Hagai 2:1-23

2  Mo kgweding ya bosupa,+ mo letsatsing la bomasome a mabedi le bongwe la kgwedi, lefoko la ga Jehofa le ne la tla ka moporofeti Hagai,+ le re:  “Tsweetswee, raya Serubabele+ morwa Shealatiele,+ molaodi wa Juda,+ le Joshua+ morwa Jehosadake+ moperesiti yo mogolo, le batho ba ba setseng, o re,  ‘Ke mang yo o setseng mo gare ga lona yo o boneng ntlo eno mo kgalalelong ya yone ya pele?+ Mme lo e bona e ntse jang jaanong? Fa lo e bapisa le ele, a ga e jaaka e e seng ya sepe mo matlhong a lona?’+  “‘Mme jaanong o nonofe, Wena Serubabele,’ go bua Jehofa, ‘o bo o nonofe,+ Wena Joshua morwa Jehosadake moperesiti yo mogolo.’ “‘Lo nonofe, lona lotlhe batho ba lefatshe,’ go bua Jehofa, ‘mme lo dire.’+ “‘Gonne ke na le lona,’+ go bua Jehofa wa masomosomo.  ‘Gakologelwang selo se ke neng ka dira kgolagano le lona ka sone fa lo ne lo tswa mo Egepeto,+ le fa moya+ wa me o ne o eme mo gare ga lona. Lo se ka lwa boifa.’”+  “Gonne Jehofa wa masomosomo o buile jaana, ‘E tla re go ise go ye kae+—mo lobakeng lo lo khutshwanyane—ke reketlise magodimo le lefatshe le lewatle le lefatshe le le omeletseng.’+  “‘Mme ke tla reketlisa ditšhaba tsotlhe, mme dilo tse di eletsegang tsa ditšhaba tsotlhe di tla tsena;+ mme ke tla tlatsa ntlo eno ka kgalalelo,’+ go buile Jehofa wa masomosomo.  “‘Selefera ke ya me, le gouta ke ya me,’+ go bua Jehofa wa masomosomo.  “‘Kgalalelo ya ntlo eno ya morago e tla nna kgolo go feta ya pele,’+ go buile Jehofa wa masomosomo. “‘Ke tla tlisa kagiso+ mo lefelong leno,’ go bua Jehofa wa masomosomo.” 10  Mo letsatsing la bomasome a mabedi le bonè la kgwedi ya borobongwe, mo ngwageng wa bobedi wa ga Dario, lefoko la ga Jehofa le ne la tla kwa go moporofeti Hagai,+ le re: 11  “Jehofa wa masomosomo o buile jaana, ‘Tsweetswee, botsa baperesiti ka ga molao,+ o re: 12  “Fa motho a tshola nama e e boitshepo ka ntlhanyana ya seaparo sa gagwe, mme a bo a ama senkgwe kgotsa logodu kgotsa beine kgotsa leokwane kgotsa sejo sa mofuta ope fela ka ntlhanyana ya seaparo sa gagwe, a se tla nna boitshepo?”’”+ Mme baperesiti ba araba ba re: “Nnyaa!” 13  Mme Hagai a tswelela pele a re: “Fa mongwe yo o itshekolotsweng ke moya o o suleng a ama sepe sa dilo tseno, a se tla itshekologa?”+ Baperesiti ba araba gape ba re: “Se tla itshekologa.” 14  Ka jalo Hagai a araba a re: “‘Ke tsela e batho bano ba leng ka yone, e bile ke tsela e setšhaba seno se leng ka yone fa pele ga me,’+ go bua Jehofa, ‘e bile ke tsela e tiro yotlhe ya diatla tsa bone e leng ka yone, le sengwe le sengwe se ba se isang koo. Se itshekologile.’+ 15  “‘Mme jaanong, tsweetswee, tlhomang pelo ya lona+ mo go seno go tloga mo letsatsing leno go ya pele, pele ga fa go ne go bewa leje mo godimo ga leje mo tempeleng ya ga Jehofa,+ 16  go tloga ka nako ya fa dilo tseo di ne di diragala—mongwe o ne a tla mo mokoeng wa dilekanyo di le masome a mabedi, mme tsa itshupa di le lesome; mongwe o ne a tla mo tshekegeng ya segatisetso sa beine go tla go ga dilekanyo di le masome a matlhano tsa beine mo bogatisetsong, mme tsa itshupa di le masome a mabedi;+ 17  Ke ne ka lo itaya ka go tshubiwa ke phefo+ le ka mouta+ le ka sefako,+ le yone tiro yotlhe ya diatla tsa lona,+ mme go ne go se na ope mo go lona yo o retologelang mo go nna,’+ go bua Jehofa— 18  “‘Tsweetswee, tlhomang pelo ya lona+ mo go seno go tloga mo letsatsing leno go ya pele, go tloga mo letsatsing la bomasome a mabedi le bonè la kgwedi ya borobongwe, go tloga mo letsatsing le motheo wa tempele ya ga Jehofa o neng wa thewa ka lone;+ tlhomang pelo ya lona mo go seno: 19  A go setse go na le peo mo lehuting la mabele?+ Mme le jaanong, ga le a ungwa mofine le setlhare sa mofeige le setlhare sa garanata le setlhare sa motlhware, ga ke re? Go tloga mo letsatsing leno, ke tla segofatsa.’”+ 20  Mme lefoko la ga Jehofa la tla lekgetlo la bobedi kwa go Hagai+ mo letsatsing la bomasome a mabedi le bone la kgwedi,+ le re: 21  “Raya Serubabele molaodi wa Juda+ o re, ‘Ke reketlisa magodimo le lefatshe.+ 22  Mme ruri ke tla ribegetsa setulo sa bogosi sa magosi ke bo ke nyeletsa nonofo ya magosi a ditšhaba;+ gape ke tla ribegetsa kara le bapalami ba yone, le dipitse le bapalami ba tsone ruri ba tla wa,+ mongwe le mongwe ka tšhaka ya morwarraagwe.’”+ 23  “‘Mo letsatsing leo,’ go bua Jehofa wa masomosomo, ‘Ke tla go tsaya, Wena Serubabele+ morwa Shealatiele,+ motlhanka wa me,’ go bua Jehofa; ‘mme ruri ke tla go tlhoma jaaka palamonwana e e tshwayang,+ ka gonne o ene yo ke mo tlhophileng,’+ go bua Jehofa wa masomosomo.”+

Dintlha Tse di Kwa Tlase