Genesise 50:1-26

50  Foo Josefa a wela mo sefatlhegong sa ga rraagwe+ mme a thubega ka selelo a le mo go ene mme a mo atla.+  Morago ga moo Josefa a laola batlhanka ba gagwe, dingaka, gore di omise+ rraagwe. Ka jalo dingaka tsa omisa Iseraele,  mme tsa mo tsaya malatsi a le masome a manè a a tletseng, gonne di ne di tlwaetse go tsaya malatsi a le kalo di omisa motho, mme Baegepeto ba tswelela ba mo lelela malatsi a le masome a supa.+  La bofelo malatsi a go mo lelela a feta, mme Josefa a bua le ba ntlo ya ga Faro, a re: “Jaanong, fa ke bone kamogelo mo matlhong a lona,+ tsweetswee, buang Faro a ntse a utlwa, lo re,  ‘Rre o ne a inkanisa,+ a re: “Bona! Ke a swa.+ O tla mphitlha+ kwa lefelong la go fitlhela le ke le ikepetseng kwa lefatsheng la Kanana.”+ Jaanong tsweetswee, mmang ke ye go fitlha rre, mme morago ga moo ke iketleeleditse go boa.’”  Ka jalo Faro a re: “Tsamaya o ye go fitlha rrago fela jaaka a ne a go ikanisa.”+  Ka jalo Josefa a ya go fitlha rraagwe, mme batlhanka botlhe ba ga Faro ba tsamaya le ene, banna ba bagolwane+ ba ntlo ya gagwe le banna botlhe ba bagolwane ba lefatshe la Egepeto,  le botlhe ba ntlo ya ga Josefa le bomorwarraagwe le ba ntlo ya ga rraagwe.+ Ke bana ba ba botlana fela ba bone le matsomane a bone le metlhape ya bone ba neng ba a tlogela mo lefatsheng la Goshene.  Gape dikara+ le bapalami ba dipitse ba ne ba tsamaya le ene, mme setlhopha sa batho sa nna segolo thata. 10  Foo ba goroga mo seboaneng+ sa Atade, se se mo kgaolong ya Joredane,+ mme ba lela selelo se segolo thata sa khutsafalo a bo a tsweletsa dingwao tsa go hutsafalela rraagwe malatsi a le supa.+ 11  Mme banni ba lefatshe, e bong Bakanana, ba bona dingwao tsa go hutsafala mo seboaneng sa Atade, mme ba buela kwa godimo ba re: “Eno ke khutsafalo e kgolo ya Baegepeto!” Ke gone ka moo leina la sone le neng la bidiwa Abele-miseraime, se se mo kgaolong ya Joredane.+ 12  Mme bomorwawe ba mo direla fela jaaka a ne a ba laetse.+ 13  Ka jalo bomorwawe ba mo isa mo lefatsheng la Kanana mme ba mo fitlha mo logageng lwa tshimo ya Makapela, tshimo e Aborahame a neng a e rekile mo go Eferone wa Mohite fa pele ga Mamere+ gore e nne lefelo la go fitlhela le a le ruileng. 14  Morago ga moo Josefa a boela kwa Egepeto, ene le bomorwarraagwe le botlhe ba ba neng ba tsamaile le ene go ya go fitlha rraagwe, fa a sena go fitlha rraagwe. 15  E rile bomorwarraagwe Josefa ba bona gore rraabone o ne a sule, ba simolola go re: “Josefa a ka tswa a re tlhoile+ mme ruri o tla re duela ka ntlha ya bosula jotlhe jo re bo mo diretseng.”+ 16  Ka jalo ba dira kopo mo go Josefa ka mafoko ano: “Rrago o ne a ntsha taolo pele ga loso lwa gagwe, a re, 17  ‘Lo tla raya Josefa lo re: “Ke a go rapela, tsweetswee, itshwarele+ botlhanogi jwa bomorwarrago le boleo jwa bone ka gonne ba go diretse bosula.”’+ Mme jaanong, tsweetswee, itshwarele botlhanogi jwa batlhanka ba Modimo wa ga rrago.”+ Mme Josefa a thubega ka selelo fa ba bua le ene. 18  Morago ga moo bomorwarraagwe le bone ba tla ba wela fa pele ga gagwe mme ba re: “Bona, re ntse jaaka batlhanka mo go wena!”+ 19  Foo Josefa a ba raya a re: “Lo se ka lwa boifa, gonne a ke mo boemong jwa Modimo?+ 20  Fa e le lona, lo ne lo nkgopoletse bosula. Modimo o ne a gopotse go dira jalo ka ntlha ya molemo ka boikaelelo jwa go dira jaaka mo letsatsing leno gore ke boloke batho ba le bantsi ba tshela.+ 21  Ka jalo lo se ka lwa boifa. Nna ka bonna ke tla nna ke lo tlamela lona le bana ba lona ba ba botlana ka dijo.”+ Ka jalo a ba gomotsa a ba a bua le bone ka go ba tlhomamisetsa. 22  Mme Josefa a tswelela go nna mo Egepeto, ene le ba ntlo ya ga rraagwe; mme Josefa a tshela dingwaga di le lekgolo le lesome. 23  Mme Josefa a bona bomorwa Eferaime ba kokomana ya boraro,+ le bomorwa Makire,+ morwa Manase. Ba ne ba tsholelwa mo mangoleng a ga Josefa.+ 24  Kgabagare Josefa a raya bomorwarraagwe a re: “Ke a swa; mme ruri Modimo o tla lebisa tlhokomelo ya gagwe kwa go lona,+ mme ruri o tla lo ntsha mo lefatsheng leno a lo isa kwa lefatsheng le a neng a le ikanela Aborahame, Isake le Jakobe.”+ 25  Ka gone Josefa a ikanisa bomorwa Iseraele, a re: “Ruri Modimo o tla lebisa tlhokomelo ya gagwe kwa go lona. Ka gone lo ntshe marapo a me mono.”+ 26  Morago ga moo Josefa a swa a le dingwaga di le lekgolo le lesome; mme ba mo omisa,+ a bo a tsenngwa mo lekesing kwa Egepeto.

Dintlha Tse di Kwa Tlase