Hosea 1:1-11

1  Lefoko la ga Jehofa+ le le neng la tla kwa go Hosea+ morwa Beeri mo metlheng+ ya ga Usia,+ Jothame,+ Ahase+ le Hesekia,+ dikgosi tsa Juda, le mo metlheng ya ga Jeroboame+ morwa Joashe,+ kgosi ya Iseraele.  Lefoko la ga Jehofa le ne la simolola go bua ka Hosea, mme Jehofa a raya Hosea a re: “Tsamaya,+ o itseele mosadi wa kgokafalo le bana ba kgokafalo, ka gonne ka kgokafalo ruri lefatshe le tlogela go sala Jehofa morago.”+  Mme a tsamaya a ya go tsaya Gomere morwadia Dibelaime, ka jalo a ima mme fa nako e ntse e tsamaya a mo tsholela morwa.+  Mme Jehofa a mo raya a re: “Mo reye leina o re Jesereele,+ gonne mo lobakeng lo lo khutshwanyane ke tla dira gore ntlo ya ga Jehu+ e ikarabelele ditiro tsa tshololo ya madi tsa ga Jesereele, mme ke tla dira gore puso ya segosi ya ntlo ya Iseraele e khutle.+  Mme go tla diragala mo letsatsing leo gore ke robaganye bora+ jwa Iseraele kwa lebaleng le le kwa tlase la Jesereele.”  Mme a ima gape, a tshola morwadi. Mme A raya Hosea a re: “Mo reye leina o re Lo-ruhama,+ gonne ga nkitla ke tlhola ke utlwela ntlo ya Iseraele botlhoko+ gape, ka gonne ruri ke tla ba tsamaisa.+  Mme ntlo ya Juda yone ke tla e utlwela botlhoko,+ mme ke tla ba boloka ka Jehofa Modimo wa bone;+ le fa go ntse jalo ga nkitla ke ba boloka ka bora kgotsa ka tšhaka kgotsa ka ntwa, ka dipitse kgotsa ka bapalami ba dipitse.”+  Mme ka bonya ka bonya a kgwisa Lo-ruhama, a nna moimana mme a tshola morwa.  Ka jalo A re: “Mo reye leina o re Lo-ami, ka gonne lona ga lo batho ba me mme le nna ke tla itshupa ke se wa lona. 10  “Mme palo ya bomorwa Iseraele e tla nna jaaka moshawa wa lewatle o o ka se kang wa lekanngwa kgotsa wa balwa.+ Mme go tla diragala gore mo lefelong le ba neng ba tle ba tewe go twe, ‘Ga lo batho ba me,’+ ba tla tewa go twe, ‘Bomorwa Modimo yo o tshelang.’+ 11  Mme bomorwa Juda le bomorwa Iseraele ba tla phuthiwa mmogo go nna seoposengwe+ mme ba tla itlhomela moeteledipele a le mongwe, ba bo ba tlhatloga ba tswa mo lefatsheng,+ ka gonne letsatsi la Jesereele le tla nna legolo.+

Dintlha Tse di Kwa Tlase