Hosea 13:1-16

13  “Fa Eferaime a ne a bua, go ne go tshogwa; o ne a na le tlhotlheletso e kgolo mo Iseraele.+ Mme o ne a nna le molato malebana le Baale+ mme a swa.+  Mme jaanong ba dira boleo jo bongwe gape ba bo ba itirela sefikantswe se se thetsweng ka selefera ya bone,+ medingwana go ya kafa tlhaloganyong ya bone,+ tiro ya badiri ba ba ditswerere, yotlhe fela.+ Ba e raya ba re, ‘A batho ba ba ntshang ditlhabelo ba e leng banna ba atle tse e leng dinamane fela.’+  Ka jalo ba tla nna jaaka maru a mo mosong+ le jaaka monyo o o nyelelang phakela; jaaka mmoko o o phailwang ke matsubutsubu mo seboaneng+ le jaaka mosi go tswa mo lerobeng la borulelo.  “Mme le fa go ntse jalo ke nna Jehofa Modimo wa gago go tswa kwa lefatsheng la Egepeto,+ mme go ne go se na Modimo ope o sele kwantle ga me yo o kileng wa bo o mo itse; gape go ne go se na mmoloki ope o sele fa e se nna.+  Ke ne ka go itse kwa nageng,+ kwa lefatsheng la letshoroma.+  Gape ba ne ba kgotsofala ka ntlha ya mafulo a bone.+ Ba ne ba kgotsofala mme pelo ya bone ya simolola go ikgodisa.+ Ke gone ka moo ba neng ba ntebala.+  Mme ke tla nna jaaka tawana mo go bone.+ Ke tla nna ke ntse ke leba jaaka lengau fa tseleng.+  Ke tla kopana le bone jaaka bera e e latlhegetsweng ke bana ba yone,+ mme ke tla gagoganya kagelelo ya pelo ya bone. Mme ke tla ba kometsa koo jaaka tau;+ phologolo ya naga e tla ba gagoganya.+  Ruri e tla go senya,+ wena Iseraele, gonne e ne e le kgatlhanong le nna, kgatlhanong le mothusi wa gago.+ 10  “E kae jaanong, kgosi ya gago, gore e tle e go boloke mo metseng yotlhe ya gago,+ le baatlhodi ba gago, ba o neng wa bua ka bone wa re, ‘A ko o nneye kgosi le dikgosana’?+ 11  Ke ne ka go naya kgosi ke galefile,+ mme ke tla e tlosa ke shakgetse.+ 12  “Tlolo ya ga Eferaime e phuthetswe, boleo jwa gagwe bo bolokilwe.+ 13  O tla tlelwa ke ditlhabi tsa pelegi tsa mosadi yo o belegang.+ Ke morwa yo o seng botlhale,+ gonne ga a na go ema a sa tshikhinyege ka nako e e leng yone fa barwa ba tswa mo sebopelong.+ 14  “Ke tla ba golola mo seatleng sa Sheole;+ ke tla ba golola mo losong.+ Mabolela a gago a kae, wena Loso?+ Tshenyo ya gago e kae, wena Sheole?+ Bopelotlhomogi bo tla fitlhegela matlho a me.+ 15  “Fa go ka direga gore ene jaaka morwa dimela tsa lotlhaka a bontshe go ungwa,+ go tla tla phefo ya botlhaba, phefo ya ga Jehofa.+ E tswa kwa nageng, mme e tla kgadisa sediba sa gagwe le go kgadisa motswedi wa gagwe.+ Ene yoo o tla thopa letlotlo la dilwana tsotlhe tse di eletsegang.+ 16  “Samarea o tla bonwa molato,+ gonne tota o tsuologela Modimo wa gagwe.+ Ba tla wa ka tšhaka.+ Bana ba bone ba tla phatlakanngwa,+ mme basadi ba bone ba baimana ba tla gagolakwa.”+

Dintlha Tse di Kwa Tlase