Isaia 20:1-6

20  Mo ngwageng o Taretane+ a tlileng mo Ashedoda+ ka one, fa a ne a rometswe ke Saragone kgosi ya Asiria,+ me a lwa le Ashedoda a ba a e thopa;+  ka nako eo Jehofa a bua ka seatla sa ga Isaia morwa Amosi,+ a re: “Tsamaya,+ mme o bofolole letsela la kgetsi mo dinōkeng+ tsa gago; le bompaatšhane ba gago o ba somole mo dinaong+ tsa gago.” Mme a dira jalo, a tsamayatsamaya a sa ikatega e bile a sa rwala sepe mo dinaong.+  Mme Jehofa a tswelela pele a re: “Fela jaaka motlhanka wa me Isaia a ile a tsamayatsamaya a sa ikatega e bile a sa rwala sepe mo dinaong ka dingwaga di le tharo e le sesupo+ le kgakgamatso kgatlhanong le Egepeto+ le Ethiopia,+  fela jalo kgosi ya Asiria e tla etelela pele setlhopha sa batshwarwa sa Egepeto+ le bafaladi ba Ethiopia, basimane le bannabagolo, ba sa ikatega e bile ba sa rwala sepe mo dinaong, ba le marago a a apotsweng, bosaikategang jwa Egepeto.+  Mme ruri ba tla tshoga ba bo ba tlhabiwe ke ditlhong ka ntlha ya Ethiopia e bong tsholofelo e ba neng ba lebile kwa go yone+ le ka ntlha ya Egepeto bontle+ jwa bone.  Mme ruri monni wa lefatshe leno le le fa losing lwa lewatle o tla bua jaana mo letsatsing leo, ‘Tsholofelo e re neng re lebile kwa go yone e ntse jalo, e re neng ra tshabela kwa go yone gore re bone thuso, gore re gololwe ka ntlha ya kgosi ya Asiria!+ Mme rona re tla falola jang?’”

Dintlha Tse di Kwa Tlase