Hagai 1:1-15

1  Mo ngwageng wa bobedi wa ga kgosi+ Dario, mo kgweding ya borataro, mo letsatsing la ntlha la kgwedi, lefoko la ga Jehofa le ne la tla ka moporofeti Hagai+ kwa go Serubabele+ morwa Shealatiele,+ molaodi wa Juda,+ le kwa go Joshua+ morwa Jehosadake+ moperesiti yo mogolo, le re:  “Jehofa wa masomosomo+ o buile jaana, ‘Fa e le batho bano, ba rile: “Nako ga e ise e tle, nako ya ntlo ya ga Jehofa, gore e agiwe.”’”+  Mme lefoko la ga Jehofa la tswelela go tla ka moporofeti Hagai, le re:  “A ke nako ya gore lona lo nne mo matlong a lona a a manegilweng dikgong,+ fa ntlo eno yone e kgakgabetse?+  Mme jaanong Jehofa wa masomosomo o buile jaana, ‘Tlhomang pelo ya lona mo ditseleng tsa lona.+  Lo jadile peo e ntsi thata, mme go tlisiwa go le gonnye.+ Go a jewa, mme ga go kgorwe.+ Go a nowa, mme e seng gore go bo go tlhapelwe. Go aparwa diaparo, mme ga go na ope yo o thuthafalang; mme yo o ineelang go thapiwa o ineela go thapelwa kgetsi e e nang le maroba.’”+  “Jehofa wa masomosomo o buile jaana, ‘Tlhomang pelo ya lona mo ditseleng tsa lona.’+  “‘Tlhatlogelang kwa thabeng, mme lo tlise dikota.+ Mme lo age ntlo,+ gore ke tle ke e ipelele+ le gore ke tle ke galalediwe,’+ go buile Jehofa.”  “‘Go ne go batliwa mo gontsi, mme ga bonwa go le gonnye fela;+ lo go tlisitse mo teng ga ntlo, mme ka go budulela+—ka ntlha yang?’+ go bua Jehofa wa masomosomo. ‘Ka ntlha ya ntlo ya me e e kgakgabetseng, fa lona, mongwe le mongwe wa lona, a itlhaganeletse kwa ntlong ya gagwe.+ 10  Ka jalo magodimo a a kwa godimo a ne a thiba monyo wa one go tla mo go lona, mme lefatshe lone la thiba kungo ya lone.+ 11  Mme ke ne ka nna ka bitsa komelelo gore e tle mo lefatsheng, le mo dithabeng, le mo mabeleng, le mo beineng e ntšha,+ le mo lookwaneng, le mo go se lefatshe le neng le tla se ntsha, le mo mothong wa mo lefatsheng, le mo seruiweng, le mo letsapeng lotlhe la diatla.’”+ 12  Mme Serubabele+ morwa Shealatiele, le Joshua morwa Jehosadake+ moperesiti yo mogolo, le batho botlhe ba ba setseng ba simolola go reetsa lentswe la ga Jehofa Modimo+ wa bone, le mafoko a ga moporofeti Hagai,+ jaaka fa Jehofa Modimo wa bone a ne a mo romile; mme batho ba simolola go boifa ka ntlha ya ga Jehofa.+ 13  Mme Hagai morongwa+ wa ga Jehofa a tswelela go raya batho jaana go ya ka thomo ya morongwa wa ga Jehofa,+ a re: “‘Ke na le lona,’+ go bua Jehofa.” 14  Mme Jehofa a kurusa moya+ wa ga Serubabele morwa Shealatiele, molaodi wa Juda, le moya wa ga Joshua+ morwa Jehosadake moperesiti yo mogolo, le moya wa batho botlhe ba ba setseng; mme ba simolola go tsena le go dira tiro mo ntlong ya ga Jehofa wa masomosomo Modimo wa bone.+ 15  E ne e le mo letsatsing la bomasome a mabedi le bonè la kgwedi ya borataro mo ngwageng wa bobedi wa ga kgosi Dario.+

Dintlha Tse di Kwa Tlase