Esekiele 25:1-17

25  Mme lefoko la ga Jehofa la tswelela go tla mo go nna, le re:  “Morwa motho, lebisa sefatlhego sa gago kwa go bomorwa Amona mme o porofete kgatlhanong le bone.+  Mme o bue jaana kaga bomorwa Amona, ‘Utlwang lefoko la ga Morena Molaodimogolo Jehofa. Morena Molaodimogolo Jehofa o buile jaana: “Ka lebaka la gore o rile Aha! kgatlhanong le lefelo la me le le boitshepo, ka gonne le itshepolotswe, gape kgatlhanong le lefatshe la Iseraele, ka gonne le kgakgabaditswe, gape kgatlhanong le ba ntlo ya Juda, ka gonne ba ile botshwarwa,+  ka jalo bona, ke go naya ba Botlhaba go nna sengwe sa go ruiwa,+ mme ba tla tlhoma mathibelelo a bone a a nang le dipota mo go wena mme ruri ba tla tsenya metlaagana ya bone mo go wena. Bone ba tla ja maungo a gago, mme ba tla nwa mashi a gago.+  Mme ke tla dira Raba+ go nna mafulo a dikamela le bomorwa Amona lefelo la boikhutso la letsomane;+ mme lo tla itse gore ke nna Jehofa.”’”+  “Gonne Morena Molaodimogolo Jehofa o buile jaana, ‘Ka lebaka la gore o opile diatla+ wa ba wa tiba ka dinao mme wa nna wa ipela ka lesotlo lotlhe mo moyeng wa gago kgatlhanong le lefatshe la Iseraele,+  ka jalo bona; ke go otlololetse seatla,+ mme ke tla go naya ditšhaba gore o nne sengwe sa go gapiwa; ke tla go kgaola mo ditšhabeng ke bo ke go senya mo mafatsheng.+ Ke tla go nyeletsa,+ mme o tla itse gore ke nna Jehofa.’  “Morena Molaodimogolo Jehofa o buile jaana, ‘Ka lebaka la gore Moabe+ le Seire+ ba rile: “Bona! Ntlo ya Juda e tshwana le ditšhaba tse dingwe tsotlhe,”+  ka jalo bona, ke bula mokgokolosa wa Moabe kwa metseng, kwa metseng ya gagwe go ya kgaolong ya gagwe e e leng molelwane, mokgabiso wa lefatshe, Bethe-jeshimothe,+ Baale-meone,+ le go ya go fitlha kwa Kiriathaime,+ 10  ke o bulela ba Botlhaba,+ mmogo le bomorwa Amona;+ mme ke tla o dira sengwe sa go ruiwa, gore o tle o se ka wa gakologelwa,+ ke gore, bomorwa Amona, mo ditšhabeng. 11  Mme ke tla diragatsa ditiro tsa katlholo+ kwa Moabe; mme ba tla itse gore ke nna Jehofa.’+ 12  “Morena Molaodimogolo Jehofa o buile jaana, ‘Ka lebaka la gore Edoma o tsere kgato ka go ipusolosetsa mo go ba ntlo ya Juda mme ba nna ba dira se se sa siamang fela thata ba bo ba ipusolosetsa mo go bone,+ 13  ka jalo Morena Molaodimogolo Jehofa o buile jaana: “Gape ke tla otlololela Edoma+ seatla mme ke kgaole mo go yone motho le seruiwa,+ mme ke tla e dira lefelo le le swafetseng go tloga kwa Temane,+ le eleng go fitlha kwa Dedane.+ Ba tla wa ka tšhaka. 14  ‘Mme ke tla tlisa pusoloso ya me mo Edoma ka seatla sa batho ba me ba Iseraele;+ mme ba tla dira kafa bogaleng jwa me mo Edoma le kafa tšararegong ya me; mme ba tla itse se pusoloso ya me e leng sone,’+ go bua Morena Molaodimogolo Jehofa.”’ 15  “Morena Molaodimogolo Jehofa o buile jaana, ‘Ka lebaka la gore Bafilisitia ba tsere kgato ka pusoloso mme ba nna ba ipusolosetsa ka pusoloso+ ka lesotlo mo moyeng, gore ba bake tshenyo,+ ka bobaba jo bo nnang ka bosakhutleng,+ 16  ka jalo Morena Molaodimogolo Jehofa o buile jaana: “Bona, ke otlololela Bafilisitia+ seatla, mme ke tla kgaola Bakeretha+ ke bo ke senya losi lotlhe lwa lewatle.+ 17  Mme ke tla diragatsa ditiro tse dikgolo tsa pusoloso mo go bone, ka dikgalemo tsa tšararego;+ mme ba tla itse gore ke nna Jehofa fa ke tlisa pusoloso ya me mo go bone.”’”+

Dintlha Tse di Kwa Tlase