Esekiele 34:1-31

34  Mme lefoko la ga Jehofa la tswelela go tla mo go nna, le re:  “Morwa motho, porofeta kgatlhanong le badisa ba Iseraele. Porofeta, mme o ba reye, bone badisa, o re, ‘Morena Molaodimogolo Jehofa o buile jaana: “A bo go latlhega badisa ba Iseraele,+ ba ba iphepang!+ A letsomane ga se lone le badisa ba tshwanetseng go le fepa?+  Lo ja mafura,+ mme lo ikapesa ka boboa. Lo tlhaba+ phologolo e e nonneng.+ Ga lo fepe letsomane.  Ga lo a nonotsha tse di tlhokofetseng,+ le e e bobolang ga lo a e fodisa, le e e robegileng ga lo a e hapa, e e faletseng ga lo a e busa, mme e e latlhegileng ga lo a e batla,+ mme lo di laola ka makgwakgwa le ka go patika.+  Mme di ne tsa gasamisiwa ka iketlo ka gonne go ne go se na modisa,+ mo e leng gore di ne tsa nna dijo tsa sebatana sengwe le sengwe sa naga, mme tsa tswelela pele go gasama.+  Dinku tsa me di ne tsa nna tsa timela mo dithabeng tsotlhe le mo thoteng nngwe le nngwe e e kwa godimo;+ mme dinku tsa me+ di ne tsa gasama mo lefatsheng lotlhe, go se na ope yo o di batlang e bile go se na ope yo o di senkang gore a di bone.  “‘“Ka jalo, lona badisa, utlwang lefoko la ga Jehofa,  ‘“Jaaka ke tshedile,” go bua Morena Molaodimogolo Jehofa, “eleruri ka lebaka la go bo dinku tsa me e ne ya nna dilo tsa go gapiwa e bile dinku tsa me di ne tsa tswelela go nna dijo tsa sebatana sengwe le sengwe sa naga, ka gonne go ne go se na modisa, mme badisa ba me ba ne ba se ka ba batla dinku tsa me, mme badisa ba ne ba nna ba iphepa,+ mme ba se ka ba fepa dinku tsa me,”’  ka jalo, lona badisa, utlwang lefoko la ga Jehofa. 10  Morena Molaodimogolo Jehofa o buile jaana, ‘Bona, ke lwa le badisa,+ mme ruri ke tla lopa dinku tsa me mo seatleng sa bone mme ke dire gore ba kgaotse go tlhola ba fepa dinku tsa me,+ mme badisa ga ba kitla ba tlhola ba iphepa;+ mme ke tla golola dinku tsa me mo molomong wa bone, mme ga di kitla di nna dijo tsa bone.’”+ 11  “‘Gonne Morena Molaodimogolo Jehofa o buile jaana: “Bona, nna ka bonna, ke tla batla dinku tsa me ke bo ke di tlhokomela.+ 12  Kafa tlhokomelong ya yo o fepang motlhape+ wa gagwe mo letsatsing la go nna mo gare ga dinku tsa gagwe tse di anamiseditsweng kgakala,+ ke gone ka fa ke tla tlhokomelang dinku tsa me ka gone; mme ke tla di golola mo mafelong otlhe a di gasamiseditsweng kwa go one mo letsatsing la maru le letobo le lentshontsho.+ 13  Mme ke tla di ntsha+ mo ditšhabeng ke bo ke di phutha mmogo kwa mafatsheng ke di tlisa mo lefatsheng la tsone+ ke bo ke di fepa mo dithabeng tsa Iseraele, fa melatswaneng le fa mafelong otlhe a bonno a lefatshe.+ 14  Ke tla di fepa mo mafulong a a siameng, mme lefelo la tsone la bonno le tla nna mo dithabeng tsa Iseraele tse di kwa godimo.+ Di tla lala koo mo lefelong le le siameng la bonno,+ mme di tla fula mo mafulong a a nonneng mo dithabeng tsa Iseraele.” 15  “‘“Nna ka bonna ke tla fepa dinku tsa me,+ e bile nna ka bonna ke tla di bothisa,”+ go bua Morena Molaodimogolo Jehofa. 