Genesise 12:1-20

12  Mme Jehofa a raya Aberame a re: “Tswa mo nageng ya gaeno le mo go ba losika lwa gago le mo ntlong ya ga rraago o ye kwa nageng e ke tla e go bontshang;+  mme ke tla dira setšhaba se segolo ka wena e bile ke tla go segofatsa mme ke tla dira gore leina la gago le nne legolo; ke bo ke go supa o le tshegofatso.+  Ke tla segofatsa ba ba go segofatsang, mme yo o go hutsang ke tla mo hutsa,+ mme malapa otlhe a lefatshe ruri a tla itshegofatsa ka wena.”+  Foo Aberame a tsamaya fela jaaka Jehofa a buile le ene, mme Lote a tsamaya le ene. Aberame o ne a le dingwaga di le masome a supa le botlhano fa a ne a tswa mo Harana.+  Ka jalo Aberame a tsaya Sarai mosadi wa gagwe+ le Lote morwa wa ga morwarraagwe+ le dithoto tsotlhe tse ba neng ba di kokoantse+ le meya e ba neng ba e bapetse mo Harana, mme ba tswa ba tsena mo tseleng ba ya kwa lefatsheng la Kanana.+ La bofelo ba goroga mo lefatsheng la Kanana.  Mme Aberame a ralala lefatshe leo go ya go fitlha kwa Shekema,+ gaufi le ditlhare tse dikgolo tsa More;+ mme ka nako eo Mokanana o ne a le mo lefatsheng leo.  Jaanong Jehofa a bonala kwa go Aberame a re: “Ke tlile go naya losika lwa gago+ lefatshe leno.”+ Morago ga moo a aga sebeso gone a se agela Jehofa, yo o neng a bonetse kwa go ene.  Moragonyana a fuduga koo a ya kwa kgaolong e e dithaba ntlheng ya botlhaba jwa Bethele+ mme a tlhoma mogope wa gagwe Bethele e le kafa bophirima mme Ai+ e le kafa botlhaba. Morago ga moo a agela Jehofa+ sebeso gone mme a simolola go bitsa leina la ga Jehofa.+  Morago ga moo Aberame a tlhatlhamolola bothibelelo, a tsamaya jaanong go tswa bothibelelong go ya bothibelelong jo bongwe go ela kwa Negebe.+ 10  Jaanong ga tsoga leuba mo lefatsheng mme Aberame a fologela kwa Egepeto go ya go aga gone e le moeng,+ ka gonne leuba le ne le le botlhoko thata mo lefatsheng.+ 11  Mme go ne ga diragala gore fela fa a le gaufi le go tsena mo Egepeto, foo a raya Sarai mosadi wa gagwe a re: “Jaanong, tsweetswee! ke itse sentle gore o mosadi yo montle.+ 12  Ka jalo go tlile go diragala gore Baegepeto ba go bone mme ba tla re, ‘Yono ke mosadi wa gagwe.’ Mme ruri ba tla mpolaya, mme wena ba tla go boloka o ntse o tshela. 13  Tsweetswee o re o kgaitsadiake,+ gore dilo di tle di ntsamaele sentle ka ntlha ya gago, mme ruri moya wa me o tla tshela ka ntlha ya gago.”+ 14  Ka jalo go ne ga diragala gore, fela fa Aberame a tsena mo Egepeto, Baegepeto ba bona mosadi, gore o ne a le montle thata. 15  Dikgosana tsa ga Faro le tsone tsa mmona mme tsa simolola go mmaka mo go Faro, mo e leng gore mosadi yono o ne a isiwa kwa ntlong ya ga Faro. 16  Mme o ne a tshwara Aberame sentle ka ntlha ya gagwe, mme a nna le dinku le dikgomo le diesele le batlhanka le malata le diesele tse di namagadi le dikamela.+ 17  Morago ga moo Jehofa a ama Faro le ba ntlo ya gagwe ka dipetso tse dikgolo+ ka ntlha ya ga Sarai, mosadi wa ga Aberame.+ 18  Foo Faro a bitsa Aberame mme a re: “Ke eng seno se o se ntirileng? Ke ka ntlha yang fa o sa ka wa mpolelela gore ke mosadi wa gago?+ 19  Ke ka ntlha yang fa o ne o re, ‘Ke kgaitsadiake,’+ mo ke neng ka batla ke mo tsaya go nna mosadi wa me? Mme jaanong mosadi wa gago ke yoo. Mo tseye o tsamaye!” 20  Mme Faro a naya banna ditaelo kaga gagwe, mme ba mmuledisa le mosadi wa gagwe le tsotlhe tse a neng a na le tsone.+

Dintlha Tse di Kwa Tlase