Isaia 29:1-24

29  “A bo go latlhega Ariele,+ Ariele, motse o Dafide a neng a thibelela mo go one!+ Oketsang ngwaga ka ngwaga; a meletlo+ e wetse modikologo.  Ke tla thatafaletsa Ariele dilo,+ mme go tla nna le khutsafalo le selelo sa khutsafalo,+ e bile o tla nna jaaka leiso la sebeso la Modimo+ mo go nna.  Ke tla thibelela kgatlhanong le wena mo matlhakoreng otlhe, mme ke tla go dikanyetsa ka legora la tshireletso ke bo ke age dithako tsa go go dikanyetsa.+  O tla kokobediwa gore o bue go tswa mo lefatsheng, mme lefoko la gago le tla utlwala le le kwa tlase+ jaaka le le tswang mo loroleng. Lentswe la gago le tla tswa mo lefatsheng jaaka la yo o buang le meya, mme lentswe la gago le tla tswirinya+ le tswa mo loroleng.  Boidiidi jwa ba o sa ba itseng bo tla nna jaaka loupa lo lo boleta,+ le boidiidi jwa bapatiki+ bo tla nna fela jaaka mmoko o o fetang.+ Go tla diragala ka ponyo ya leitlho, ka tshoganyetso.+  Jehofa wa masomosomo o tla go ela tlhoko ka tumo ya maru le ka go roroma le ka modumo o mogolo, phefo ya matsubutsubu le setsuatsue, le kgabo ya molelo o o lailang.”+  Mme go tla diragala fela jaaka mo torong, mo ponatshegelong ya bosigo, malebana le boidiidi jwa ditšhaba tsotlhe tse di lwang le Ariele,+ le eleng botlhe ba ba mo lwantshang, le ditora tsa go tlhasela kgatlhanong le ene le ba ba mo thatafaletsang dilo.+  Ee, go tla diragala fela jaaka fa mongwe yo o tshwerweng ke tlala a lora a ja, mme fa a thanya moya wa gagwe o bo o le lolea;+ le fela jaaka motho yo o tshwerweng ke lenyora a lora a nwa, mme fa a thanya a bo a lapile le moya wa gagwe o omile; go tla nna jalo ka boidiidi jwa ditšhaba tsotlhe tse di tlhabanang le Thaba ya Siona.+  Nnelang go diega, lo gakgamale;+ iphoufatseng, lo foufale.+ Ba tlhapetswe,+ mme e seng ke beine; ba ile ba thetheekela, mme e se ka ntlha ya bojalwa jo bo tagang.+ 10  Gonne Jehofa o lo tsheletse moya wa boroko jo bogolo;+ mme o tswala matlho a lona, baporofeti,+ e bile o bipile ditlhogo tsa lona,+ baboni ba diponatshegelo.+ 11  Mme mo go lona ponatshegelo ya sengwe le sengwe e nna jaaka mafoko a buka e e kanetsweng,+ e ba e nayang motho yo o itseng mokwalo, ba re: “Balela seno kwa godimo tsweetswee,” ene a bo a re: “Ga ke kgone ka gonne e kanetswe”;+ 12  mme buka e newe mongwe yo o sa itseng mokwalo, mongwe a re: “Balela seno kwa godimo, tsweetswee,” mme a bo a re: “Ga ke itse mokwalo gotlhelele.” 13  Mme Jehofa a re: “Ka lebaka la gore batho bano ba atametse ka molomo wa bone, mme ba nkgalaleditse ka dipounama tsa bone fela,+ mme ba tloseditse pelo ya bone kgakala le nna,+ mme poifo ya bone mo go nna e nna taelo e e rutiwang ya batho,+ 14  ka gone ke fano, nna Yo o tla direlang batho bano gape ka tsela e e gakgamatsang,+ ka tsela e e gakgamatsang le ka sengwe se se gakgamatsang; mme botlhale jwa batho ba bone ba ba botlhale bo tla nyelela, le tlhaloganyo ya batho ba bone ba ba bonokopela e tla iphitlha.”+ 15  A bo go latlhega ba ba tsenelang kwa teng thata ka go fitlhela Jehofa boikaelelo,+ le ba ditiro tsa bone di diragetseng mo lefelong le le lefifi,+ fa ba ntse ba re: “Ke mang yo o re bonang, mme ke mang yo o itseng ka rona?”+ 16  A bo lo sokame! A mmopi wa letsopa o tshwanetse a kaiwa fela jaaka letsopa?+ Gonne a selo se se dirilweng se tshwanetse sa bua jaana ka modiri wa sone: “Ga a ntira”?+ Le selo se se bopilweng a se bua jaana ka mmopi wa sone: “Ga a bontsha tlhaloganyo epe”?+ 17  A ga go a sala nakwana fela gore Lebanona a bo a fetolwa go nna tshingwana+ ya maungo mme tshingwana eo ya maungo e bo e kaiwa fela jaaka sekgwa?+ 18  Mme mo letsatsing leo bosusu ba tla utlwa mafoko a buka,+ mme matlho a difofu a tla bona+ mo letobong le mo lefifing. 19  Mme ba ba pelonolo+ ba tla oketsa go ipelela Jehofa, le bone ba ba humanegileng ba batho ba tla ipelela ene Moitshepi wa Iseraele,+ 20  ka gonne mopatiki o tla fitlha kwa bokhutlong jwa gagwe,+ le moikgantshi o tla fela,+ mme botlhe ba ba nnang ba thantse gore ba gobatse+ ba tla kgaolwa, 21  ba ba leofisang motho ka lefoko la gagwe,+ le ba ba beelang yo o kgalemelang kwa kgorong serai,+ le ba ba kgaphelang mosiami kwa thoko ka manganga a a sa utlwaleng.+ 22  Ka jalo Jehofa o buile jaana le ntlo ya ga Jakobe, ene yo o golotseng Aborahame:+ “Jaanong Jakobe ga a kitla a tlhabiwa ke ditlhong, le fa e le sefatlhego sa gagwe ga se kitla se setlhafala+ jaanong; 23  gonne fa a bona bana ba gagwe, tiro ya diatla tsa me, mo gare ga gagwe,+ ba tla itshepisa leina la me,+ mme ruri ba tla itshepisa Moitshepi wa ga Jakobe,+ le Modimo wa Iseraele ba tla mo tsaya ka tshisimogo.+ 24  Mme ba ba fapogang mo moyeng wa bone ba tla itse tlhaloganyo, le bone ba ba ngongoregang ba tla ithuta thuto.”+

Dintlha Tse di Kwa Tlase