16  “Ke tla batla e e latlhegileng,+ le e e faletseng ke tla e busa, e bile ke tla hapa e e robegileng le e e bobolang ke tla e nonotsha, mme e e nonneng+ le e e nonofileng ke tla di nyeletsa. Eo ke tla e fepa ka katlholo.”+ 17  “‘Mme fa e le lona dinku tsa me, Morena Molaodimogolo Jehofa o buile jaana: “Bona, ke atlhola fa gare ga nku le nku, fa gare ga diphelefu le diphoko.+ 18  A ke selo se sennye fela mo go lona gore lo fule+ mo mafulong a a gaisang otlhe mme mafulo a a salang lo a gatake ka dinao, le gore lo nwe metsi a a phepa mme a a setseng lo a leswafatse ka go a gataka ka dinao? 19  Mme fa e le dinku tsa me, a di tla ja mo mafulong a a gatakilweng ke dinao tsa lona mme di nwe metsi a a leswafaditsweng ke go gataka ga dinao tsa lona?” 20  “‘Ka jalo Morena Molaodimogolo Jehofa o ba reile a re: “Bona, nna ka bonna, ruri ke tla atlhola fa gare ga nku e e nonneng le nku e e bopameng, 21  ka lebaka la gore lo ne lwa nna lwa kgorometsa ka lotlhakore le ka legetla mme lwa nna lwa kgokgoetsa tsotlhe tse di tlhokofetseng ka dinaka tsa lona go fitlha lo di gasamiseditse kwa ntle.+ 22  Mme ke tla boloka dinku tsa me, mme ga di kitla di tlhola di nna sengwe sa go gapiwa;+ mme ke tla atlhola fa gare ga nku le nku. 23  Mme ke tla tlhoma modisa a le mongwe+ fela gore a di okamele, mme o tla di fepa, e leng motlhanka wa me Dafide.+ Ene o tla di fepa, mme o tla nna modisa wa tsone.+ 24  Mme nna, Jehofa, ke tla nna Modimo wa bone,+ mme motlhanka wa me Dafide o tla nna kgosana mo gare ga bone.+ Nna Jehofa, ke buile. 25  “‘“Mme ke tla dira kgolagano ya kagiso+ le bone, mme ruri ke tla khutlisa sebatana sa naga se se utlwisang botlhoko mo lefatsheng,+ mme ba tla nna mo nageng ka polokesego ba bo ba robala mo dikgweng.+ 26  Mme ke tla dira gore bone le tikologo ya thota ya me ba segofale,+ mme ke tla dira gore pula e e tshologang e ne ka nako ya yone. Go tla nna le dipula tse di tshologang tsa tshegofatso.+ 27  Mme setlhare sa tshimo se tla ungwa maungo+ a sone, le lefatshe le tla ntsha kungo+ ya lone, e bile ba tla nna mo lefatsheng la bone ka polokesego.+ Mme ba tla itse gore ke nna Jehofa fa ke roba mephakalego ya jokwe+ ya bone mme ke ba golotse mo seatleng sa ba ba neng ba ba dirisa jaaka batlhanka.+ 28  Mme ga ba kitla ba tlhola ba nna sengwe sa go gapiwa ke ditšhaba;+ mme fa e le sebatana sa lefatshe sone, ga se kitla se ba kometsa, mme ba tla nna ka polokesego, go se na ope yo o ba tshosang.+ 29  “‘“Ke tla ba direla temo e e itsegeng,+ mme ga ba kitla ba tlhola e nna ba ba tsewang ke leuba mo lefatsheng,+ e bile ga ba kitla ba tlhola ba tlhabisiwa ditlhong ke ditšhaba.+ 30  ‘Mme ba tla itse gore nna, Jehofa Modimo wa bone, ke na le bone+ le gore ke batho ba me, ba ntlo ya Iseraele,’ go bua Morena Molaodimogolo Jehofa.”’+ 31  “‘Mme fa e le lona dinku tsa me,+ dinku tsa mafulo a me, lo batho ba mo lefatsheng. Ke nna Modimo wa lona,’ go bua Morena Molaodimogolo Jehofa.”

Dintlha Tse di Kwa Tlase