Ekesodo 24:1-18

24  Mme a raya Moshe a re: “Tlhatlogela kwa go Jehofa, wena le Arone, Nadabe le Abihu+ le ba ba masome a supa+ ba banna ba bagolwane ba Iseraele, mme lo ikobe lo le kgakajana.  Mme Moshe a atamele Jehofa a le nosi; mme bone ba se ka ba atamela, le batho ba se ka ba tlhatloga le ene.”+  Foo Moshe a tla mme a bolelela batho mafoko otlhe a ga Jehofa le ditshwetso tsotlhe tsa boatlhodi,+ mme batho botlhe ba araba ka lentswe le le lengwe ba re: “Re iketleeleditse go dira mafoko otlhe a Jehofa a a buileng.”+  Ka jalo Moshe a kwala mafoko otlhe a ga Jehofa.+ Mme a tsoga go sa le phakela a aga sebeso fa mohapheng wa thaba le dipilara di le lesome le bobedi tse di tsamaisanang le ditso tse di lesome le bobedi tsa Iseraele.+  Morago ga moo a roma makau a bomorwa Iseraele mme ba isa ditshupelo tse di fisiwang ba bo ba ntshetsa Jehofa dipoo go nna ditlhabelo, go nna ditlhabelo tsa kabalano.+  Mme Moshe a tsaya sephatlo sa madi a a tshela mo megopong,+ mme a kgatšha sephatlo se sengwe sa madi mo sebesong.+  Labofelo a tsaya buka ya kgolagano+ a e bala mo ditsebeng tsa batho.+ Mme ba re: “Re iketleeleditse go dira sotlhe se Jehofa a se buileng le go nna kutlo.”+  Ka jalo Moshe a tsaya madi a kgatšha batho ka one+ mme a re: “Ano ke madi a kgolagano+ e Jehofa a e dirileng le lona ka ga mafoko ano otlhe.”  Mme Moshe le Arone, Nadabe le Abihu le ba ba masome a supa ba banna ba bagolwane ba Iseraele ba tlhatloga, 10  mme ba bona Modimo wa Iseraele.+ Mme kafa tlase ga dinao tsa gagwe go ne go na le mo go ntseng jaaka boalo jo bo dirilweng ka maje a safire le jaaka magodimo ka boitsheko.+ 11  Mme a se ka a ntshetsa banna ba ba tlhomologileng ba bomorwa Iseraele seatla,+ mme ba bona Modimo wa boammaaruri+ mo ponatshegelong mme ba ja ba bo ba nwa.+ 12  Jaanong Jehofa a raya Moshe a re: “Tlhatlogela kwa go nna mo thabeng mme o nne gone, e re ka ke batla go go naya dikwalelo tsa leje le molao le taelo e ke tshwanetseng go e kwala gore ke ba rute.”+ 13  Ka jalo Moshe le modiredi wa gagwe Joshua ba nanoga mme Moshe a tlhatlogela mo thabeng ya Modimo wa boammaaruri.+ 14  Mme o ne a reile banna ba bagolwane a re: “Re leteleng mo lefelong leno go fitlha re boela kwa go lona.+ Mme bona! Arone le Hure+ ba na le lona. Le fa e le mang yo o nang le kgetsi ya molao, a a atamele bone.”+ 15  Moshe a tlhatlogela jalo mo thabeng fa leru le ne le bipa thaba.+ 16  Mme kgalalelo ya ga Jehofa+ ya nna ya aga mo Thabeng ya Sinai,+ le leru la nna la e bipa malatsi a le marataro. Kgabagare mo letsatsing la bosupa a bitsa Moshe a le mo gare ga leru.+ 17  Mme mo matlhong a bomorwa Iseraele pono ya kgalalelo ya ga Jehofa e ne e ntse jaaka molelo o o lailang+ mo godimo ga thaba. 18  Mme Moshe a tsena mo gare ga leru mme a nna a tlhatloga thaba.+ Mme Moshe a nna mo thabeng malatsi a le masome a manè le masigo a le masome a manè.+

Dintlha Tse di Kwa Tlase