Hosea 9:1-17

9  “O se ka wa ipela, wena Iseraele.+ O se ka wa itshwara ka go ipela jaaka ditšhaba.+ Gonne o dule fa thoko ga Modimo wa gago ka kgokafalo.+ O ratile dimpho tsa go thapiwa mo diboaneng tsotlhe tsa dijo tsa ditlhaka.+  Seboana le segatisetso sa beine ga di ba fepe,+ mme beine e e monate e a mo swabisa.+  Ga ba na go tswelela ba nna mo lefatsheng la ga Jehofa,+ mme Eferaime o tla boela kwa Egepeto,+ ba tla ja se se seng phepa mo Asiria.+  Ga ba na go tswelela ba tshelela Jehofa beine.+ Le ditlhabelo tsa bone ga di na go mo kgotsofatsa;+ di tshwana le senkgwe sa metlha ya khutsafalo+ mo go bone; botlhe ba ba se jang ba tla iteswafatsa. Gonne senkgwe sa bone ke sa moya wa bone; ga se na go tsena mo ntlong ya ga Jehofa.+  Lo tla dirang mo letsatsing la kopano le mo letsatsing la moletlo wa ga Jehofa?+  Gonne, bona! ba tla tsamaya ka ntlha ya thopo.+ Egepeto o tla ba phutha mmogo;+ fa e le kaga Memefise,+ o tla ba fitlha. Fa e le kaga dilo tsa bone tse di eletsegang tsa selefera, sebabetsane se tla di rua;+ ditlhatshana tse di mitlwa di tla bo di le mo megopeng ya bone.+  “Metlha ya go elwa tlhoko e tla tla;+ metlha ya tuelo e e tshwanetseng e tla tla.+ Ba e leng ba Iseraele ba tla itse ka gone.+ Moporofeti o tla nna seeleele,+ motho wa polelwana e e tlhotlheleditsweng o tla tsentshiwa ke bontsi jwa ditlolo tsa gago,+ le ka ntlha ya go ntsifala ga letlhoo.”  Molebeledi+ wa Eferaime o ne a na le Modimo wa me.+ Fa e le moporofeti ene,+ go na le serai sa motshwari wa dinonyane mo ditseleng tsotlhe tsa gagwe;+ go na le letlhoo mo ntlong ya Modimo wa gagwe.  Ba tseneletse kwa teng mo go tliseng tshenyo,+ fela jaaka mo metlheng ya ga Gibea.+ O tla gakologelwa tlolo ya bone;+ o tla ela tlhoko maleo a bone. 10  “Ke ne ka fitlhela Iseraele fela jaaka morara mo nageng.+ Ke ne ka bona borralonamogologolwane fela jaaka mofeige o o buduleng pele mo setlhareng sa mofeige mo tshimologong ya one.+ Ba ne ba tsena kwa go Baale wa Peore,+ mme ba ineela mo selong se se tlhabisang ditlhong,+ ba nna ba ba ferosang sebete jaaka selo se ba se ratang.+ 11  Fa e le Eferaime, kgalalelo ya bone e fofela koo jaaka sebopiwa se se fofang,+ mo go se nang go belega, le fa e le mpa e e imileng le fa e le go ithwala.+ 12  Gonne le mororo ba godisa bomorwaabone, ke tla ba amoga bana gore go se ka ga nna le motho;+ ka gonne—gape, a bo go latlhega bone fa ke ba furalela!+ 13  Eferaime, yo ke mmoneng jaaka Ture a jetswe mo mafulong,+ le e leng Eferaime o laoletswe go ntshetsa bomorwawe kwa mmolaing.”+ 14  Ba neye, Oo Jehofa, se o tshwanetseng go se ba naya.+ Ba neye sebopelo se se senyegelwang+ le mabele a a swabang. 15  “Bosula jotlhe jwa bone bo ne bo le kwa Gilegala,+ gonne koo ke ne ka tshwanelwa ke go ba tlhoa.+ Ke tla ba leleka mo ntlong ya me ka ntlha ya bosula jwa ditiro tsa bone.+ Nka se tswelele ke ba rata.+ Dikgosana tsotlhe tsa bone di dira ka botlhogoethata.+ 16  Eferaime o tla kgemethiwa.+ Modi wa bone o tla omelela.+ Ga ba na go tlhagisa leungo lepe.+ Gape, fa go ka direga gore ba tshole, ke tla bolaya dilo tse di eletsegang tsa sebopelo sa bone.”+ 17  Modimo+ wa me o tla ba gana, gonne ga ba a mo reetsa,+ mme ba tla nna bafaladi mo merafeng.+

Dintlha Tse di Kwa Tlase