme ba aga mafelo a a kwa godimo a ga Baale gore ba tle ba fise bomorwaabone mo molelong e le ditshupelo tse di fisiwang di feletse tse di isediwang Baale,+ sengwe se ke neng ke sa se laela kgotsa ka bua ka sone,+ le se se neng se sa tla mo pelong ya me.”’+  “‘“Ka jalo, bonang! metlha e etla,” go bua Jehofa, “e lefelo leno le se kitlang le tlhola le bidiwa Tofethe+ le mokgatšha wa morwa Hinoma,+ mme le tla bidiwa mokgatšha wa polao.  Ke tla dira boikaelelo jwa Juda le jwa Jerusalema lefela mo lefelong leno,+ mme ke tla dira gore ba we ka tšhaka fa pele ga baba ba bone le ka seatla sa ba ba batlang moya wa bone.+ Ke tla naya dibopiwa tse di fofang tsa magodimo le dibatana tsa lefatshe direpa tsa bone e le dijo.+  Mme ke tla dira motse ono selo sa go akabalelwa le sengwe sa go lelediwa molodi.+ Mongwe le mongwe wa bofelo yo o fetang fa go one o tla rotola matlho ka go akabala le go leletsa dipetso tsotlhe tsa one molodi.+  Mme ke tla dira gore ba je nama ya bomorwaabone le nama ya bomorwadiabone; mme mongwe le mongwe o tla ja nama ya mongwe ka ene ka ntlha ya bothata le ka ntlha ya pitlagano e baba ba bone le ba ba batlang moya wa bone ba tla ba pitlaganyang ka yone.”’+ 10  “Mme o thubaganye kurwana fa pele ga matlho a batho ba ba tsamayang le wena. 11  Mme o ba reye o re, ‘Jehofa wa masomosomo o buile jaana: “Ka tsela e e tshwanang ke tla thubaganya batho bano le motse ono jaaka fa mongwe a thuba sejana sa mmopi wa letsopa mo se ka se tlholeng se baakanngwa;+ mme mo Tofethe+ ba tla fitlha go fitlhelela go sa tlhole go na le lefelo la go fitlhela.”’+ 12  “‘Ke tla dira lefelo leno jalo,’ go bua Jehofa, ‘le banni ba lone, le go dira motse ono jaaka Tofethe.+ 13  Mme matlo a Jerusalema le matlo a dikgosi tsa Juda a tshwanetse go nna jaaka lefelo la Tofethe,+ a a seng phepa, ke gore, matlo otlhe a ba kuiseditseng lesomosomo lotlhe la magodimo+ mosi wa setlhabelo mo borulelong jwa one le a go neng go tshelelwa medimo e mengwe tshupelo ya senō mo go one.’”+ 14  Mme Jeremia o ne a tla a tswa kwa Tofethe,+ kwa Jehofa a neng a mo romile teng go ya go porofeta, le go ema mo lolwapeng lwa ntlo ya ga Jehofa a raya batho botlhe a re:+ 15  “Jehofa wa masomosomo, Modimo wa Iseraele, o buile jaana, ‘Bonang, mo motseng ono le mo metseng yotlhe ya one ke tlisa masetlapelo otlhe a ke a buileng kgatlhanong le one, ka gonne ba thatafaditse thamo ya bone gore ba se ka ba utlwa mafoko a me.’”+

Dintlha Tse di Kwa Tlase