Isaia 4:1-6

4  Mme basadi ba supa ba tla tshwara monna a le mongwe mo letsatsing leo,+ ba re: “Re tla ja senkgwe sa rona re bo re apara diaparo tsa rona; mme fela e kete re ka bidiwa ka leina la gago go tlosa kgobo ya rona.”+  Mo letsatsing leo se Jehofa a se tlhogisang+ e tla nna sa mokgabiso le kgalalelo,+ mme maungo a lefatshe a tla nna sengwe se go ipelafadiwang ka sone+ le sengwe se sentle mo go ba ba falotseng+ ba Iseraele.  Mme go tla direga gore go twe ba ba setseng mo Siona le ba ba tlogetsweng mo Jerusalema ba boitshepo mo go ene,+ mongwe le mongwe yo o kwaletsweng botshelo mo Jerusalema.+  Fa Jehofa a tla bo a tlhatswitse mantle a bomorwadia Siona+ a ba a tsokotsa+ le yone tshololo ya madi+ ya Jerusalema mo teng ga gagwe ka moya wa katlholo le ka moya wa go fisa,+  ruri Jehofa o tla dira leru motshegare le mosi, le phatsimo ya molelo o o tutumang+ bosigo+ mo godimo ga lefelo lengwe le lengwe le le tlhomameng la Thaba ya Siona+ le mo godimo ga lefelo la gagwe la kopano; ka gonne go tla nna le boitshireletso+ mo godimo ga kgalalelo yotlhe.  Mme go tla nna le loobo lwa moriti motshegare go sireletsa mo mogoteng o o babolang,+ le go nna botshabelo le lefelo la go iphitlha mo puleng ya matsubutsubu le mo go nelweng.+

Dintlha Tse di Kwa Tlase