Jeremia 1:1-19

1  Mafoko a ga Jeremia+ morwa Hilekia, mongwe wa baperesiti ba ba neng ba le kwa Anathothe+ mo lefatsheng la ga Benjamine;+  yo lefoko la ga Jehofa le neng la tla mo go ene mo metlheng ya ga Josia+ morwa Amone,+ kgosi ya Juda, ka ngwaga wa bolesome le boraro wa go busa ga gagwe.+  Mme le ne la nna la tla mo metlheng ya ga Jehoiakime+ morwa Josia, kgosi ya Juda, go fitlha kwa bowelong jwa ngwaga wa bolesome le bongwe wa ga Sedekia+ morwa Josia, kgosi ya Juda, go fitlha Jerusalema e ya botshwarwa mo kgweding ya botlhano.+  Mme lefoko la ga Jehofa la tla mo go nna, le re:  “Pele ga ke go bopa mo sebopelong+ ke ne ke go itse,+ le pele ga o tswa mo sebopelong ke ne ka go itshepisa.+ Ke go dirile moporofeti mo ditšhabeng.”  Mme ke ne ka re: “Ijoo, Morena Molaodimogolo Jehofa! Bona, ga ke itse go bua,+ gonne ke mosimanyana fela.”+  Mme Jehofa a tswelela a nthaya a re: “O se ka wa re, ‘Ke mosimanyana fela.’ Mme o ye kwa go botlhe ba ke tla go romang kwa go bone; mme o bue sengwe le sengwe se ke tla se go laelang.+  O se ka wa boifa ka ntlha ya difatlhego tsa bone,+ gonne ‘Ke na le wena go go golola,’+ go bua Jehofa.”  Morago ga moo Jehofa a ntsha seatla sa gagwe mme a dira gore se ame molomo wa me.+ Go tswa foo Jehofa a nthaya a re: “Bona, ke tsentse mafoko a me mo molomong wa gago.+ 10  Bona, mo letsatsing leno ke go tlhomile gore o nne kwa godimo ga ditšhaba le kwa godimo ga magosi,+ gore o kumole le go rutla le gore o senye le go rutlolola,+ gore o age le gore o jale.”+ 11  Mme lefoko la ga Jehofa la nna la tla mo go nna, le re: “O bona eng, Jeremia?” Jalo ka re: “Ke bona letlhogela la setlhare sa thamane.” 12  Mme Jehofa a tswelela a nthaya a re: “O bone sentle, gonne ke nna ke thantse ka ga lefoko la me gore ke le diragatse.”+ 13  Mme lefoko la ga Jehofa la tla mo go nna lekgetlo la bobedi, le re: “O bona eng?” Jalo ka re: “Ke bona pitsa e e molomo mogolo e e apeelang e e budulelwang, mme molomo wa yone o furaletse bokone.” 14  Morago ga moo Jehofa a nthaya a re: “Masetlapelo a tla gololwa a tswa kwa bokone a tlela banni botlhe ba lefatshe.+ 15  Gonne ‘bona, ke bitsa malapa otlhe a magosi a bokone,’ go bua Jehofa;+ ‘mme ruri ba tla tla mme mongwe le mongwe o tla baya setulo sa gagwe sa bogosi mo botsenong jwa dikgoro tsa Jerusalema,+ le go dikologa dipota tsa gagwe tsotlhe le mo metseng yotlhe ya Juda.+ 16  Mme ke tla bua le bone dikatlholo tsa me ka bosula jotlhe jwa bone,+ ka gonne ba ntlogetse+ mme ba nna ba kuisetsa medimo e mengwe+ musi wa setlhabelo le go ikobela ditiro tsa diatla tsa bone.’+ 17  “Mme fa e le wena, o gatlhe dinōka tsa gago,+ mme o eme o bue le bone sengwe le sengwe se ke se go laelang. O se ka wa welwa ke poifo epe ka ntlha ya bone,+ gore ke se ka ka go usetsa poifo fa pele ga bone. 18  Mme fa e le nna, bona, gompieno ke go dirile motse o o sireletsegileng le pilara ya tshipi le dipota tsa kgotlho+ kgatlhanong le lefatshe lotlhe,+ mo dikgosing tsa Juda, mo dikgosaneng tsa gagwe, mo baperesiting ba gagwe le mo bathong ba lefatshe.+ 19  Mme ruri ba tla tlhabana le wena, mme ga ba na go go fenya,+ gonne ‘Ke na le wena,’+ go bua Jehofa, ‘go go golola.’”+

Dintlha Tse di Kwa Tlase