Isaia 6:1-13

6  Le fa go ntse jalo, mo ngwageng o Kgosi Usia a suleng ka one,+ ke ne ka bona Jehofa,+ a ntse mo setulong sa bogosi+ se se kwa godimo e bile se tsholeditswe, mme dintlha tsa seaparo sa gagwe di ne di tletse mo tempeleng.+  Boserafe ba ne ba eme kwa godimo ga gagwe.+ Mongwe le mongwe o ne a na le diphuka di le thataro. O ne a nna a ipipile sefatlhego ka tse pedi,+ a nna a ipipile dinao ka tse pedi mme a fofa ka tse pedi.  Mme yono a tlhaeletsa yole a re: “O boitshepo, o boitshepo, o boitshepo Jehofa wa masomosomo.+ Lefatshe lotlhe le tletse kgalalelo ya gagwe.”  Mme ditshitswana+ tsa direpodi tsa simolola go roroma fa go utlwala lentswe la yo o tlhaeletsang, mme ka iketlo ntlo ya tlala mosi.+  Mme ka re: “A bo go latlhega nna! Gonne ke tshwana le fa ke didimaditswe, ka gonne ke motho wa dipounama tse di seng phepa,+ mme ke nna mo gare ga batho ba dipounama tse di seng phepa;+ gonne matlho a me a bone Kgosi, Jehofa wa masomosomo ka boene!”+  Foo mongwe wa boserafe a fofela kwa go nna, mme mo seatleng sa gagwe go ne go na le legala le le tukang+ le a neng a le ogotse ka tang mo sebesong.+  Mme a ama molomo+ wa me a bo a re: “Bona! Seno se amile dipounama tsa gago, mme tlolo ya gago e tlogile le boleo jwa gago bo diretswe tetlanyo.”+  Mme ka simolola go utlwa lentswe la ga Jehofa le re: “Ke tla roma mang, mme ke mang yo o tla re elang?”+ Mme ka re: “Ke fano! Roma nna.”+  Mme a tswelela a re: “Tsamaya, mme o reye batho bano o re, ‘Utlwang gangwe le gape, mme lo se ka lwa tlhaloganya; bonang gangwe le gape, mme lo se ka lwa nna le kitso epe.’+ 10  Dira gore pelo ya batho bano e se ka ya tlhola e amogela+ sepe, mme o dire gore ditsebe tsa bone di nne logwadi,+ o ngaparaganye matlho a bone, gore ba se ka ba bona ka matlho a bone le gore ba se ka ba utlwa ka ditsebe tsa bone, le gore pelo ya bone e se ka ya tlhaloganya le gore ba se ka ba boela morago mme ba fodisiwa.”+ 11  Foo ka re: “Ka lobaka lo lo kae, Jehofa?”+ Foo a re: “Go fitlha metse e thubagana e nna marope, gore e nne e se na monni, le matlo a nne a se na motho wa mo lefatsheng, le mmu ka boone o senngwa gore o nne kgakgabalo;+ 12  le Jehofa a tlosetsa batho ba mo lefatsheng kgakala, mme boemo jwa go tlogelwa bo nna bogolo thata mo lefatsheng.+ 13  Mme mo go lone go tla bo go sa ntse go na le nngwesomeng+ mme gape e tla nna sengwe sa go fisiwa, jaaka setlhare se setona le jaaka setlhare se segolo thata tse di nnang le sesana+ fa di rengwa;+ losika lo lo boitshepo e tla nna sesana sa lone.”+

Dintlha Tse di Kwa Tlase