Isaia 2:1-22

2  Selo se Isaia morwa Amosi a neng a se bona mo ponatshegelong mabapi le Juda le Jerusalema:+  Mme go tla diragala gore go ela kwa bofelong jwa metlha+ thaba ya ntlo+ ya ga Jehofa e tlhomamisiwe thata kwa godimo ga ditlhoa tsa dithaba,+ eleruri e tla tsholelediwa kwa godimo ga dithota;+ mme ditšhaba tsotlhe di tla ologela kwa go yone.+  Ruri ditšhaba di le dintsi di tla ya di re: “Tlang,+ a re tlhatlogeleng kwa thabeng ya ga Jehofa, kwa ntlong ya Modimo wa ga Jakobe; mme o tla re ruta ditsela tsa gagwe, mme re tla tsamaya mo ditselaneng tsa gagwe.”+ Gonne molao o tla tswa mo Siona, le lefoko la ga Jehofa kwa Jerusalema.+  Mme ruri o tla atlhola mo gare ga ditšhaba+ a ba a tlhamalatsa dilo+ malebana le ditšhaba di le dintsi.+ Mme ba tla thula ditšhaka tsa bone ba di dira magale a megoma le marumo a bone ba a dira dikere tse di pomang.+ Setšhaba ga se kitla se tsholeletsa setšhaba se sengwe tšhaka, le gone ga ba kitla ba tlhola ba ithuta ntwa gape.+  Lona banna ba ntlo ya ga Jakobe, tlang re tsamayeng mo leseding la ga Jehofa.+  Gonne o latlhile batho ba gago, ntlo ya ga Jakobe.+ Gonne ba tletse ka se se tswang kwa Botlhaba,+ ba dira maselamose+ jaaka Bafilisitia, mme ba totetswe ke bana ba batswakwa.+  Lefatshe la bone le tletse selefera le gouta, le matlotlo+ a bone ga a na tekano. Lefatshe la bone le tletse dipitse, le dikara+ tsa bone ga di na tekano.  Mme lefatshe la bone le tletse ka medimo e e se nang mosola.+ Ba ikobela tiro ya diatla tsa motho, e leng se se dirilweng ke menwana ya motho.+  Motho wa mo lefatsheng o a obega, mme motho o a kokobediwa, e bile o ka se ka wa kgona go ba itshwarela.+ 10  Tsena mo lefikeng o iphitlhe mo loroleng ka ntlha ya go boifisa ga ga Jehofa, le ka ntlha ya tlotlomalo ya gagwe e ntlentle.+ 11  Matlho a a mabela a motho wa mo lefatsheng a tla kokobediwa, le go ipega ga batho go tla kokobediwa;+ me Jehofa a le esi o tla tlotlomadiwa mo letsatsing leo.+ 12  Gonne ke letsatsi la ga Jehofa wa masomosomo.+ Le tletse mongwe le mongwe yo o ikgodisang le yo o ipegang le mongwe le mongwe yo o tsholeditsweng kgotsa yo o kokobeditsweng;+ 13  le masedara otlhe a Lebanona+ a a kwa godimo le a a tsholeditsweng le ditlhare tsotlhe tse dikgolo thata tsa Bashana;+ 14  le dithaba tsotlhe tse di kwa godimo le dithota tsotlhe tse di tsholetsegileng;+ 15  le tora nngwe le nngwe e e kwa godimo le lobota longwe le longwe lo lo sireletsegileng;+ 16  le dikepe tsotlhe tsa Tareshishe+ le mekoro yotlhe e e rategang. 17  Mabela a motho wa mo lefatsheng a tla kokobediwa, le go ipega ga batho go tla kokobediwa;+ mme Jehofa a le esi o tla tlotlomadiwa mo letsatsing leo.+ 18  Medimo e e se nang mosola e tla fetela ruri.+ 19  Batho ba tla tsena mo dikgageng tsa mafika le mo mesimeng ya mmu ka ntlha ya go boifisa ga ga Jehofa le tlotlomalo ya gagwe e ntlentle,+ fa a ema gore lefatshe le rorome.+ 20  Mo letsatsing leo motho wa mo lefatsheng o tla latlha medimo ya gagwe ya selefera e e se nang mosola le medimo ya gagwe ya gouta e e se nang mosola e ba neng ba mo e diretse gore a ikobe fa pele ga yone, a e latlhela kwa dirathing le kwa go bommamanthwane,+ 21  gore a tsene mo mesimeng mo mafikeng le mo mapharong a mafika a magolo, ka ntlha ya go boifisa ga ga Jehofa le tlotlomalo ya gagwe e ntlentle,+ fa a ema gore lefatshe le rorome. 22  Gore lo solegelwe molemo, tlogelang motho wa mo lefatsheng, yo mohemo wa gagwe o mo marobeng a gagwe a dinko,+ gonne a ka tsewa tsia ka lebaka lefe?+

Dintlha Tse di Kwa Tlase