Ekesodo 4:1-31

4  Le fa go ntse jalo, Moshe fa a araba a re: “Mme a re tseye gore ga ba ntumele e bile ga ba reetse lentswe la me,+ ka gonne ba tlile go re, ‘Jehofa ga a ka a bonala mo go wena.’”  Foo Jehofa a mo raya a re: “Ke eng seo se se mo seatleng sa gago?” mme ene a re: “Ke thobane.”+  Go tswa foo a re: “E latlhele fa fatshe.” Ka jalo a e latlhela fa fatshe, mme ya fetoga noga;+ mme Moshe a simolola go tshaba fa go yone.  Jaanong Jehofa a raya Moshe a re: “Ntsha seatla o e tshware ka mogatla.” Ka jalo a ntsha seatla a e tshwara, mme ya fetoga thobane mo legofing la gagwe.  “E le gore,” go nopola mafoko a gagwe, “ba tle ba dumele gore Jehofa Modimo wa borraabonemogologolwane,+ Modimo wa ga Aborahame,+ Modimo wa ga Isake+ le Modimo wa ga Jakobe,+ o bonetse mo go wena.”+  Foo Jehofa a boa gape a mo raya a re: “Tsweetswee, tsenya seatla sa gago mo momenong o o fa godimo wa seaparo sa gago.” Ka jalo a tsenya seatla sa gagwe mo momenong o o fa godimo wa seaparo sa gagwe. E rile a se ntsha, bona, seatla sa gagwe sa bo se iteilwe ka lepero se ntse jaaka kapoko!+  Morago ga moo a re: “Busetsa seatla sa gago mo momenong o o fa godimo wa seaparo sa gago.” Ka jalo a busetsa seatla sa gagwe mo momenong o o fa godimo wa seaparo sa gagwe. E rile a se ntsha mo momenong o o fa godimo wa seaparo sa gagwe, bona, sa bo se shafetse jaaka nama yotlhe ya gagwe!+  “Mme go tla diragala gore,” go nopola mafoko a gagwe, “fa ba sa go dumele e bile ba sa reetse lentswe la sesupo sa ntlha, he ruri ba tla dumela lentswe la sesupo sa morago.+  Mo godimo ga moo, go tla diragala gore, fa ba sa dumele le eleng ditshupo tse pedi tseno e bile ba sa reetse lentswe la gago,+ he o tla tsaya metsinyana mo Nokeng ya Nile o bo o a tshololela mo lefatsheng le le omileng; mme metsi a o tla a tsayang mo Nokeng ya Nile ruri a tla fetoga, ee, ruri a tla fetoga madi mo lefatsheng le le omileng.”+ 10  Jaanong Moshe a raya Jehofa a re: “Intshwarele Jehofa, ga ke seleta mo puong, fa e sa le maabane kgotsa pele ga moo kgotsa fa e sa le o bua le motlhanka wa gago, gonne ke molomo o bonya le loleme lo bonya.”+ 11  Foo Jehofa a mo raya a re: “Ke mang yo o diretseng motho molomo kgotsa ke mang yo o tlhomang yo o sa kgoneng go bua kgotsa yo o susu kgotsa yo o bonang sentle kgotsa sefofu? A ga se nna, Jehofa?+ 12  Jaanong tsamaya, mme ke tla nna le molomo wa gago e bile ke tla go ruta se o tshwanetseng go se bua.”+ 13  Mme ene a re: “Intshwarele Jehofa, tsweetswee, roma ka seatla sa yo o tlileng go mo roma.” 14  Foo bogale jwa ga Jehofa jwa tukela Moshe mme a re: “A Arone wa Molefi ga se morwarrago?+ Ke a itse gore tota a ka kgona go bua. Mme, mo godimo ga moo, ke yo, o mo tseleng go tla go go kgatlhantsha. Fa a go bona, ruri o tla ipela mo pelong+ ya gagwe. 15  Mme o bue le ene o tsenye mafoko ano mo molomong wa gagwe;+ mme ke tla nna le molomo wa gago le molomo wa gagwe,+ e bile ke tla lo ruta se lo tshwanetseng go se dira.+ 16  O tla go buelela mo bathong; mme go tla diragala gore a nne molomo wa gago,+ mme wena o tla nna Modimo mo go ene.+ 17  Mme o tseye thobane eno ka seatla sa gago gore o tle o dire ditshupo ka yone.”+ 18  Ka jalo Moshe a tsamaya a boela kwa go Jethero mogogwadiagwe mme a mo raya a re:+ “Tsweetswee, ke batla go tsamaya ke boele kwa go bomorwarre ba ba kwa Egepeto ke tle ke bone gore a ba sa ntse ba tshela.”+ Ka jalo Jethero a raya Moshe a re: “Tsamaya ka kagiso.”+ 19  Morago ga moo Jehofa a raya Moshe kwa Midiana a re: “Tsamaya, boela kwa Egepeto, ka gonne batho botlhe ba ba neng ba tsoma moya wa gago ba sule.”+ 20  Foo Moshe a tsaya mosadi wa gagwe le bomorwawe a ba palamisa mo eseleng, a boela kwa lefatsheng la Egepeto. Mo godimo ga moo, Moshe a tsaya thobane ya Modimo wa boammaaruri ka seatla.+ 21  Mme Jehofa a raya Moshe a re: “Fa o sena go tsamaya o boetse kwa Egepeto, o tlhokomele gore o dira dikgakgamatso tsotlhe tse ke di tsentseng mo seatleng sa gago fa pele ga ga Faro.+ Mme nna, ke tla letla pelo ya gagwe gore e thatafale;+ mme ga a kitla a lesa batho ba tsamaya.+ 22  Mme o reye Faro o re, ‘Jehofa o buile jaana: “Iseraele ke morwaake, leitibolo+ la me. 23  Mme ke go raya ke re: Lesa morwaake a tsamaye gore a ntirele. Mme fa o ka gana go mo lesa a tsamaya, bona, ke bolaya morwao, leitibolo+ la gago.”’” 24  Jaanong go ne ga diragala mo tseleng kwa lefelong la bonno+ gore Jehofa a kopane le ene+ mme a nna a batla tsela ya go mmolaya.+ 25  Labofelo Siphora+ a tsaya legweka mme a kgaola letlalo la bonna+ la ga morwawe mme a dira gore le ame dinao tsa gagwe a bo a re: “Ke ka gonne o monyadi wa madi mo go nna.” 26  Ka gone a mo lesa a tsamaya. Ka nako eo Siphora a re: “Monyadi wa madi,” ka ntlha ya go rupa. 27  Foo Jehofa a raya Arone a re: “Tsamaya o ye go kgatlhantsha Moshe kwa nageng.”+ Foo a tsamaya mme a mo kgatlhantsha mo thabeng ya Modimo wa boammaaruri+ mme a mo atla. 28  Mme Moshe a bolelela Arone mafoko otlhe a ga Jehofa, yo o neng a mo romile,+ le ditshupo tsotlhe tse a neng a mo laetse gore a di dire.+ 29  Morago ga moo Moshe le Arone ba tsamaya mme ba phutha banna botlhe ba bagolwane ba bomorwa Iseraele.+ 30  Foo Arone a bua mafoko otlhe a Jehofa a neng a a buile le Moshe,+ a ba a dira ditshupo+ mo matlhong a batho. 31  Foo batho ba dumela.+ E rile ba utlwa gore Jehofa o ne a lebisitse tlhokomelo+ ya gagwe mo go bomorwa Iseraele le gore o ne a bone pogisego+ ya bone, foo ba ikoba mme ba obama.+

Dintlha Tse di Kwa Tlase