Esethere 5:1-14

5  Mme go ne ga diragala gore mo letsatsing la boraro+ Esethere a apare ka tsela ya segosi,+ mme morago ga moo a ya go ema mo lolwapeng lo lo kwa teng+ lwa ntlo ya kgosi go lebagana le ntlo ya kgosi, fa kgosi e ne e ntse mo setulong sa yone sa bogosi mo ntlong ya segosi go lebagana le botseno jwa ntlo.  Mme ga diragala gore fela fa kgosi e bona kgosigadi Esethere a eme mo lolwapeng, a bona kamogelo+ mo matlhong a yone, mo kgosi e neng ya otlololela lore lwa segosi+ lwa gouta kwa go Esethere lo lo neng lo le mo seatleng sa yone. Jaanong Esethere a atamela mme a ama lore lwa segosi fa godimo.  Foo kgosi ya mo raya ya re: “O na le eng, wena kgosigadi Esethere, le gone ke eng se o se kopang?+ Le fa e ka nna sephatlo sa bogosi+—o tla e newa!”  Foo Esethere a re: “Fa go bonala go le molemo mo kgosing, a kgosi e tle gompieno le Hamane+ kwa moketeng+ o ke o e diretseng.”  Ka jalo kgosi ya re: “Lona banna, dirang gore Hamane a tseye kgato ka bonako+ go ya ka lefoko la ga Esethere.” Moragonyana kgosi le Hamane ba ne ba tla moketeng o Esethere a neng a o dirile.  Fa nako e ntse e tsamaya kgosi e ne ya raya Esethere mo moketeng wa beine ya re: “Topo ya gago ke efe?+ O tla e newa! Le gone ke eng se o se kopang? Le fa e ka nna sephatlo sa bogosi—e tla diragadiwa!”  Foo Esethere a araba a re: “Topo ya me le kopo ya me ke gore,  Fa ke bone kamogelo mo matlhong a kgosi+ le gone fa go bonala go le molemo mo kgosing go nnaya topo ya me le go dira go ya kafa kopong ya me, a kgosi le Hamane ba tle kwa moketeng o ke tla ba o direlang ka moso, mme ka moso ke tla dira kafa lefokong la kgosi.”+  Ka gone Hamane a tswa mo letsatsing leo a ipela+ e bile a itumetse mo pelong; mme fela fa Hamane a bona Moredekai fa kgorong ya kgosi+ le gore o ne a se ka a ema+ e bile a sa rorome ka ntlha ya gagwe,+ Hamane a akofa a galefela+ Moredekai thata. 10  Le fa go ntse jalo, Hamane o ne a itshwara mme a tsena mo ntlong ya gagwe. Go tswa foo a roma gore go tlisiwe ditsala tsa gagwe le Sereshe+ mosadi wa gagwe; 11  mme Hamane a ba bolelela ka kgalalelo ya dikhumo tsa gagwe+ le palo e kgolo ya bomorwawe+ le sengwe le sengwe se kgosi e neng e mo godisitse ka sone le kafa e neng e mo goleditse kwa godimo ga dikgosana le batlhanka ba kgosi+ ka gone. 12  Mme Hamane a tswelela a re: “Mo godimo ga moo, kgosigadi Esethere ga a ka a tlisa ope fela fa e se nna+ le kgosi kwa moketeng o a neng a o dirile, mme ka moso+ le gone ke laleditswe kwa go ene nna le kgosi. 13  Mme seno sotlhe—ga go sepe sa sone se se ntshwanelang fa fela ke sa ntse ke bona Moredekai wa Mojuda a ntse mo kgorong ya kgosi.” 14  Foo Sereshe mosadi wa gagwe le ditsala tsa gagwe tsotlhe ba mo raya ba re: “A ba dire kota+ e e bogodimo jwa dikubita di le masome a matlhano. Mme mo mosong+ o reye kgosi o re ba kaletse Moredekai mo go yone.+ Morago ga foo o tsene le kgosi kwa modirong ka boipelo.” Ka jalo selo seno sa bonala se le molemo+ mo go Hamane, mme a laela gore kota e dirwe.+

Dintlha Tse di Kwa Tlase