Esera 1:1-11

1  Mme mo ngwageng wa ntlha wa ga Kurose+ kgosi ya Peresia, gore lefoko la ga Jehofa le le tswang mo molomong wa ga Jeremia+ le tle le diragadiwe, Jehofa o ne a tsosa+ moya wa ga Kurose kgosi ya Peresia mo a neng a dira gore mokgosi+ o utlwadiwe mo bogosing jotlhe jwa gagwe, le ka go kwala,+ a re:  “Kurose kgosi ya Peresia o buile jaana,+ ‘Jehofa Modimo wa magodimo+ o nneile magosi otlhe a lefatshe,+ e bile ene ka boene o nthomile gore ke mo agele ntlo kwa Jerusalema,+ o o kwa Juda.  Le fa e le mang mo go lona wa batho botlhe ba gagwe, e kete Modimo wa gagwe o ka nna le ene.+ Ka gone a a tlhatlogele kwa Jerusalema, o o kwa Juda, mme a age sesha ntlo ya ga Jehofa Modimo wa Iseraele—ke Modimo wa boammaaruri+—e e neng e le kwa Jerusalema.+  Fa e le ope fela yo o setseng mo mafelong otlhe a a agileng mo go one e le moeng,+ a batho ba lefelo la gagwe ba mo thuse ka selefera le ka gouta le ka dithoto le ka diruiwa mmogo le ka moneelo o o ntshiwang ka go rata+ e le tsa ntlo ya Modimo wa boammaaruri, e e neng e le kwa Jerusalema.’”  Foo ditlhogo+ tsa borre ba Juda le ba Benjamine le baperesiti le Balefi ba ema, le eleng mongwe le mongwe yo Modimo wa boammaaruri o kurusitseng moya wa gagwe,+ gore ba tlhatloge ba ye go aga ntlo ya ga Jehofa sesha,+ e e neng e le kwa Jerusalema.  Mme botlhe ba ba neng ba le mo tikologong ya bone, ba ne ba nonotsha+ diatla tsa bone ka dilwana tsa selefera, ka gouta, ka dithoto le ka diruiwa le ka dilo tse di tlhophilweng ka kelotlhoko, kwantle ga tsotlhe tse di neng di neetswe ka go rata.+  Gape, Kgosi Kurose ka boene a tlisa dilwana tsa ntlo ya ga Jehofa,+ tse Nebukadenesare a neng a di ntshitse kwa Jerusalema+ a bo a di baya mo ntlong ya modimo wa gagwe.+  Mme Kurose kgosi ya Peresia a di tlisa ka taelo ya ga Mitheredathe mmolokamatlotlo a bo a di balela Sheshebasare+ kgosana ya Juda.+  Jaanong tseno ke dipalo tsa tsone: dijana tsa gouta di le masome a mararo tse di bopegileng jaaka seroto, dijana tsa selefera di le sekete tse di bopegileng jaaka seroto, dijana di le masome a mabedi le borobongwe tse di buseditsweng, 10  megopo e mennye+ ya gouta e le masome a mararo, megopo e mennye ya selefera ya maemo a bobedi e le makgolo a manè le lesome, dilwana tse dingwe di le sekete. 11  Dilwana tsotlhe tsa gouta le tsa selefera di ne di le dikete di le tlhano le makgolo a manè. Sheshebasare+ a tlisa sengwe le sengwe, mmogo le go ntsha batshwarwa+ mo Babelona a ba isa Jerusalema.

Dintlha Tse di Kwa Tlase