Genesise 25:1-34

25  Go feta moo, Aborahame a tsaya mosadi gape, mme leina la gagwe e ne e le Ketura.+  Fa nako e ntse e tsamaya a mo tsholela Simerane le Jokeshane le Medane le Midiana+ le Ishebake le Shuahe.+  Mme Jokeshane a nna rraagwe Sheba+ le Dedane.+ Mme bomorwa Dedane ya nna Ashurime le Letushime le Leumime.  Bomorwa Midiana e ne e le Ifa+ le Efere le Hanoke le Abida le Eledaa.+ Botlhe bano e ne e le bomorwa Ketura.  Moragonyana Aborahame a naya Isake sengwe le sengwe se a neng a na le sone,+  mme bomorwa bagadingwana ba Aborahame a neng a na le bone Aborahame a ba naya dimpho.+ Mme a ba tsamaisa a ba ntsha mo go Isake morwawe,+ fa a ne a sa ntse a tshela, gore ba ye ntlheng ya botlhaba, kwa lefatsheng la Botlhaba.+  Mme ano ke malatsi a dingwaga tsa botshelo jwa ga Aborahame tse a di tshetseng, dingwaga di le lekgolo masome a supa le botlhano.  Mme Aborahame a fela mme a swa a tsofetse thata, a godile e bile a kgotsofetse, mme a phuthelwa kwa bathong ba gagabo.+  Ka jalo Isake le Ishemaele bomorwawe ba mo fitlha mo logageng lwa Makapela mo tshimong ya ga Eferone morwa Sohare wa Mohite lo lo fa pele ga Mamere,+ 10  tshimo e Aborahame a neng a e rekile mo go bomorwa Hethe. Aborahame a fitlhelwa gone, le Sara mosadi wa gagwe.+ 11  Mme ga diragala gore morago ga loso lwa ga Aborahame Modimo a tswelela go segofatsa Isake morwawe,+ mme Isake o ne a nna gaufi le Beere-lahai-roi.+ 12  Mme eno ke polelo ya botshelo jwa ga Ishemaele+ morwa Aborahame yo Hagare wa Moegepeto lelata la ga Sara a neng a mo tsholela Aborahame.+ 13  Jaanong ano ke maina a bomorwa Ishemaele, ka maina a bone, kafa ditsong tsa malapa a bone: leitibolo la ga Ishemaele Nebaiothe+ le Kedare+ le Adebeele le Mibesame+ 14  le Mishema le Duma le Masa, 15  Hadade+ le Tema,+ Jeture, Nafishe le Kedema.+ 16  Bano ke bomorwa Ishemaele, mme ano ke maina a bone ka malwapa a bone le ka mathibelelo a bone a a dikanyeditsweng ka dipota:+ dikgosana di le lesome le bobedi kafa ditsong tsa bone.+ 17  Mme tseno ke dingwaga tsa botshelo jwa ga Ishemaele, dingwaga di le lekgolo le masome a mararo le bosupa. Mme a fela a ba a swa mme a phuthelwa kwa bathong ba gagabo.+ 18  Mme ba simolola go nna mo metlaaganeng go tswa Hafila+ gaufi le Shure,+ o o fa pele ga Egepeto, go ya go fitlha kwa Asiria. A nna fa pele ga bomorwarraagwe botlhe.+ 19  Mme eno ke polelo ya botshelo jwa ga Isake morwa Aborahame.+ Aborahame o ne a nna rraagwe Isake. 20  Mme Isake o ne a le dingwaga di le masome a manè fa a ne a tsaya Rebeka morwadia Bethuele+ wa Mosiria+ wa kwa Padana-arama, kgaitsadia Labane wa Mosiria, go nna mosadi wa gagwe. 21  Mme Isake a nna a rapela Jehofa segolobogolo a rapelela mosadi wa gagwe,+ ka gonne o ne a le moopa;+ ka jalo Jehofa a dumela go rapelesega,+ mme Rebeka mosadi wa gagwe a ima. 22  Mme bana ba basimane ba ba mo teng ga gagwe ba simolola go lwa,+ mo a neng a re: “Fa e le gore e ke tsela e go leng ka yone, tota ke ka ntlha yang fa ke tshela?” Foo a ya go botsa mo go Jehofa.+ 23  Mme Jehofa a mo raya a re: “Ditšhaba di le pedi di mo sebopelong sa gago,+ e bile ditlhopha di le pedi tsa ditšhaba di tla kgaoganngwa mo teng ga gago;+ mme setlhopha se sengwe sa setšhaba se tla nonofa go gaisa setlhopha se sengwe sa setšhaba,+ mme yo mogolwane o tla direla yo mmotlana.”+ 24  Kgabagare malatsi a gagwe a gore a belege a wela, mme, bona! ga bo go le mawelana mo sebopelong sa gagwe.+ 25  Mme wa ntlha a tswa a le mohibidu gotlhe fela jaaka seaparo se se tlhaolang sa boboa;+ mme ba mo raya leina ba re Esau.+ 26  Morago ga moo morwarraagwe a tswa seatla sa gagwe se tshwere serethe sa ga Esau;+ ka jalo a mo raya leina a re Jakobe.+ Mme Isake o ne a le dingwaga di le masome a marataro fa Rebeka a ne a ba belega. 27  Basimane ba ne ba gola, mme Esau a nna monna yo o itseng go tsoma,+ monna wa naga, mme Jakobe monna yo o se nang molato,+ a nna mo megopeng.+ 28  Isake o ne a rata Esau, ka gonne seo se ne se bolela nama ya phologolo mo molomong wa gagwe, fa Rebeka ene a ne a rata Jakobe.+ 29  Nako nngwe Jakobe o ne a apaya logodu, fa Esau a ne a tla a tswa kwa nageng mme a lapile. 30  Ka jalo Esau a raya Jakobe a re: “Tsweetswee, nneye bohibidu jo bonnye ka bonako—bohibidu joo, gonne ke lapile!” Ke gone ka moo leina la gagwe le neng la bidiwa Edoma.+ 31  Foo Jakobe a re: “Pele, nthekisetsa tshwanelo ya gago ya go nna leitibolo!”+ 32  Mme Esau a tswelela a re: “Tota ke tlile go swa, mme tshwanelo ya botsalwapele e na le mosola ofe mo go nna?” 33  Jakobe a oketsa a re: “Inkanele pele!”+ Mme a mo ikanela mme a rekisetsa Jakobe tshwanelo ya gagwe ya go nna leitibolo.+ 34  Jakobe a naya Esau senkgwe le logodu lwa dikgobe, mme a ja a bo a nwa.+ Morago ga moo a nanoga a tsamaya. Ka jalo Esau a nyatsa tshwanelo ya go nna leitibolo.+

Dintlha Tse di Kwa Tlase