Esekiele 3:1-27

3  Mme a nthaya a re: “Morwa motho, se o se fitlhelang, se je. Ja momeno+ ono, mme o tsamaye, o bue le ntlo ya Iseraele.”  Ka jalo ka bula molomo, mme ka iketlo a dira gore ke je momeno+ ono.  Mme a tswelela a nthaya a re: “Morwa motho, o dire gore mpa ya gago e je, gore o tlatse mala a gago ka momeno ono o ke o go nayang.” Mme ka simolola go o ja, mme wa nna botshe mo molomong wa me jaaka tswina ya dinotshe.+  Mme a tswelela a nthaya a re: “Morwa motho, tsamaya, tsena mo gare ga ba ntlo+ ya Iseraele, mme o bue mafoko a me le bone.  Gonne ga o romelwe kwa setšhabeng sa batho ba ba buang puo e e sa tlhaloganyegeng+ kgotsa ba ba loleme lo boima+—kwa ntlong ya Iseraele,  e seng kwa ditšhabeng tse dintsi tse di buang puo e e sa tlhaloganyegeng kgotsa ba ba loleme lo boima, ba mafoko a bone o ka se kang wa a utlwa wa a tlhaloganya.+ Fa nkabo ke ne ke go romile kwa go bone, bone bao ba ne ba tla go reetsa.+  Mme fa e le ba ntlo ya Iseraele bone, ga ba kitla ba batla go go reetsa, gonne ga ba batle go ntheetsa;+ ka gonne botlhe ba ntlo ya Iseraele ba tlhogoethata e bile ba na le pelo e e logwadi.+  Bona! Ke dirile gore sefatlhego sa gago se nne thata fela jaaka difatlhego tsa bone+ le phatla ya gago e nne thata fela jaaka diphatla tsa bone.+  Ke dirile gore phatla ya gago e nne jaaka teemane, e nne thata go feta legweka.+ O se ka wa ba boifa,+ le gone o se ka wa welwa ke poifo ka ntlha ya difatlhego tsa bone,+ gonne ke ntlo ya botsuolodi.”+ 10  Mme a tswelela a nthaya a re: “Morwa motho, mafoko a me otlhe a ke tla a buang le wena, a tsenye mo pelong+ ya gago mme o a utlwe ka ditsebe tsa gago. 11  Mme o tsamaye, o tsene mo bathong ba ba isitsweng botshwarwa,+ mo go bomorwa batho ba gaeno, mme o bue le bone o ba reye o re, ‘Morena Molaodimogolo Jehofa o buile jaana,’ go sa kgathalesege gore a ba a utlwa kgotsa ba a gana.”+ 12  Mme moya wa ntshikara+ mme ka simolola go utlwa kafa morago ga me modumo wa go tsubutla mo gogolo:+ “A kgalalelo ya ga Jehofa e bakwe go tswa mo lefelong la gagwe.”+ 13  Mme go ne go na le modumo wa diphuka tsa dibopiwa tse di tshelang tse di neng di kgomana thata,+ le modumo wa maotwana gaufi fela fa thoko ga tsone,+ le modumo wa go tsubutla mo gogolo. 14  Moya wa ntshikara+ mme wa ntsaya, mo ke neng ka tsamaya ka botlhoko mo tšararegong ya moya wa me, le seatla sa ga Jehofa mo go nna se ne se nonofile.+ 15  Ka jalo ke ne ka tsena mo bathong ba ba isitsweng botshwarwa kwa Tele-abibe, ba ba neng ba nna+ fa nokeng ya Kebare,+ mme ka simolola go nna fa ba neng ba nna teng; mme ka nna teng malatsi a le supa, ke gamaregile mo gare ga bone.+ 16  Mme ga diragala kwa bokhutlong jwa malatsi a le supa gore lefoko la ga Jehofa le tle mo go nna, le re: 17  “Morwa motho, ke go dirile molebeledi wa ntlo ya Iseraele,+ mme o utlwe puo mo molomong wa me mme o ba neye tlhagiso e e tswang mo go nna.+ 18  Fa ke raya motho yo o boikepo ke re, ‘Ruri o tla swa,’+ mme o bo o sa mo tlhagise le fa e le go bua gore o tlhagise moikepi mo tseleng ya gagwe e e boikepo gore o mmoloke a tshela,+ e re ka a le boikepo, o tla swela mo tlolong ya gagwe,+ mme madi a gagwe ke tla a lopa mo seatleng sa gago.+ 19  Mme fa e le wena, fa o tlhagisitse mongwe yo o boikepo+ mme a sa boe mo boikepong jwa gagwe le mo tseleng ya gagwe e e boikepo, o tla swela tlolo ya gagwe;+ mme fa e le wena, o tla bo o golotse moya wa gago.+ 20  Mme fa motho yo o siameng a boa ka morago mo tshiamong+ ya gagwe a bo a dira ka go tlhoka tshiamiso mme ke tshwanelwa ke go baya sekgopi fa pele ga gagwe,+ motho yoo o tla swa ka gonne ga o a ka wa mo tlhagisa. O tla swela boleo jwa gagwe,+ le ditiro tsa gagwe tse di siameng tse a di dirileng ga di kitla di gakologelwa,+ mme madi a gagwe ke tla a lopa mo seatleng sa gago.+ 21  Mme fa e le wena, fa o tlhagisitse mongwe yo o siameng gore mosiami a se ka a leofa,+ a bo a sa leofe, ruri o tla tswelela a tshela ka gonne o ne a tlhagisitswe,+ mme wena o tla bo o golotse moya wa gago.”+ 22  Mme seatla sa ga Jehofa sa nna mo go nna gone foo mme a nthaya a re: “Nanoga, ya kwa lebaleng la mokgatšha,+ mme ke tla bua le wena koo.” 23  Ka jalo ka nanoga ka ya kwa lebaleng la mokgatšha, mme bona! kgalalelo ya ga Jehofa e ne e eme gone,+ jaaka kgalalelo e ke neng ke e bone fa nokeng ya Kebare,+ mme ka wa ka sefatlhego.+ 24  Foo moya wa tsena mo go nna+ wa dira gore ke eme ka dinao,+ mme a simolola go bua le nna a nthaya a re: “Tla, o tswalelwe mo ntlong ya gago. 25  Mme wena, morwa motho, bona! ruri ba tla baya megala mo go wena ba go bofa ka yone gore o se ka wa tsena mo gare ga bone.+ 26  Mme ke tla dira gore loleme lwa gago lo ngaparele magalapa+ a gago, mme ruri o tla nna semumu,+ mme mo go bone ga o kitla o nna motho yo o nayang kgalemelo,+ ka gonne ke ntlo ya botsuolodi.+ 27  Mme fa ke bua le wena ke tla bula molomo wa gago, mme o ba reye o re,+ ‘Morena Molaodimogolo Jehofa o buile jaana.’ A yo o utlwang a utlwe,+ le yo o ganang a gane, ka gonne ke ntlo ya botsuolodi.+

Dintlha Tse di Kwa Tlase