Hosea 6:1-11

6  “Tlang, lona batho, mme a re boeleng kwa go Jehofa,+ gonne o gagogantse+ le fa go ntse jalo o tla re fodisa.+ O ne a nna a itaya, le fa go ntse jalo o tla re hapa.+  O tla re tshedisa morago ga malatsi a le mabedi.+ Mo letsatsing la boraro o tla dira gore re tsoge, mme re tla tshela fa pele ga gagwe.+  Mme re tla itse, re tla batla go itse Jehofa.+ Jaaka bosa,+ go tswa ga gagwe go tlhomamisitswe thata.+ Mme o tla tla jaaka pula e e tshologang mo go rona;+ jaaka pula ya dikgakologo e e kolobetsang lefatshe.”+  “Ke tla go dirang, wena Eferaime? Ke tla go dirang, wena Juda,+ fa bopelonomi jwa lorato jwa lona bo tshwana le maru a moso le jaaka monyo o o nyelelang phakela?  Ke gone ka moo ke tla ba remang ka baporofeti;+ ke tla ba bolaya ka mafoko a molomo wa me.+ Mme dikatlholo tse di tla go welang di tla nna jaaka lesedi le le tswang.+  Gonne ke natefeletswe ke bopelonomi jwa lorato,+ mme e seng ke setlhabelo;+ le ke kitso ya Modimo go na le ditshupelo tse di fisiwang di feletse.+  Mme bone, jaaka motho, ba tlodile kgolagano.+ Ke gone mo ba ntiretseng ka boferefere gone.+  Gileade+ ke motse wa badiri ba se se gobatsang; metlhala ya dinao tsa bone ke madi.+  Mme fela jaaka ba ba lalelang motho,+ lekoko la baperesiti ke ditlhopha tsa dirukutlhi.+ Ba bolaya motho fa tseleng kwa Shekema ,+ gonne ga ba a dira sepe fa e se boitshwaro jo bo repileng.+ 10  Ke bone selo se se maswe+ mo ntlong ya Iseraele. Koo go na le kgokafalo mo go Eferaime.+ Iseraele o iteswafaditse.+ 11  Go feta moo, wena Juda, o baakanyeditswe thobo, fa ke busa batshwara ba batho ba me.”+

Dintlha Tse di Kwa Tlase