Esekiele 5:1-17

5  “Fa e le wena, morwa motho, itseele tšhaka e e bogale. O e itseele jaaka legare la mmeodi wa moriri, mme o dire gore e fete mo tlhogong ya gago le mo ditedung tsa gago,+ o itseele dilekanya bokete mme o kgaoganye moriri dikarolwana.  O fise karolo ya seraro mo molelong mo gare ga motse fela fa malatsi a go dikanyetsa a wela.+ Mme o tseye karolo e nngwe ya seraro. O e iteye ka tšhaka go mo dikologa+ gotlhe fela, mme karolo ya bofelo ya seraro o e gasamise mo phefong, mme ke tla somola tšhaka kwa morago ga bone.+  “Mme o tseye e le mmalwa ya yone o e phuthele ka dintlha tsa seaparo sa gago.+  Mme e mengwe o e tseye o e latlhele mo gare ga molelo o e fise mo molelong. Molelo o tla tswa mo mongweng o ya mo ntlong yotlhe ya Iseraele.+  “Morena Molaodimogolo Jehofa o buile jaana, ‘Yono ke Jerusalema. Ke mo tlhomile mo gare ga ditšhaba, a dikologilwe ke mafatshe.  Mme a itshwara ka go tsuologela ditshwetso tsa me tsa boatlhodi ka boikepo go feta ditšhaba,+ le melao ya me go feta mafatshe a a mo dikologileng, gonne ba ne ba gana ditshwetso tsa me tsa boatlhodi, mme fa e le melao ya me yone, ga ba a ka ba tsamaya mo go yone.’+  “Ka jalo Morena Molaodimogolo Jehofa o buile jaana, ‘Ka lebaka la gore lo ne lwa nna leferetlho go feta+ ditšhaba tse di lo dikologileng, lwa se ka lwa tsamaya mo melaong ya me le ditshwetso tsa me tsa boatlhodi lwa se ka lwa di dira;+ mme lo ne lwa dira kafa ditshwetsong tsa boatlhodi tsa ditšhaba tse di lo dikologileng, a ga go jalo?+  ka jalo Morena Molaodimogolo Jehofa o buile jaana: “Bona, nna, e leng nna,+ ke kgatlhanong le wena, wena motse, mme ke tla diragatsa ditshwetso tsa boatlhodi mo gare ga gago mo matlhong a ditšhaba.+  Mme mo go wena ke tla dira se ke iseng ke se dire le mo go tshwanang le mo ke se kitlang ke tlhola ke go dira gape ka ntlha ya dilo tsotlhe tsa gago tse di makgapha.+ 10  “‘“Ka jalo borre ba tla ja barwa mo gare ga gago,+ le barwa ba tla ja borraabone, mme ke tla diragatsa ditiro tsa katlholo mo go wena ke bo ke gasamisetse botlhe ba gago ba ba setseng kwa phefong nngwe le nngwe.”’+ 11  “‘Ka gone jaaka ke tshedile,’ go bua Morena Molaodimogolo Jehofa, ‘eleruri ka lebaka la gore lo ne lwa leswafatsa lefelo la me le le boitshepo ka dilo tsotlhe tsa lona tse di ferosang sebete+ le ka dilo tsotlhe tsa lona tse di makgapha,+ ke nna Yo ke tla lo ngotlang+ mme leitlho la me ga le kitla le go utlwela botlhoko+ mme le nna ga nkitla ke bontsha bopelotlhomogi.+ 12  Ba karolo ya gago ya seraro—ba tla bolawa ke bolwetse jwa leroborobo,+ mme ba tla khutla ka ntlha ya leuba mo gare ga gago.+ Mme ba karolo e nngwe ya seraro—ba tla wa ka tšhaka go go dikologa. Mme karolo ya bofelo ya seraro ke tla e gasamisetsa kwa phefong nngwe le nngwe,+ mme ke tla somola tšhaka kwa morago ga bone.+ 13  Mme bogale jwa me ruri bo tla fela+ mme ke tla reba bogale jwa me mo go bone+ ke bo ke ikgomotsa;+ mme ba tla itse gore nna, Jehofa, ke buile mo go ganeleleng ga me go batla boineelo jo bo feletseng,+ fa ke feleletsa tšararego ya me mo go bone. 14  “‘Mme ke tla go dira lefelo le le swafetseng le kgobo mo ditšhabeng tse di go dikologileng fa pele ga matlho a mongwe le mongwe yo o fetang ka tsela.+ 15  Mme o tla nna kgobo+ le selo sa go gobololwa ka mafoko,+ sekao sa tlhagiso+ le selo se se tshosang ditšhaba tse di go dikologileng, fa ke dira mo go wena ditiro tsa katlholo ka bogale le ka tšararego le ka dikgalemo tsa tšararego.+ Nna Jehofa, ke buile. 16  “‘Fa ke ba romelela metswi e e utlwisang botlhoko ya leuba,+ e e tla itshupang e le ya tshenyo, metswi e ke tla e lo romelelang gore e lo senye,+ ke tla lo okeletsa leuba mme ke tla robaganya dithobane tsa lona tse dinkgwe tse di bopegileng jaaka maseka di lepeleditsweng+ mo go tsone. 17  Mme ke tla lo romelela leuba le dibatana tsa naga tse di utlwisang botlhoko,+ mme di tla go amoga bana, mme bolwetse jwa leroborobo+ le madi+ di tla go ralala, mme ke tla go tlisetsa tšhaka.+ Nna Jehofa, ke buile.’”

Dintlha Tse di Kwa Tlase