Esekiele 11:1-25

11  Mme moya+ wa ntsholetsa+ wa ntlisa kwa kgorong e e kafa botlhaba ya ntlo ya ga Jehofa e e lebileng kwa ntlheng ya botlhaba,+ mme bona! mo botsenong jwa kgoro go ne go na le banna ba le masome a mabedi le botlhano,+ mme mo gare ga bone ka bona Jaasania morwa Asure le Pelatia morwa Benaia, dikgosana tsa batho.+  Foo a nthaya a re: “Morwa motho, bano ke batho ba ba logang maano a go utlwisa botlhoko le ba ba gakololang kgakololo e e bosula kgatlhanong le motse ono;+  ba ba reng, ‘A go aga matlo ga go gaufi?+ One ke pitsa e e molomomogolo e e apeelang,+ mme rona re nama.’  “Ka jalo porofeta kgatlhanong le bone. Porofeta, wena morwa motho.”+  Foo moya wa ga Jehofa wa tla mo go nna,+ mme a tswelela a nthaya a re: “Bua jaana, ‘Jehofa o buile jaana:+ “Lo buile se se siameng, lona ntlo ya Iseraele; mme fa e le dilo tse di tlang mo moyeng wa lona, ke o itsile.+  Lo dirile gore ba ba bolailweng ba lona ba nne bantsi mo motseng ono, e bile lo tladitse mebila ya one ka ba ba bolailweng.”’”+  “Ka jalo Morena Molaodimogolo Jehofa o buile jaana, ‘Fa e le ba ba bolailweng ba lona ba lo ba beileng mo gare ga one, ke bone nama,+ mme one ke pitsa e e molomomogolo e e apeelang;+ mme lo tla ntshiwa mo gare ga one.’”+  “‘Lo boifile tšhaka,+ mme ke tla lo tlisetsa tšhaka,’ go bua Morena Molaodimogolo Jehofa.+  ‘Ruri ke tla lo ntsha mo gare ga one ke lo tsenya mo seatleng sa batswakwa+ ke bo ke diragatsa ditiro tsa katlholo mo go lona.+ 10  Lo tla wa ka tšhaka.+ Ke tla lo atlhola fa molelwaneng wa Iseraele;+ mme lo tla itse gore ke nna Jehofa.+ 11  One ga o kitla o itshupa o le pitsa ya lona e e molomomogolo e e apeelang,+ mme ga lo kitla lo itshupa lo le nama mo go one. Ke tla lo atlhola mo molelwaneng wa Iseraele, 12  mme lo tla itse gore ke nna Jehofa, ka gonne ga lo a ka lwa tsamaya mo melaong ya me e bile ga lo a ka lwa dira kafa dikatlholong tsa me,+ mme lo dirile kafa dikatlholong tsa ditšhaba tse di lo dikologileng.’”+ 13  Mme ga diragala gore fela fa ke porofeta Pelatia morwa Benaia a swa,+ mme ka wa ka sefatlhego ka goa ka lentswe le le kwa godimo+ ke re: “Ijoo, Morena Molaodimogolo Jehofa!+ A o diragatsa phediso mo go ba ba setseng ba Iseraele?”+ 14  Mme lefoko la ga Jehofa la tswelela go tla mo go nna le re: 15  “Morwa motho, fa e le bomorwarrago,+ bomorwarrago, batho ba ba amegileng ka tshwanelo ya gago ya go rekolola, le botlhe ba ntlo ya Iseraele, botlhe fela, ke bone ba banni ba Jerusalema ba ba reileng ba re, ‘Yang kgakala le Jehofa. Ke la rona; lefatshe le neilwe rona gore re le rue’;+ 16  ka jalo bua o re, ‘Morena Molaodimogolo Jehofa o buile jaana: “Le mororo ke ba isitse kgakala mo ditšhabeng,+ e bile le mororo ke ba gasamisitse mo mafatsheng, le fa go ntse jalo ke tla nna lefelo le le boitshepo mo go bone ka lobakanyana mo mafatsheng a ba tlileng mo go one.”’+ 17  “Ka jalo bua o re, ‘Morena Molaodimogolo Jehofa o buile jaana: “Gape ke tla lo phutha mo ditšhabeng ke bo ke lo phuthe mo mafatsheng a lo gasamiseditsweng kwa go one, mme ke tla lo naya lefatshe la Iseraele.+ 18  Ruri ba tla tla koo ba tlose dilo tsotlhe tsa one tse di ferosang sebete le dilo tsotlhe tsa one tse di makgapha mo go one.+ 19  Ke tla ba naya pelo e le nngwe fela,+ mme ke tla tsenya moya o mosha mo go bone;+ ruri ke tla tlosa pelo ya leje mo nameng+ ya bone mme ke ba neye pelo ya nama,+ 20  gore ba tle ba tsamaye mo melaong ya me le gore ba boloke ditshwetso tsa me tsa boatlhodi ba bo ba di diragatse;+ mme ruri ba nne batho ba me+ le nna ke nne Modimo wa bone.”’+ 21  “‘“Mme fa e le ba pelo ya bone e tsamayang mo dilong tsa bone tse di ferosang sebete le mo dilong tsa bone tse di makgapha,+ ruri ke tla tlisa tsela ya bone mo tlhogong ya bone,” go bua Morena Molaodimogolo Jehofa.’”+ 22  Jaanong ditšheruba+ tsa tsholetsa diphuka tsa tsone, maotwana a le gaufi le tsone,+ mme kgalalelo+ ya Modimo wa Iseraele e ne e di okame go tswa kwa godimo.+ 23  Mme kgalalelo ya ga Jehofa+ ya tlhatloga e tswa fa godimo ga motse mme ya simolola go ema fa godimo ga thaba+ e e kwa botlhaba jwa motse.+ 24  Mme moya+ wa ntsholetsa+ mme la bofelo wa ntlisa kwa Kaladia kwa bathong ba ba isitsweng botshwarwa,+ mo ponatshegelong ka moya wa Modimo; mme ponatshegelo e ke neng ke e bone ya tlhatloga ya tswa mo go nna. 25  Mme ka simolola go bolelela batho ba ba isitsweng botshwarwa dilo tsotlhe tsa ga Jehofa tse a neng a dirile gore ke di bone.+

Dintlha Tse di Kwa Tlase