Esekiele 26:1-21

26  Mme ga diragala mo ngwageng wa bolesome le bongwe, mo letsatsing la ntlha la kgwedi, gore lefoko la ga Jehofa le tle mo go nna, le re:  “Morwa motho, ka lebaka la go bo Ture+ a buile kgatlhanong le Jerusalema+ a re, ‘Aha! O robagantswe,+ dikgoro tsa ditšhaba!+ Go tla retologelwa kwa go nna. Ke tla tlala—o swafaditswe,’+  ka jalo Morena Molaodimogolo Jehofa o buile jaana, ‘Bona, ke kgatlhanong le wena, wena Ture, mme ke tla dira gore ditšhaba di le dintsi di go tsogologele,+ fela jaaka lewatle le tlhatlosa makhubu a lone.+  Mme ruri ba tla senya+ dipota tsa Ture ba bo ba rutlolola ditora+ tsa gagwe, mme ke tla gopa lorole lwa gagwe ke lo tlosa mo go ene ke mo dira bogodimo jo bo phatsimang jwa lefika le legolo le le bipologileng.  O tla fetoga mo gare ga lewatle+ go nna segotlo sa go anega matlowa a a gogwang.’+ “‘Gonne nna ke buile,’ go bua Morena Molaodimogolo Jehofa, ‘mme o tshwanetse a nna sengwe sa go gapiwa ke ditšhaba.  Mme metse e e kafa tlase ga gagwe e e mo nageng—e tla bolawa ka tšhaka, mme batho ba tla itse gore ke nna Jehofa.’+  “Gonne Morena Molaodimogolo Jehofa o buile jaana, ‘Bona, ke dira gore Nebukaderesare kgosi ya Babelona go tswa kwa bokone,+ kgosi ya dikgosi,+ a tsogologele Ture ka dipitse+ le dikara+ tsa ntwa le bapalami ba dipitse le phuthego,+ le matshutitshuti a batho.  O tla bolaya metse e e kafa tlase ga gago e e mo nageng ka tšhaka, mme o tla dira lobota lo lo dikanyetsang kgatlhanong le wena a bo a emise lorako lwa phemelo+ kgatlhanong le wena mme a tsholetse thebe e kgolo kgatlhanong le wena;  mme o tla lebisa go itaya ga sebetsa sa gagwe se se tlhaselang kwa dipoteng tsa gago, mme ditora tsa gago o tla di rutla ka ditšhaka tsa gagwe. 10  Ka ntlha ya bontsi jo bo boitshegang jwa dipitse tsa gagwe lorole lwa tsone lo tla go bipa.+ Dipota tsa gago di tla reketla ka ntlha ya modumo wa mopalami wa pitse le leotwana le kara ya ntwa, fa a tsena ka dikgoro tsa gago, jaaka fa go tsenwa mo motseng o o butsweng diphatlha. 11  O tla gataka mebila yotlhe ya gago+ ka ditlhakwana tsa dipitse tsa gagwe. O tla bolaya batho ba gago ka tšhaka, mme dipilara tsa gago tsa nonofo di tla wela fa fatshe. 12  Mme ruri ba tla thopa dikhumo+ tsa gago mme ba gape dithoto tsa gago tse di rekisiwang,+ ba thube dipota tsa gago, mme ba tla rutla matlo a gago a a eletsegang. Maje a gago le tiro ya gago ya logong le lorole lwa gago ba tla lo baya mo gare ga metsi.’ 13  “‘Mme ke tla khutlisa pheretlhego ya go opela ga gago,+ le modumo wa diharepa tsa gago ga o kitla o tlhola o utlwiwa.+ 14  Mme ke tla go dira bogodimo jo bo phatsimang jwa lefika le legolo le le bipologileng.+ O tla nna segotlo sa go anegela matlowa a a gogwang.+ Ga o kitla o tlhola o agiwa sesha; gonne nna, Jehofa, ke buile,’ go bua Morena Molaodimogolo Jehofa.+ 15  “Morena Molaodimogolo Jehofa o reile Ture a re, ‘A ditlhaketlhake ga di kitla di reketla fa go utlwala modumo wa go wa ga gago, fa yo o gobetseng mo a leng gaufi le go swa a fegelwa, fa go bolawa ka polao e e setlhogo mo gare ga gago?+ 16  Mme dikgosana tsotlhe tsa lewatle di tla fologa+ mo ditulong tsa tsone tsa bogosi+ di bo di tlosa diaparo tsa tsone tse di se nang mabogo, mme di tla apola diaparo tsa tsone tse di kgabisitsweng. Di tla apara diaparo tsa thoromo. Di tla nna fa fatshe,+ mme ruri di tla roroma nako le nako+ di bo di go rotolele matlho di gakgametse. 17  Mme di tla go tlhabeleletsa pina ya khutsafalo+ di go raya di re: “‘“A bo o nyeletse jang ne, wena yo o kileng wa bo o nniwa ke ba ba tswang mawatleng,+ wena motse o o bakwang, o o neng wa nna o o nonofileng mo lewatleng,+ one le ba ba nnang mo go one, ba ba neng ba isa letshogo la bone kwa banning botlhe ba lefatshe! 18  Jaanong ditlhaketlhake di tla roroma mo letsatsing la go wa ga gago. Mme ditlhaketlhake tse di mo lewatleng di tla fuduega ka ntlha ya go tswa ga gago.”’+ 19  “Gonne Morena Molaodimogolo Jehofa o buile jaana, ‘Fa ke go dira motse o o swafetseng, jaaka metse e e sa nniwang, fa ke tlhatlosa bodiba jo bo boteng jwa metsi kwa godimo ga gago, mme metsi a mantsi a tla bo a go bipile,+ 20  gape ke tla go folosa le ba ba fologelang kwa kgatamping kwa bathong ba bogologolo,+ mme ke tla dira gore o nne mo lefatsheng le le kwa tlasetlase,+ jaaka mafelo a a swafetseng nako e telele, le ba ba fologelang mo kgatamping,+ gore o se ka wa nniwa; mme ke tla baya mokgabiso mo lefatsheng la ba ba tshelang.+ 21  “‘Ke tla go dira letshogo la tshoganyetso,+ mme ga o kitla o nna teng; o tla batliwa,+ mme ga o kitla o tlhola o bonwa ka bosakhutleng,’+ go bua Morena Molaodimogolo Jehofa.”

Dintlha Tse di Kwa Tlase