Isaia 22:1-25

22  Polelo ya mokgatšha wa ponatshegelo:+ Mathata ke eng ka wena, he, gore o bo o tlhatlogetse kwa marulelong o feletse?+  O ne o tletse pheretlhego, motse o o fuduegileng, motse o o itumelang.+ Batho ba gago ba ba bolailweng ga se ba ba bolailweng ka tšhaka, le fa e le ba ba swetseng kwa tlhabanong.+  Babusaesi+ ba gago botlhe ba tshabile ka nako e le nngwe fela.+ Ba tserwe e le magolegwa go sa tlhokege bora. Botlhe ba gago ba ba fitlhetsweng ba tserwe botlhe e le magolegwa.+ Ba ne ba tshabetse kgakala.  Ke gone ka moo ke ileng ka re: “Faposang matlho a lona mo go nna. Ke tla bontsha kutlobotlhoko ka go lela.+ Lo se ka lwa gatelela gore lo nkgomotse ka ntlha ya go thopiwa ga morwadia batho ba me.+  Gonne ke letsatsi la tlhakatlhakano+ le la go gataka+ le la go akabatsa+ la Morena Molaodimogolo, Jehofa wa masomosomo, mo mokgatšheng wa ponatshegelo. Go na le yo o thubang lobota,+ le mokgosi o o yang kwa thabeng.+  Mme Elama+ ka boyone e tsere mokotlopo, mo kareng ya ntwa ya motho wa mo lefatsheng, ka dipitse tsa ntwa; mme Kire+ ka boyone e bipolotse thebe.  mme go tla diragala gore mabala a gago a a kwa tlase ao a a gaisang otlhe a tla tlala dikara tsa ntwa, mme eleruri dipitse tsa ntwa di tla ema fa kgorong,  mme mongwe o tla tlosa sesiro sa Juda. Mme mo letsatsing leo o tla leba bobolokelo jwa dibetsa+ jwa ntlo ya sekgwa,+  mme ruri lo tla bona diphatlha tsa Motse wa ga Dafide, gonne di tla bo di le dintsi.+ Lo tla kgobokanya metsi a mogobe o o kwa tlasenyana.+ 10  Lo tla bala matlo a Jerusalema. Gape lo tla rutla matlo gore lo dire gore lobota+ lo se ka lwa fitlhelelwa. 11  Mme go tla nna le mogotšwana o o gelelang o lo tla o dirang fa gare ga dipota tse pedi wa metsi a mogobe o mogologolo.+ Mme ruri ga lo kitla lo leba Modiri wa gone yo Mogolo, le yo o go dirileng bogologolo ruri ga lo kitla lo mmona. 12  “Mme mo letsatsing leo Morena Molaodimogolo,+ Jehofa wa masomosomo, o tla laela gore go lelwe+ go hutsafalwe le gore go nne le mafatla le gore go ikgatlhwe ka letsela la kgetsi.+ 13  Mme bona! boitumelo le boipelo, go bolawa ga dikgomo le go tlhabiwa ga dinku, go jewa ga nama le go nowa ga beine,+ ‘A go jewe go nowe, gonne ka moso re tla swa.’”+ 14  Mme Jehofa wa masomosomo o itshenotse+ mo ditsebeng tsa me: “‘Ga lo kitla lo direlwa tetlanyo+ ya tlolo eno go fitlha lo swa,’+ go buile Morena Molaodimogolo, Jehofa wa masomosomo.” 15  Morena Molaodimogolo, Jehofa wa masomosomo, o rile: “Tsamaya, tsena kwa molebeding yono, kwa go Shebena,+ yo o okametseng ntlo,+ 16  ‘Ke eng se e leng sa gago fano, mme ke mang yo e leng wa gago fano, gore o bo o ikepetse lefelo la go fitlhela fano?’+ O epa lefelo la gagwe la go fitlhela mo bogodimong; o ikgabololela boago mo lefikeng le legolo. 17  ‘Bona! Jehofa o go latlhela fa fatshe ka dikgoka, wena motho yo o nonofileng, e bile o go tshwara ka thata. 18  Ruri o tla go potoka thata, jaaka kgwele mo lefatsheng le le atlhameng. O tla swela koo, mme dikara tsa kgalalelo ya gago di tla nna tlontlologo ya ntlo ya mong wa gago koo. 19  Mme ke tla go kgoromeletsa koo gore o tswe mo maemong a gago; mme motho o tla go rutlolola+ mo boemong jwa gago jwa bodiredi. 20  “‘Mme go tla diragala gore mo letsatsing leo ke bitse motlhanka wa me,+ ke gore, Eliakime+ morwa Hilekia.+ 21  Mme ke tla mo apesa seaparo sa gago se setelele, ke tla mmofa+ thata ka moitlamo wa gago wa lotheka, ke tla tsenya taolo ya gago mo seatleng sa gagwe; mme o tla nna rraagwe monni wa Jerusalema le ntlo ya Juda.+ 22  Ke tla baya selotlolo+ sa ntlo ya ga Dafide mo legetleng la gagwe, mme o tla bula go se na ope yo o tswalang, mme o tla tswala go se na ope yo o bulang.+ 23  Ke tla mo kokotela jaaka sekgoge+ mo lefelong le le nnelang ruri, mme o tla nna jaaka setulo sa bogosi sa kgalalelo mo ntlong ya ga rraagwe.+ 24  Mme ba tla pega kgalalelo yotlhe ya ntlo ya ga rraagwe mo go ene, ditlogolwana le matlhogela, dijana tsotlhe tsa mofuta o mmotlana, dijana tsa mofuta wa mogopo mmogo le dijana tsotlhe tsa dinkgo tse dikgolo. 25  “‘Mo letsatsing leo,’ go bua Jehofa wa masomosomo, ‘sekgoge+ se se kokotetsweng mo lefelong le le nnelang ruri se tla tlosiwa,+ mme se tla rengwa se we, mme morwalo o o mo go sone o tla fedisiwa, gonne Jehofa o go buile.’”+

Dintlha Tse di Kwa Tlase