Genesise 16:1-16

16  Jaanong Sarai, mosadi wa ga Aberame, o ne a sa mo tsholela bana bape;+ mme o ne a na le lelata la Moegepeto leina la gagwe e le Hagare.+  Ka gone Sarai a raya Aberame a re: “Jaanong tsweetswee! Jehofa o ntswetse gore ke se ka ka tshola bana.+ Tsweetswee, robala le lelata la me. Gongwe nka bona bana ka ene.”+ Ka jalo Aberame a reetsa lentswe la ga Sarai.+  Foo Sarai, mosadi wa ga Aberame, a tsaya Hagare, lelata la gagwe la Moegepeto, kwa bokhutlong jwa dingwaga di le lesome Aberame a nna mo lefatsheng la Kanana, mme a mo naya Aberame monna wa gagwe go nna mosadi wa gagwe.+  Ka jalo a robala le Hagare, mme a ima. E rile a lemoga gore o imile, mohumagadi wa gagwe a simolola go nyatsega mo matlhong a gagwe.+  Foo Sarai a raya Aberame a re: “A tshiamololo e ke e direlwang e nne mo go wena. Nna ka bonna ke ne ka go naya lelata la me mo sehubeng sa gago, mme la lemoga gore le imile, mme ka simolola go nyatsega mo matlhong a lone. E kete Jehofa a ka atlhola fa gare ga me le wena.”+  Ka jalo Aberame a raya Sarai+ a re: “Bona! Lelata la gago le mo taolong ya gago. Dira ka lone se se molemo mo matlhong a gago.”+ Foo Sarai a simolola go le tlhabisa ditlhong mo le neng la tshaba la tswa fa go ene.+  Moragonyana moengele wa ga Jehofa+ a le fitlhela fa motsweding wa metsi kwa nageng, fa motsweding o o mo tseleng e e yang Shure.+  Mme a re: “Hagare, lelata la ga Sarai, tota o tswa kae mme o ya kae?” A araba a re: “Aitsane, ke tshaba Sarai mohumagadi wa me.”  Mme moengele wa ga Jehofa a tswelela a mo raya a re: “Boela kwa mohumagading wa gago mme o ikokobeletse seatla sa gagwe.”+ 10  Morago ga moo moengele wa ga Jehofa a mo raya a re: “Ke tla ntsifatsa losika lwa gago thata,+ mo lo se kitlang lo balwa ka ntlha ya bontsintsi jwa lone.”+ 11  Mo godimo ga moo moengele wa ga Jehofa a oketsa a mo raya a re: “Bona, o moimana, mme o tla belega ngwana wa mosimane mme o mo reye leina o re Ishemaele;+ gonne Jehofa o utlwile pogisego ya gago.+ 12  Mme ene, o tla nna monna yo e leng pitse ya naga. Seatla sa gagwe se tla bo se le kgatlhanong le mongwe le mongwe,+ le seatla sa mongwe le mongwe se tla bo se le kgatlhanong le ene; mme o tla aga fa pele ga sefatlhego sa bomorwarraagwe botlhe.”+ 13  Foo a simolola go bitsa leina la ga Jehofa, yo o neng a bua le ene: “O Modimo wa pono,”+ gonne o ne a re: “A tota golo fano ke bone ene yo o mponang?” 14  Ke gone ka moo sediba seo se neng sa bidiwa Beere-lahai-roi.+ Bona, se fa gare ga Kadeshe le Berede. 15  Moragonyana Hagare a tsholela Aberame ngwana wa mosimane mme Aberame a raya ngwana wa gagwe wa mosimane yo Hagare a mo tshotseng leina a re Ishemaele.+ 16  Mme Aberame o ne a le dingwaga di le masome a le robedi le borataro fa Hagare a tsholela Aberame Ishemaele.

Dintlha Tse di Kwa Tlase