Esekiele 30:1-26

30  Mme lefoko la ga Jehofa la tswelela go tla mo go nna, le re:  “Morwa motho, porofeta, mme o re,+ ‘Morena Molaodimogolo Jehofa o buile jaana: “Bokolelang, lona batho, ‘Ijoo, letsatsi leo!’+  gonne letsatsi le gaufi, ee, letsatsi la ga Jehofa le gaufi.+ Letsatsi la maru,+ le tla nna nako e e tlhomilweng ya ditšhaba.+  Ruri tšhaka e tla tla mo Egepeto,+ mme go tla nna le ditlhabi tse di botlhoko thata kwa Ethiopia fa motho a wa a bolailwe kwa Egepeto mme ba tsaya khumo ya yone le metheo ya yone e rutlololwa.+  Ethiopia+ le Pute+ le Lude le batho botlhe ba ba kopakopaneng+ le Kuba le bomorwa lefatshe la kgolagano—ba tla wa le bone ka tšhaka.”’+  “Jehofa o buile jaana, ‘Batshegetsi ba Egepeto le bone ba tla wa, le boipelafatso jwa nonofo ya gagwe bo tla wa.’+ “‘Ba tla wela mo go yone ka tšhaka go tswa Migedole+ go ya Siene,’+ go bua Morena Molaodimogolo Jehofa.  ‘Ba tla kgakgabadiwa mo gare ga mafatshe a a kgakgabetseng, mme metse ya yone e tla nna mo garegare ga metse e e swafetseng.+  Mme ba tla itse gore ke nna Jehofa fa ke tlhosetsa molelo kwa Egepeto mme bathusi botlhe ba yone ba robaganngwa.+  Mo letsatsing leo barongwa ba tla tswa fa pele ga me ka dikepe, gore ba roromise Ethiopia+ e e itshepileng. Mme ba tla nna le ditlhabi tse di botlhoko thata mo letsatsing la Egepeto, gonne, bona! le tla tla.’+ 10  “Morena Molaodimogolo Jehofa o buile jaana, ‘Gape ke tla kgaotsa boidiidi jwa Egepeto ka seatla sa ga Nebukaderesare kgosi ya Babelona.+ 11  Ene le batho ba gagwe, bapatiki ba ditšhaba,+ ba tlisiwa gore ba ropefatse lefatshe. Mme ba tla somolela Egepeto ditšhaka tsa bone ba bo ba tlatsa lefatshe ka batho ba ba bolailweng.+ 12  Mme ke tla dira mesele ya Nile+ gore e nne lefatshe le le omileng ke bo ke rekisetsa lefatshe mo seatleng sa banna ba ba bosula,+ mme ke tla dira gore lefatshe le botlalo jwa lone le kgakgabadiwe ka seatla sa batswakwa.+ Nna, Jehofa, ke buile.’+ 13  “Morena Molaodimogolo Jehofa o buile jaana, ‘Gape ke tla senya medingwana e e makgapha+ mme ke dire gore medimo e e se nang mosola e khutle mo Nofe,+ mme ga go kitla go tlhola go nna le kgosana mo lefatsheng la Egepeto; mme ruri ke tla tsenya poifo mo lefatsheng la Egepeto.+ 14  Ke tla kgakgabatsa Patherose+ ke bo ke tlhosetse molelo mo Soane+ mme ke diragatse ditiro tsa katlholo kwa No.+ 15  Mme ke tla tshololela tšararego+ ya me mo Sine, kago ya phemelo ya Egepeto, ke bo ke fedisa boidiidi jwa No.+ 16  Mme ke tla tlhosetsa molelo mo Egepeto. Ruri Sine o tla nna mo ditlhabing tse di botlhoko thata, mme No o tla thopiwa ka go thubaganngwa; mme fa e le Nofe ene—go tla nna le baba go le motshegare! 17  Fa e le makau a kwa One+ le Pibesethe, a tla wa ka tšhaka, mme metse e tla ya botshwarwa. 18  Mme motshegare o tla fifala kwa Tehaphanehese,+ fa ke roba dijokwe tsa Egepeto+ koo. Mme boipelafatso jwa nonofo ya gagwe bo tla kgaodiwa+ mo go ene. Fa e le ene, o tla bipiwa ke maru,+ mme metse e e kafa tlase ga gagwe e tla ya botshwarwa.+ 19  Mme ke tla diragatsa ditiro tsa katlholo kwa Egepeto;+ mme ba tla itse gore ke nna Jehofa.’” 20  Mme ga diragala gape gore mo ngwageng wa bolesome le bongwe, mo kgweding ya ntlha, mo letsatsing la bosupa la kgwedi, lefoko la ga Jehofa la tla mo go nna, le re: 21  “Morwa motho, ruri ke tla roba lebogo+ la ga Faro kgosi ya Egepeto, mme bona! ga le kitla le hapiwa gotlhelele gore le fole ka go le baya sehapo gore le hapiwe,+ gore le nonofe mo le ka tshwarang tšhaka.” 22  “Ka jalo Morena Molaodimogolo Jehofa o buile jaana, ‘Bona, ke kgatlhanong le Faro kgosi ya Egepeto,+ mme ke tla robaganya mabogo a gagwe,+ le le nonofileng le le le robegileng,+ mme ke tla dira gore tšhaka e we mo seatleng sa gagwe.+ 23  Ke tla gasamisetsa Baegepeto mo ditšhabeng ke bo ke ba phatlalatsa mo mafatsheng.+ 24  Mme ke tla nonotsha mabogo a kgosi ya Babelona+ ke bo ke tsenya tšhaka ya me mo seatleng sa gagwe,+ ke tla robaganya mabogo a ga Faro, mme o tla fegelwa fela thata fa pele ga gagwe jaaka motho yo o gobetseng ga go swa.+ 25  Mme ke tla nonotsha mabogo a kgosi ya Babelona, mme mabogo a ga Faro a tla wa; mme ba tla itse gore ke nna Jehofa fa ke tsenya tšhaka ya me mo seatleng sa kgosi ya Babelona a bo a se otlolola kgatlhanong le lefatshe la Egepeto.+ 26  Ke tla gasamisetsa Baegepeto mo ditšhabeng+ ke bo ke ba phatlalatsa mo mafatsheng; mme ba tla itse gore ke nna Jehofa.’”

Dintlha Tse di Kwa Tlase