Isaia 27:1-13

27  Mo letsatsing leo Jehofa,+ ka tšhaka ya gagwe e e thata e kgolo le e e nonofileng,+ o tla lebisa tlhokomelo ya gagwe mo go Lefiathane,+ noga e e lelemelang,+ mo go Lefiathane, noga e e boferefere, mme ruri o tla bolaya setshedi se setona thata sa lewatle+ se se mo lewatleng.  Mo letsatsing leo lo mo opelele+ lo re: “Tshimo ya mofine+ ya beine e e phophomang!  Nna, Jehofa, ke a mo dibela.+ Ke tla mo nosetsa+ nako le nako. Gore ope a se ka a lebisa tlhokomelo ya gagwe kgatlhanong le ene, ke tla mo dibela le eleng bosigo le motshegare.+  Ga ke na tšararego epe.+ Ke mang yo o tla nnayang ditlhatshana tse di mitlwa+ le mefero kwa tlhabanong? Ke tla di gata. Ke tla di tlhosetsa ka molelo ka nako e le nngwe fela.+  E seng jalo a a tshware kago ya me e e thata, a a dire kagiso le nna; a kagiso a e dire le nna.”+  Mo malatsing a a tlang Jakobe o tla mela medi, Iseraele+ o tla ntsha dithunya a bo a tlhoge; mme ba tla tlatsa naga e e ungwang ka maungo.+  A motho o tshwanetse a mo itaya jaaka ka titeo ya yo o mo itayang? Kgotsa a o tshwanetse go bolawa jaaka batho ba gagwe ba ba bolailweng ba ne ba bolawa?+  O tla ganetsana le ene ka go goa o mo tshosa fa o mo romela. O tla mo leleka ka go tsubutla ga gagwe mo go thata mo letsatsing la phefo ya botlhaba.+  Ka jalo tlolo ya ga Jakobe e tla direlwa tetlanyo+ ka mokgwa ono, mme leno ke lone leungo lotlhe fa a tlosa boleo jwa gagwe,+ fa a dira maje otlhe a sebeso gore a nne jaaka maje a taka a a sidilweng, gore dikota tse di boitshepo+ le ditlhomo tsa maswalo di se ka tsa ema.+ 10  Gonne motse o o sireletsegileng o tla nna o le nosi, mafulo a tla tlogelwa a ntse jaaka naga.+ Namane e tla fula koo, mme e tla botha gone; mme o tla laila dikala tsa gagwe tse dikgolo.+ 11  Fa dikalana tsa gagwe di omeletse, basadi ba ba tsenang ba tla di roba, ba di tshube.+ Gonne ga se setšhaba se se tlhaloganyang ka bonako.+ Ke gone ka moo Modiri wa sone a se kitlang a se bontsha kutlwelobotlhoko, le Mmopi wa sone a se kitlang a se amogela.+ 12  Mme go tla diragala mo letsatsing leo gore Jehofa a phothe leungo,+ mo molatswaneng o o elelang wa Noka+ go ya mokgatšheng o o phothoselang wa Egepeto,+ mme ka jalo lo tla selwa ka bongwe ka bongwe,+ lona bomorwa Iseraele. 13  Mme go tla diragala mo letsatsing leo gore go tla lediwa lonaka lo logolo,+ mme ba ba nyelelang mo lefatsheng la Asiria+ le ba ba phatlalaleditsweng mo lefatsheng la Egepeto+ ba tla tla ba ikobela+ Jehofa mo thabeng e e boitshepo ya Jerusalema.+

Dintlha Tse di Kwa Tlase