Ekesodo 6:1-30

6  Ka jalo Jehofa a raya Moshe a re: “Jaanong o tla bona se ke tla se dirang Faro,+ ka gonne o tla ba lesa ba tsamaya ka ntlha ya seatla se se nonofileng e bile o tla ba leleka mo lefatsheng la gagwe+ ka ntlha ya seatla se se nonofileng.”  Mme Modimo a tswelela go bua le Moshe a mo raya a re: “Ke nna Jehofa.+  Mme ke ne ke tle ke bonale kwa go Aborahame,+ Isake+ le Jakobe+ ke le Modimo Mothatayotlhe,+ mme ka ga leina la me Jehofa+ ga ke a ka ka ba ikitsise.+  Mme gape, ke ne ka tlhomamisa kgolagano ya me le bone ya go ba naya lefatshe la Kanana, lefatshe la boagi jwa bone jwa boeng+ le ba neng ba nna mo go lone e le baeng.  Mme nna, e leng nna, ke utlwile go fegelwa ga bomorwa Iseraele,+ ba Baegepeto ba ba dirang makgoba, mme ke gakologelwa kgolagano ya me.+  “Ka jalo raya bomorwa Iseraele o re, ‘Ke nna Jehofa, mme ke tla lo ntsha kafa tlase ga mekgweleo ya Baegepeto ke bo ke lo golola mo bokgobeng+ jwa bone, ke tla lo namola ka lebogo le le otlolotsweng le ka dikatlholo tse dikgolo.+  Ke tla lo tseela kwa go nna jaaka setšhaba,+ mme ke tla itshupa ke le Modimo mo go lona;+ mme lo tla itse gore ke nna Jehofa Modimo wa lona yo o lo ntshang kafa tlase ga mekgweleo ya Egepeto.+  Mme ke tla lo tlisa mo lefatsheng le ke neng ka tsholetsa seatla sa me ka ikano+ gore ke tla le naya Aborahame, Isake le Jakobe; mme ke tla le naya lona go nna sengwe se lo tla se ruang.+ Ke nna Jehofa.’”+  Morago ga moo Moshe a bua le bomorwa Iseraele ka tsela eno, mme ga ba a ka ba reetsa Moshe ka ntlha ya go kgobega marapo le ka ntlha ya bokgoba jo bo thata.+ 10  Foo Jehofa a bua le Moshe, a re: 11  “Tsena o bue le Faro, kgosi ya Egepeto,+ gore a lese bomorwa Iseraele ba tsamaye ba tswe mo lefatsheng la gagwe.”+ 12  Le fa go ntse jalo, Moshe a bua fa pele ga ga Jehofa, a re: “Bona! Bomorwa Iseraele ga ba a ntheetsa;+ mme tota Faro o tla ntheetsa jang,+ e re ka ke le dipounama+ di sa rupang?” 13  Mme Jehofa a tswelela a bua le Moshe le Arone a bo a ntsha taolo ka bone e e yang kwa go bomorwa Iseraele le kwa go Faro, kgosi ya Egepeto, gore a ntshe bomorwa Iseraele mo lefatsheng la Egepeto.+ 14  Bano ke ditlhogo tsa ntlo ya borraabone: Bomorwa Rubene, leitibolo la ga Iseraele,+ e ne e le Hanoke le Palu, Heserone le Karami.+ Ano ke malapa a ga Rubene.+ 15  Mme bomorwa Simeone e ne e le Jemuele le Jamine le Ohade le Jakine le Sohare le Shaulo morwa mosadi wa Mokanana.+ Ano ke malapa a ga Simeone.+ 16  Mme ano ke maina a bomorwa Lefi,+ kafa ditshikeng tsa malapa a bone:+ Gereshone le Kohathe le Merari.+ Mme dingwaga tsa botshelo jwa ga Lefi e ne e le dingwaga di le lekgolo le masome a mararo le bosupa. 17  Bomorwa Gereshone e ne e le Libeni le Shimei,+ kafa malapeng a bone.+ 18  Mme bomorwa Kohathe e ne e le Amerame le Isehare le Heberone le Usiele.+ Mme dingwaga tsa botshelo jwa ga Kohathe e ne e le dingwaga di le lekgolo le masome a mararo le boraro. 19  Mme bomorwa Merari e ne e le Maheli le Mushi.+ Ano e ne e le malapa a Balefi, kafa ditshikeng tsa malapa a bone.+ 20  Jaanong Amerame a tsaya Jokebede kgaitsadie rraagwe go nna mosadi+ wa gagwe. Moragonyana a mo tsholela Arone le Moshe.+ Mme dingwaga tsa botshelo jwa ga Amerame e ne e le dingwaga di le lekgolo le masome a mararo le bosupa. 21  Mme bomorwa Isehare e ne e le Kora+ le Nefege le Sikeri. 22  Mme bomorwa Usiele e ne e le Mishaele le Elisafane le Sitheri.+ 23  Jaanong Arone a tsaya Elisheba, morwadia Aminadabe, kgaitsadie Nashone,+ go nna mosadi wa gagwe. Moragonyana a mo tsholela Nadabe le Abihu, Eliasare le Ithamare.+ 24  Mme bomorwa Kora e ne e le Asire le Elekana le Abiasafe.+ Ano e ne e le malapa a Bakora.+ 25  Mme Eliasare, morwa+ Arone, a itseela mongwe wa bomorwadia Putiele go nna mosadi wa gagwe. Moragonyana a mo tsholela Finease.+ Bano ke ditlhogo tsa borraabo Balefi, kafa malapeng a bone.+ 26  Bano ke bone Arone le Moshe ba Jehofa a neng a ba raya a re:+ “Ntshang bomorwa Iseraele mo lefatsheng la Egepeto kafa masomosomong a bone.”+ 27  Ke bone ba ba neng ba bua le Faro, kgosi ya Egepeto, gore ba ntshe bomorwa Iseraele mo Egepeto.+ Bano ke bone Moshe le Arone. 28  Mme go ne ga diragala mo letsatsing le Jehofa a neng a bua le Moshe ka lone mo lefatsheng la Egepeto,+ 29  gore Jehofa a tswelele a bue le Moshe, a re: “Ke nna Jehofa.+ Bua le Faro kgosi ya Egepeto sengwe le sengwe se ke se buang le wena.” 30  Foo Moshe a bua jaana fa pele ga ga Jehofa: “Bona! ke dipounama di sa rupang, ka jalo tota Faro o tla ntheetsa jang?”+

Dintlha Tse di Kwa Tlase