Isaia 9:1-21

9  Le fa go ntse jalo, phifalo e ka se ka ya nna jaaka fa lefatshe le ne le le mo pitlaganong, jaaka mo nakong ya pele fa motho a ne a tshwara lefatshe la Sebulone le lefatshe la Nafetali+ ka lenyatso le fa moragonyana motho a ne a dira gore le tlotlwe+—tsela e e fa lewatleng, mo kgaolong ya Joredane, Galalea wa ditšhaba.+  Batho ba ba neng ba tsamaya mo lefifing ba bone lesedi le legolo.+ Mme ba ba nnang mo lefatsheng la moriti o montsho,+ lesedi le ba phatsimetse.+  O dirile gore setšhaba se nne le batho ba bantsi;+ o se diretse boipelo jo bogolo.+ Ba ipedile fa pele ga gago jaaka go ipela ka nako ya thobo,+ jaaka ba ba ipelang fa ba kgaoganya thopo.+  Gonne jokwe ya morwalo+ wa bone le thobane e e mo magetleng a bone, lore lwa yo o ba gatelelang go dira,+ o di tšhwetlakantse jaaka mo motlheng wa Midiana.+  Gonne setlhako sengwe le sengwe sa yo o gatang+ a kitisela le seaparo se se pitikilweng mo mading e ne ya nna tse di tla fisiwang jaaka dijo tsa molelo.+  Gonne re tsaletswe ngwana,+ re neilwe ngwana wa mosimane;+ mme go busa e le kgosana go tla nna mo legetleng la gagwe.+ Mme o tla tewa leina go twe Mogakolodi yo o Gakgamatsang,+ Modimo Mothata,+ Rara wa Bosakhutleng,+ Kgosana ya Kagiso.+  Letlotlo la go busa e le kgosana+ le kagiso ga di kitla di fela,+ mo setulong sa bogosi sa ga Dafide+ le mo bogosing jwa gagwe gore bo tlhomamisiwe thata+ le go bo tshegetsa ka tshiamiso+ le ka tshiamo,+ go tloga jaanong go ya bosakhutleng. Tlhoafalo ya ga Jehofa wa masomosomo e tla dira seno.+  Go ne ga nna le lefoko le Jehofa a neng a le romela kgatlhanong le Jakobe, mme la wela mo Iseraele.+  Mme ruri batho ba tla itse ka gone,+ le eleng botlhe fela, Eferaime le monni wa Samarea,+ ka ntlha ya mabela a bone le ka ntlha ya go tlhoka maitseo ga bone mo pelong fa ba re:+ 10  “Go ole ditena, mme re tla aga ka maje a a betlilweng.+ Go remilwe ditlhare tsa mosikamore,+ mme re tla di emisetsa ka masedara.” 11  Mme Jehofa o tla tlhoma baganetsi ba ga Resine kwa godimo kgatlhanong le ene, mme o tla tlhotlheletsa baba ba gagwe,+ 12  Siria go tswa kwa botlhaba+ le Bafilisitia go tswa kwa morago,+ mme ba tla ja Iseraele ka molomo o o atlhameng.+ Ka ntlha ya seno sotlhe bogale jwa gagwe ga bo a boela morago, mme seatla sa gagwe se sa ntse se otlolotswe.+ 13  Mme batho ga ba a boela kwa go Yo o ba itayang,+ mme ga ba a senka+ Jehofa wa masomosomo. 14  Mme Jehofa o tla kgaola Iseraele tlhogo+ le mogatla,+ letlhogela le mokhasi, mo letsatsing le le lengwe fela.+ 15  Yo o tsofetseng le yo o tlotliwang thata ke ene tlhogo,+ mme moporofeti yo o nayang thuto ya maaka ke mogatla.+ 16  Mme ba ba gogang batho bano ke bone bao ba ba timetsang;+ mme ba ba gogwang ba ba mo gare ga bone, ke bone ba ba tlhakanngwang tlhogo.+ 17  Ke gone ka moo Jehofa a se kitlang a ipela le eleng ka ntlha ya makau a bone,+ mme basimane ba bone ba ba se nang borre le batlholagadi ba bone ga a kitla a ba utlwela botlhoko; ka gonne botlhe ke batlhanogi+ le badirabosula mme molomo mongwe le mongwe o bua se se se nang tlhaloganyo. Ka ntlha ya seno sotlhe bogale jwa gagwe ga bo a boela morago, mme seatla sa gagwe se sa ntse se otlolotswe.+ 18  Gonne boikepo bo tuka fela jaaka molelo;+ bo tla laila ditlhatshana tse di mitlwa le mefero.+ Mme bo tla kapa molelo mo masuthung a sekgwa,+ mme a tla tsholelediwa kwa godimo jaaka mosi o o tlhatlogang.+ 19  Lefatshe le fisitswe mo tšhakgalong ya ga Jehofa, mme batho ba tla nna jaaka dijo tsa molelo.+ Ga go na ope yo o tla bontshang le eleng morwarraagwe bopelotlhomogi.+ 20  Mongwe o tla kgaola kafa mojeng mme a tshwarwe ke tlala; mme yo mongwe o tla ja kafa molemeng, mme ruri ga ba kitla ba kgora.+ Mongwe le mongwe o tla ja nama ya lebogo la gagwe,+ 21  Manase Eferaime, le Eferaime Manase. Ba tla nna kgatlhanong le Juda+ mmogo. Ka ntlha ya seno sotlhe bogale jwa gagwe ga bo a boela morago, mme seatla sa gagwe se sa ntse se otlolotswe.+

Dintlha Tse di Kwa Tlase