Isaia 14:1-32

14  Gonne Jehofa o tla bontsha Jakobe kutlwelobotlhoko,+ mme ruri o sa ntse a tla tlhopha Iseraele;+ o tla ba naya boikhutso mo lefatsheng la bone,+ mme moagi wa moeng o tla kopanngwa le bone, mme ba tla ikgolaganya le ntlo ya ga Jakobe.+  Mme ditšhaba di tla ba tsaya di ba isa kwa lefelong la bone, mme ntlo ya Iseraele e tla ba itseela jaaka thuo mo lefatsheng la ga Jehofa e le batlhanka le malata;+ mme ba tla nna batshwari+ ba batho bao ba ba dirileng batshwarwa, mme ba tla laola ba ba neng ba ba gatelela go dira.+  Mme go tla diragala mo letsatsing la fa Jehofa a go naya boikhutso mo botlhokong jwa gago le mo khuduegong ya gago le mo botlhankeng jo bo thata jo o neng wa dirwa motlhanka mo go jone,+  gore o tla ntshetsa kgosi ya Babelona polelo eno ya seane o re: “A bo yo o gatelelang ba bangwe go dira a eme, go gatelela go eme!+  Jehofa o robile thobane ya baikepi, lore lwa ba ba busang,+  yo o itayang ditšhaba ka tšhakgalo ka titeo a sa kgaotse,+ yo o fenyang ditšhaba ka bogale ka pogiso e e sa thibelweng.+  Lefatshe lotlhe le ikhuditse,+ le dule mo matshwenyegong. Batho ba thamile e bile ba goa ka boipelo.+  Le eleng ditlhare tsa mofira+ di ile tsa ipela ka wena, masedara a Lebanona, a re, ‘Fa e sale o rapama, ga go na moremi ope wa logong+ yo o re tsogologelang.’  “Le eleng Sheole+ kafa tlase e go fuduegetse gore e go kgatlhantshe fa o tsena. E go tsoseditse batho ba ba se nang maatla mo losong,+ baeteledipele botlhe ba sekadipodi+ ba lefatshe. E dirile gore dikgosi tsotlhe tsa ditšhaba di nanoge mo ditulong tsa tsone tsa bogosi.+ 10  Botlhe ba bua ba go raya ba re, ‘A le wena o koafaditswe fela jaaka rona?+ A o tshwantshitswe le rona?+ 11  Boikgogomoso jwa gago bo foloseditswe kwa Sheole, leratla la diletswa tsa gago tsa megala.+ Kafa tlase ga gago, dibokwana di ikadile jaaka sekanamelo; mme diboko ke sebipo sa gago.’+ 12  “A bo o ole kwa legodimong,+ wena yo o phatsimang, morwa bosa! A bo o kgaoletswe mo lefatsheng,+ wena yo o neng o koafatsa ditšhaba!+ 13  Fa e le wena o buile jaana mo pelong ya gago, ‘Ke tla tlhatlogela kwa magodimong.+ Ke tla tsholeletsa setulo sa me sa bogosi+ kwa godimo ga dinaledi+ tsa Modimo, mme ke tla nna fa fatshe mo thabeng ya bokopanelo,+ mo dikarolong tse di kwa kgakala thata tsa bokone.+ 14  Ke tla tlhatlogela kwa godimo ga mafelo a a kwa godimo a maru;+ ke tla itira gore ke tshwane le Mogodimodimo.’+ 15  “Le fa go ntse jalo, o tla folosediwa kwa Sheole,+ kwa tengteng ga kgatampi.+ 16  Ba ba go bonang ba tla go tlhoma matlho; ba tla go tlhatlhoba thata, ba re, ‘A yo ke ene motho yo o neng a fudua lefatshe, yo o neng a reketlisa magosi,+ 17  yo o neng a dira gore naga e e ungwang e nne jaaka naga le yo o neng a ribegetsa metse ya yone,+ yo o neng a se ka a bulela le one magolegwa+ a gagwe tsela ya go ya gae?’ 18  Dikgosi tse dingwe tsotlhe tsa ditšhaba, ee tsotlhe, di rapame ka kgalalelo, nngwe le nngwe mo ntlong ya yone.+ 19  Mme fa e le wena, o latlhilwe o se na lefelo la go fitlhela,+ jaaka letlhogela le le tlhoilweng, o apere banna ba ba bolailweng ba ba tlhabilweng ka tšhaka ba ba fologelang kwa majeng a kgatampi,+ jaaka setoto se se gatakilweng.+ 20  Ga o kitla o kopanngwa le bone mo phupung, ka gonne o sentse lefatshe la gago, o bolaile batho ba gago. Bana ba badirabosula ga ba kitla ba umakiwa+ ka bosakhutleng. 21  “Baakanyetsang barwa ba gagwe lefelo la go bolawa ka ntlha ya tlolo ya borraabonemogologolwane,+ gore ba se ka ba nanoga mme ba rua lefatshe ba tlatsa naga e e ungwang ka metse.”+ 22  “Ke tla ba tsogologela,”+ go bua Jehofa wa masomosomo. “Ke tla kgaola leina+ le masalela le lotsalo le ditlogolwana+ mo Babelona,” go bua Jehofa. 23  “Ke tla mo dira gore a nne thuo ya dinoko le megobe ya metsi e e tletseng lotlhaka, mme ke tla mo feela ka lofeelo lo lo nyeletsang,”+ go bua Jehofa wa masomosomo. 24  Jehofa wa masomosomo o ikanne,+ a re: “Ruri go tla diragala fela jaaka ke ikanne; mme fela jaaka ke sweditse, seo ke sone se se tla diragalang,+ 25  gore ke robaganye Moasiria yo o mo lefatsheng la me+ le gore ke mo gatake mo dithabeng tsa me;+ le gore jokwe ya gagwe e tle e tswe mo go bone le morwalo wa gagwe o tloge mo legetleng la bone.”+ 26  Eno ke tshwetso e e sweditsweng kgatlhanong le lefatshe lotlhe, mme seno ke seatla se se otlolotsweng kgatlhanong le ditšhaba tsotlhe. 27  Gonne Jehofa wa masomosomo ka esi o dirile tshwetso,+ mme ke mang yo o ka e senyang?+ Seatla sa gagwe ke sone se se otlolotsweng, ke mang yo o ka se busetsang morago?+ 28  Mo ngwageng o Kgosi Ahase a neng a swa+ ka one, polelo eno e ne ya diragala: 29  “O se ka wa ipela,+ wena Filisitia,+ ope fela wa gago, fela ka gonne lore lwa yo o go itayang lo robagantswe.+ Gonne mo moding wa noga+ go tla tswa noga e e botlhole,+ mme leungo la yone e tla nna noga e e fofang e e botlhole jo e keteng molelo.+ 30  Mme maitibolo a batho ba maemo a a kwa tlase ruri a tla ja, mme ba ba humanegileng ba tla rapama+ ka polokesego. Mme ke tla bolaya modi wa gago ka leuba, mme se se salang sa gago se tla bolawa.+ 31  Bokolela, wena kgoro! Goa, wena motse! Lotlhe lo tla nyema moko, wena Filisitia! Gonne mosi o tswa kwa bokone, mme ga go na ope yo o kgaphelwang kwa thoko mo mephatong ya gagwe.”+ 32  Motho ope fela o tla reng fa a araba barongwa+ ba setšhaba? Gore Jehofa ka boene o theile motheo wa Siona,+ le batho ba gagwe ba ba bogisiwang ba tla tshabela mo go yone.

Dintlha Tse di Kwa Tlase