Hosea 14:1-9

14  “A ko o boele mo go Jehofa Modimo wa gago,+ wena Iseraele, gonne o ne wa kgopiwa mo tlolong ya gago.+  Itseeleng mafoko mme lo boele mo go Jehofa.+ Lona lotlhe, mo reyeng lo re, ‘E kete o ka itshwarela tlolo;+ mme o amogele se se molemo, mme le rona re tla go isetsa dipowana tsa dipounama tsa rona.+  Asiria a ka se re boloke.+ Re ka se palame dipitse.+ Mme ga re kitla re tlhola re re: “Oo Modimo wa rona!” re raya tiro ya diatla tsa rona, ka gonne ke wena o bontshang mosimane yo o se nang rre kutlwelobotlhoko.’+  “Ke tla fodisa go sa ikanyegeng ga bone.+ Ke tla ba rata ka go rata ga me,+ ka gonne bogale jwa me bo boile kwa go ene.+  Ke tla nna jaaka monyo mo go Iseraele.+ O tla ntsha sethunya jaaka sethunya sa lesoma, mme o tla totometsa medi ya gagwe jaaka Lebanona.  Dikalana tsa gagwe di tla tswa, mme seriti sa gagwe se tla nna jaaka sa setlhare sa motlhware,+ le lonko lwa gagwe lo lo monate lo tla nna jaaka lwa Lebanona.  Ba tla boa e nna banni gape mo moriting wa gagwe.+ Ba tla jala dijo tsa ditlhaka, mme ba tla kukunya jaaka mofine.+ Segopotso sa gagwe se tla nna jaaka beine ya Lebanona.  “Eferaime o tla re, ‘Ke tla tlhola ke dirang ka medingwana?’+ “Ruri ke tla araba mme ke tla nna ke ntse ke mo lebile.+ Ke tshwana le setlhare sa mofira se se golang thata.+ Mme o tla bonelwa leungo mo go nna.”  Ke mang yo o botlhale, gore a tle a tlhaloganye dilo tseno?+ Yo o bonokopela, gore a tle a di itse?+ Gonne ditsela tsa ga Jehofa di thokgame,+ mme basiami ke bone ba tla tsamayang mo go tsone;+ mme batlodi ke bone ba tla kgotšwang mo go tsone.+

Dintlha Tse di Kwa Tlase